Baýyrlastyq tamyry tereńde jatyr

Túrik Respýblıkasyna resmı saparmen kelgen Qazaqstan Respýblıkasynyń Syrtqy ister mınıstri Erjan Qazyhanov keshe Ankarada birqatar eki­jaq­ty kezdesýler ótkizdi. Qazaqstan syrtqy saıasat ve­dom­stvosynyń basshysy túriktiń dańqty uly Atatúrk kesenesine gúl shoǵyn qoıǵan soń, Túrik Res­pýblıkasy Parlamentiniń Tór­aǵa­sy Djemıl Chıchekpen kezdesti. Spıker óz sózinde Qazaqstannyń táýelsizdik alǵannan bergi ke­zeń­­derde asa zor tabystarǵa qol jetkizgendigin erekshe atap ótti. Tór­aǵanyń kezdesýde atap ót­ke­nindeı, Qazaqstannyń halyq­ara­lyq bedeldi uıymdarǵa tór­aǵa­lyq etýi halyqaralyq qoǵamdas­tyq tara­py­nan úlken senimge ıe ekendigin kórsetedi. Qazirgi tańda úkimet­ara­lyq baılanystar qar­qyndy damýda. Endigi másele, par­la­men­t­aralyq yntymaq­tas­­tyq­­ty tereń­detý. D.Chıchek eki el arasyndaǵy yntymaqtastyqty te­reńdetýge ózi tarapynan kómek kórsetýge daı­yn. Qazaqstan Res­pýblıkasy Se­na­tynyń Tóraǵasy Qaırat Má­mı­di óz eline resmı saparmen kelip qaıtýǵa shaqy­ra­­tyn­dyǵyn jet­­kizýdi ótingen ol ózi de Qazaq­stan­ǵa resmı sapar jasaýǵa nıetti ekendigin bildirdi. Al QR Syrtqy ister mınıstri Erjan Qazyhanov óz kezeginde Túrkııa­nyń Qazaq­stan táýelsiz­di­gin eń birinshi bo­lyp ta­nyǵanyna da jıyrma jyl bolyp qal­ǵan­dyǵyn ataı kelip, eki eldiń bas­shylary kezdesýlerin­de kóp­te­gen qujat­tar­ǵa qol qoı­yl­ǵan­dy­ǵyn, endigi másele so­lar­­dyń jú­zege asýyn qadaǵalaý ja­ǵy­na kó­ńil bólinýi qajettigine toq­taldy. So­nymen birge mınıstr Qazaqstan Parlamenti Májili­si­niń Tóraǵa­sy Oral Muhamedja­nov­tyń Tú­rik Respýb­lıkasyna sa­pary jos­par­lanyp otyrǵandy­ǵyn, Túrkııa eli­mizdiń Eýrazııa­daǵy strategııalyq áriptesi ekendigin atap ótti. Qazirgi kezde Qazaqstanda 3 myńǵa jýyq túrik kompanııalary jumys isteıdi, aradaǵy saýda-sat­tyq 2 mıllıard dollardan asyp otyr. Jyl aıaǵyna deıin onyń deńgeıi 4 mıllıard dol­lar­dan asa­dy dep kútilýde. Son­daı-aq mı­nıstr Almatyda qazan aıynda ótetin Túrkitildes memleketter yntymaqtastyǵy keńe­si­niń sammıtine qatysý úshin Mem­leket bas­shysy Nursultan Nazarbaev­tyń Túrik Respýb­lı­ka­synyń Prezıdenti Abdýlla Gúl­di shaqyr­ǵa­nyn resmı túrde qýattady. Budan keıin Syrtqy ister mınıstri Erjan Qazyhanovtyń Túr­kııanyń Syrtqy ister mınıstri Ahmed Daýytoǵlymen kezdesýi jeke jáne tolyq quramda jal­ǵa­syn tapty. Kezdesýde taraptar saıa­sı-ekonomıkalyq máseleler­men qa­tar, birqatar halyqaralyq máseleler boıynsha da pikir al­masty. Erjan Qazyhanovtyń atap ótkenindeı, Qa­zaqstan-Túrkııa yn­­tymaqtas­ty­ǵy joǵary deńgeıde damyp keledi. Aldaǵy jyldary saýda aına­ly­myn 10 mıllıard dollarǵa jetkizý kózdelip otyr. Kezdesý barysynda Túrkııa Úki­me­tiniń basshysy R.Er­doǵannyń Qazaqstanǵa jasaıtyn resmı sa­­pa­ry jaıynda da áńgime boldy. Sapar aıasynda Ekonom­ı­ka­lyq yn­tymaqtastyq jónindegi Qa­zaq­stan – Túrkııa joǵary deń­geı­degi keńesin qurý máselesi tal­qyla­na­dy dep kútilýde. Kezdesý nátıjesinde ekijaqty qujattar – Qazaqstan men Túrkııa syrtqy ister mınıstrleri ara­syn­daǵy dıplomatııa salasynda kadrlardy daıarlaý jáne biliktilikti arttyrý týraly memoran­dým­ǵa jáne Qazaqstan Respýblı­kasy men Túrik Respýblıkasy syrt­qy ister mınıstrlikteri ara­syn­daǵy 2012-2013 jyldarǵa ar­nalǵan yntymaqtastyq baǵdarla­ma­syna qol qoıyldy. Keshe Qazaqstan Syrtqy ister mınıstri Erjan Qazyhanov Túrik Respýblıkasynyń Prezıdenti Abdýlla Gúldiń qabyldaýynda bo­lyp, onda eki el arasyndaǵy yn­ty­maqtastyqty tereńdetý jaı­yn­da áńgimelesti. Asqar TURAPBAIULY, «Egemen Qazaqstan» – Ankaradan.