Kosovoǵa 700 ásker jiberilmek

Serbııa men Kosovonyń arasyndaǵy shekaradaǵy ahýaldyń shıelenise túsýine baılanysty Germanııa halyqaralyq bitimgershilik kontıngentti kúsheıtý úshin óńirge 550 áskerı qyzmetshi jibermek. Oǵan qosa Avstrııanyń da 150 áskerı qyzmetshini jiberetini belgili bolyp otyr. Nemister men avstrııalyqtar operatıvti rezerv batalonynyń quramyna enbekshi. Operasııa 30 kúnge eseptelgen. Biraq jaǵdaı nasharlaı tússe, onyń merzimi uzartylatyn bolady. Qazirgi ýaqytta Kosovoda NATO-nyń 5500 áskerıleri bar, olardyń 900-i nemister.   Ereýilshilerge aqsha ne úshin berildi? Fransýz úkimetine Lıvııa basshysy Mýamar Kaddafıge tıesili 259 mıllıon dol­lardy ereýilshilerge berip jibe­rýdiń qan­sha­­lyqty zańdy ekenin dá­lel­deýge týra keledi. Lıvııa úkimetiniń múddesin qorǵaıtyn fransýz advokattary Rolan Dıýma men Jak Verges Fransııa syrtqy ister mınıstri Alen Jıýppege osyndaı talap qoı­yl­ǵan resmı saýal jibergen. Jaqynda ót­peli ulttyq keńes ókili Mansýr Seıf an-Nasrmen Parıjdegi kezdesýde Alen Jıýppe Kaddafıdiń esep-shot­taryn «bosatý» úde­ri­siniń aıaq­tal­ǵanyn aıtqan bolatyn. Sondaı-aq, ol 259 mıllıon dol­lardyń ereýilshilerge beriletinin rastaǵan. Al advokattar bolsa BUU sheshimimen «tyıym salynǵan» qar­jynyń ereýilshilerge qandaı negizde berilgenin túsindirýdi talap etýde.   Ushaq apatqa ushyrady Brazılııanyń Santa-Katarına shtatynda ushaq­tyń qulaýy saldarynan 5 adam qaza tapqan. Kólik quralynyń bortynda bolǵan taǵy 3 adamnyń taǵ­dyry ázirge belgisiz kúıinde qalyp otyr. Apatqa ushyraǵan ushaq Brazılııa qarýly kúshterine tıesili kórinedi. Apat kólik quraly halyq az qonystanǵan taýly aımaqtyń ús­ti­nen ushyp bara jatqan kezde oryn alǵan. Oqıǵanyń anyq-qa­ny­ǵyn el astanasynan kelgen mamandar anyqtaıtyn bolady.   Túrkııa ázerbaıjandy jaqtaıdy Túrkııa Taýly Qarabaq máselesinde Ázerbaı­jan­men birge bolǵan jáne bola beredi, janjal rettelgenge deıin Armenııamen aradaǵy shekarany ash­paı­dy, dep málimdegen Túrkııanyń Ázerbaıjandaǵy elshisi Hýlýsı Kylych. Túrkııa Ázerbaıjannyń basyp alynǵan aýmaqtaryn bosatýdy talap etedi, bul tek bizdiń ǵana emes, sonymen birge búkil halyqaralyq qoǵamdastyqtyń talaby. Ázer­baı­jannyń basyp alynǵan aýmaǵyn bosatýǵa qatysty BUU-nyń 4 qarary bar, biz Armenııany ózge eshteńe emes, tek sol qarardy oryndaýǵa shaqyramyz, dep atap kórsetken Kylych.   Eýropany nasızmnen qutqarǵan kim? Keńes odaǵy Eýropany asqan zulymdyq – Germa­nııanyń nasıstik rejiminen qutqardy, dep atap kór­setken Qazirgi zamanǵy damý ınstı­týtynyń bas­qar­ma tóraǵasy Igor Iýrgens «Rossııskıe vestı» ap­ta­lyǵyna bergen suhbatynda. Onyń aıtýynsha, birqatar eýropalyq elderdiń KSRO-daǵy stalındik rejimdi Germanııanyń nasıstik rejimimen salystyrýy barynsha saıasılandyrylǵan, tarıhı shyn­dyqqa negizdelmegen málimdeme. Shyndyǵynda Germanııa bıligine nasıster kelgen sátten bastap, Máskeý Berlın rejimine únemi qarsy shyǵyp otyrǵan. 1838-39 jyldary Máskeý fashıstik Germanııaǵa qarsy alıans ta uıym­dastyrmaq bolǵan. Biraq Fransııa men Ulybrıtanııa ondaı qadamnan bas tartqan.   Apat qurbandaryna ótemaqy tólenedi Japonııa parlamenti atom apaty qurbandaryna ótemaqy tóleýge tıis «Fýkýsıma» AES-niń operator kom­panııasy TEPCO-ǵa kómek kórsetý josparyn qýattady. Úkimet óz turǵyn úılerin tastap shyǵýǵa májbúr bolǵan jáne basqa da zardap shekken 80 myń adamǵa ótemaqy tóleý úshin jańa qor qurmaqshy. Zań jobasyna japon úkimeti de, oppozısııa da birdeı qoldaý kórsetken. Qabyldanǵan qu­jat­tyń maqsaty Tokıo qalasyn elektr jaryǵynan ajy­ratpaı-aq qurbandarǵa ótemaqy tóleýdi qamtamasyz etý.   Betti búrkemeleýge tyıym salmaqshy Italııa parlamentiniń komıteti áıelderdiń bógde adamdar bar jerde betterin jabýyna tyıym sala­tyn zań jobasyna qoldaý kórsetti. Premer-mınıstr Sılvıo Berlýs­ko­nıdiń ońshyl orta koalısııasynan qoldaý taýyp, oppozısııanyń qarsylyǵyna kezikken zań betti jabatyn barlyq kıimderdi kııýge tyıym salady. Italııa parlamenti ony jazǵy demalystan keıin qaramaqshy. Zań qabyldanǵan jaǵdaıda ony burmala­ǵan­darǵa 150-300 eýro kóleminde aıyppul salynyp, sonymen birge qoǵamdyq jumystarǵa jiberilmek.   «Kedergisiz orta» úkimet úıinen bastalmaq Reseı premer-mınıstri Vladımır Pýtın múm­kin­dikteri shekteýli jandar úshin kedergisiz orta qurýdy Úkimet úıi ǵımaratynan bastaý jóninde tapsyrma berdi. Sonymen birge Pýtın osy is-sharany úkimettiń rezervtik qorynan qarjylandyrý jóninde qarjy mınıstrligine tap­syrma da berdi. Reseı úki­­metiniń basshysy mundaı tapsyrmany densaýlyq saqtaý jáne áleýmettik damý mınıstri T.Golı­ko­vanyń 2011-2015 jyldarǵa arnalǵan «Qol­jetimdi orta» memlekettik baǵdarlamasynyń oryndalýy týraly baıandamasynan keıin berip otyr. Internet materıaldary negizinde ázirlendi.