Jańa...

...ákim taǵaıyndaldy Aqtóbe qalalyq máslı­ha­ty­nyń kelisimimen Nurmu­ham­bet Ábdibekov Aqtóbe qala­sy­nyń ákimi qyzmetine kiristi. Más­keý taý-ken ınstıtýtyn taý-ken ınjeneri mamandyǵy boıynsha bitirgen ol eńbek jolyn 1984 jyly Shılisaı fosforıt kenishinde bastady. Ár jyldary Aqtóbe oblys­tyq ónerkásip jáne saýda bas­qarmasynyń bólim bastyǵy, oblystyq ekonomıka basqar­ma­synyń bastyǵy, oblystyq ekonomıka jáne ındıkatıvti josparlaý departamentiniń dı­­rek­tory, Atyraý oblystyq eko­nomıka jáne kásipkerlikti qoldaý bas basqarmasynyń bas­tyǵy, Aqtóbe oblysy áki­mi­niń orynbasary, Ulttyq ǵa­rysh agenttigi departamen­ti­niń dırektory, Indýstrııa já­ne saýda mınıstrligi ónerká­sip komıtetiniń tóraǵasy, 2010 jyl­dyń sáýirinen Indýstrııa já­ne jańa tehnologııalar vıse-mınıstri bolyp istegen. Satybaldy SÁÝIRBAI, Aqtóbe oblysy.   ...orynbasar qyzmetke kiristi Oblys ákiminiń áleýmettik máselelerge basshylyq ja­saı­tyn orynbasarynyń or­yn­taǵy bir aıǵa jýyq bos turdy. Buryn bul qyzmetti atqarǵan Serik Amanǵalıev basqa qyz­metke aýysqan edi. Sonan keıin jurtshylyq arasynda bul orynǵa taǵaıyndalýy múmkin birneshe adamnyń aty-jóni atalyp qaldy. Degenmen, ót­ken aptada ákimniń jańa or­ynbasary laýazymyna Asqar Kerimovtiń taǵaıyndalǵany jó­­ninde óńir basshysynyń óki­mi jarııa etildi. О́ńir ba­sshysy A.Kerimovti oblystyq ákimdik apparatyna, basqar­ma­lar bas­shy­laryna tanystyrdy. Otyz bir jastaǵy jigit osy kezge deıin oblystyq ákim­­dik apparatyna eki jyl­daı bas­shy­lyq jasady. Onyń aldyn­da oblystyq jumyspen qamtý­dy úılestirý jáne áleý­mettik baǵdarlamalar basqar­ma­synyń bastyǵy laýazy­myn­da bolǵan edi. Zańger ma­mandyǵyn meń­ger­gen A.Kerimov prokýratýra salasynda da tájirıbe jı­naqtaǵan. Joldasbek ShО́PEǴUL, Atyraý oblysy.   ...makaron fabrıkasy Semeıde elimizdiń ın­dýs­trııalandyrý kartasymen bú­gingi kúnniń ozyq tehno­lo­gııa­symen jabdyqtalǵan «Tamasha» dep atalatyn makaron fab­rıkasynyń qatarǵa qosyl­ǵanyna kóp ýaqyt ótken joq. Táýligine 20 tonna makaron ón­imderin shyǵaratyn jańa kásiporyn búginde tolyq qýa­tynda jumys istep tur. Mun­da 50 adam jumyspen qamta­ma­syz etilgen. Endigi másele ónimdi ótke­rý­ge kelip tirelýde. Sondyq­tan elimizdiń kúsh qurylym­dary arzan da sapaly ónimge tapsyrys berip jatsa, kánekı. Dáýlet SEISENULY, Semeı.