О́z kózimizge ózimiz senbedik

Qanyń qalaı qaınamas?! «Qyz Jibek» fılmi eske túse beredi. Tólegen ákesinen qoldaý tappaı, sarbazdaryn bastap jaýǵa qarsy tura almaı, ózi jalǵyz qaı­typ kele jatady ǵoı. Jolda Bekejanmen tabysady. Sóıtken kezde jońǵardyń qoly jer astynan shyǵa kelgendeı bolyp, qyrǵyn shaıqas bastalyp ketedi. Esirgen jaý sonda týdy ala qashpaı ma? Tólegen tura qýmaı ma? Baıraqty tartyp al­yp, máz-meıram bolyp kele jat­qanynda ótirik ólgen joń­ǵar Tó­legenniń atyn atyp qu­latpaı ma? Borpyldaq topyraqqa at-maty­men aýnap túsken Tólegen sonda týdy tik kóterip, jana­ry­nan ot shashyp turmaı ma?! Beıbit kún­de memlekettik rámizdi qadir­leı almaı júrgen myna zamanda kóz aldymyzǵa osy kórinis qaıta-qaıta kele beredi. Týǵa qur shúberek dep qa­raı­tyn­dardyń qatary sıremeı tur. Keıingi kúnderdiń bederinde qy­ran búrkit bederlengen basty ny­shanǵa enjar qaraý­dyń túrli kóri­nis­terin kózimiz kó­rip-aq júr. Taldyqorǵanda shyr­sha­ny be­­zen­diretin oıyn­shyq­tar­dy sa­la­tyn qapshyq qyl­dy qaı­bir jy­ly. Jam­byl­da bir kol­ledj­­diń stý­dent­teri týyńyzben kóshe­degi tús­ken ja­pyraqty ta­sy­dy. Sol aımaq­ta­ǵy kedendik bekette baı­raq tóń­kerilip ilinip turdy. Kim­niń mıy jetkenin qaıdam, fýt­bol dobyna tý salǵandy da kór­dik. Osy kúni mun­daı keri úrdis kóp baı­qala­­tyn bol­dy. Qalaı toq­taý salamyz? Senbi kúni toıǵa bardyq. «Al­­tyn dástúr» degen meıram­ha­naǵa. Aty jaqsy osy meıram­ha­nanyń zaty durys bolmaı shyq­ty. Bir qaýym el syrtta tur edik. Anadaı jerde burq-sarq qaı­naǵan qazan­nyń qasynda kó­ge­reńdep bir nár­se kórindi. Al­ǵash­qysynda mán ber­medik. Ar­­ty­nan ne nárse eken dep anyqtap qaraǵanymyzda óz kó­zi­miz­ge ózi­miz senbedik. Gaz bal­lon­nyń syr­tyn týmen orap qoı­yp­ty?! O, mas­qa­ra! Tóbeńde tura­tyn tý qazan-oshaq qasynda... Janyń aýyra ma, joq pa? «Altyn dástúr» degen meıramhana eshbir dástúrińdi mensinbeıtinin, týyńnyń ózin qadir­le­meı­tinin anyq kórsetti. Ári-be­ri­den soń meıramhananyń tó­be­sin­de tý ilinip turýyna ruqsat joq. Ol tek memlekettik meke­me­lerdiń mańdaıynda jarqyrap tu­rýy kerek. Al olar gaz bal­lon­dy orap tastaǵan. Aıtarǵa sóz joq. Elbasynyń ózi tizesin búgip, basyn ıip sú­ıe­tin týyńyzdyń Syr boıyndaǵy sıqy osyndaı. Bilmestikpen istedi degenge sengiń-aq keledi. Bi­raq nıeti túzý adam týdy olaı qor­­la­masa kerek edi. Myna kó­ri­nisti kór­gende: «Qazaqtyń qazaq qany qaıda ketken?» degen zil­deı saýal mıda turyp aldy. Erjan BAITILES, Qyzylorda.