Úsh júz myńynshy abonent

Halyq ómirine zamanaýı teh­nı­kalyq quraldar berik ene bas­tady. Osyǵan baılanysty alys eldi mekenderdiń ózinde turǵyn­dar telefon baılanysyn tıimdi paıdalanyp, ınternetke de ıek artyp otyr. Máselen, oblysty 1 mıllıon 800 myń halyq mekendese, olarǵa 346 ATS (52 analogtyq, 294 sandyq) stansa qyzmet kór­se­týde. Al Alakól aýdanyndaǵy 78 myń turǵynǵa 43 ATS (18 sandyq, 2 WLL CDMA 450, 23 Sky Edge Sky Star jerserik stansalary) qyzmet kórsetedi eken. Alakóldik stansalardyń 19-y aýyldyq jerlerde ornalassa, osy qyzmet tú­rine kezekke turǵandar áli de bar. Osydan eki aı buryn Alakól aýdany, Qabanbaı batyr aýyly­nyń turǵyndary Ashat pen Ju­magúl Musabekovterdiń otbasy telefon ornatýǵa tapsyrys beripti. Kóp keshikpeı «Qazaqtelekom» AQ fı­lıaly telekommýnıkasııa jelisine úsh júz myńynshy abonent retinde tirkelgen otbasyn quttyq­taǵan. Tipti, oblystyq telekommýnıkasııalar dıreksııasynyń bas dırek­to­ry Jeksenbaı Meırembaev pen aýdan ákimi Álibek Ja­qanbaev arna­ıy kelip, bazarlyq­taryn jetkizdi. – Birneshe jyl buryn baıla­nys jelimizge júz myńynshy abonent qosylǵanda qýandyq. Mine, búgin qatarymyzǵa úsh júz my­ńyn­shy abonent qosylyp otyr. Bul eńbegimizdiń jemisi, – degen J. Meırembaev otbasyna suıyq krıs­taldy teledıdar, telefon baı­lanysy men keńjolaqty ınternetti jáne ID TV-di tegin ornatý múmkindigine ıe sertıfıkatty qosa tapsyrdy. Qabanbaı aýyldyq bólimshe­si­niń elektromehanıgi Igilik Ákish­taı birden teledıdardy qýat k­ó­zine qosyp, ID TV-men qalaı ju­mys isteý kerektigin kórsetti. Úı­degi kompıýterge ınternet te qo­syldy. Ornatylǵan telefonmen Jumagúl týystaryna habarlasyp jatty. Otbasynda úsh bala tárbıe­le­nýde. Mektepte oqıtyn balalary ınternettiń qosylǵanyna rıza. Al kenjeleri teledıdardan «Balapan» baǵdarlamasyn tamashalap máz. Jumagúl bolsa endi týǵan-týystarymen habarlasýyna, ba­la­la­rynyń ınternet arqyly álem­de­gi jańalyqtardan habardar bo­lýyna múmkindik týǵanyn aıtady. Qabanbaılyqtar osylaı qýan­dy. Kúmisjan BAIJAN, Almaty oblysy.