Qazaqstan – Norvegııa múddelestigi

Keshe Aqordada Memlekettik hatshy Qanat Saýdabaev Nor­ve­gııanyń Qazaqstandaǵy elshisi Dag Halvorsendi jáne «Bike for Peace» qoǵamdyq uıymynyń bastamasymen uıymdastyrylǵan «Semeı – Almaty – Astana» velosaıahatynyń jetekshisi Tore Naerland pen osy velojoryqtyń múshesi Frank Tomlınsondy qa­byl­dady. Bul bastama Semeı ıadrolyq synaq polıgony j­a­bylýynyń 20 jyldyǵyna arnalyp otyr. «Ústimizdegi jyly álemdegi eń iri Semeı ıadrolyq polıgo­ny­nyń jabylǵanyna 20 jyl to­lady. N.Nazarbaev Keńes ókimeti kezinde Semeı ıadrolyq polı­go­nyn jabý týraly jarlyqqa qol qoıǵany belgili. Ol osynaý kúr­deli sheshimdi qabyldaý arqyly óziniń aıryqsha erligin tanytty. Sol ýaqyttan beri Qazaqstan já­ne onyń Kóshbasshysy ǵalamdyq ıadrolyq qarýdy taratpaý jáne qysqartý úderisiniń belsendi jaq­taýshysy bolyp keledi. BUU-nyń Semeı polıgonynyń jaby­lýy­nyń resmı kúnin, ıaǵnı 29 tamyzdy Iаdrolyq synaqtarǵa qar­sy halyqaralyq is-qımyl kú­ni dep jarııalaýy – álemdik qaý­ymdastyqtyń elimizdiń ustany­myn qoldaıtynynyń bir aıǵaǵy. «Semeı – Almaty – Astana» velosıped jarysy ıadrolyq qarýǵa qarsy mańyzdy bastamalardyń birine aınalatynyna senemin», dedi Q. Saýdabaev. Sondaı-aq Memlekettik hat­shy Norvegııanyń Qazaqstandaǵy elshisi Dag Halvorsenniń Qazaq­stan­nyń elordasy – Astanaǵa kel­gen saparyna sáttilik tiledi. «Sizdiń saparyńyz el Táýel­siz­diginiń 20 jyldyǵy jáne Semeı ıadrolyq polıgonynyń jabylýy­nyń 20 jyl­dyǵy qarsańyna sáı­kes kelip otyr. Sizderdiń uıym­das­tyryp otyrǵan velojoryqta­ryńyzdyń ma­­ńyzy aıryqsha. Ta­rıhy da úlken. Búginde qos memleket arasynda jaqsy ynty­maq­tastyq jolǵa qoıylǵan. Saýda-ekonomıkalyq áriptestik te jú­ıeli damyp keledi. Al eń bas­ty­sy, Qazaqstan men Norvegııa elderi ıadrolyq qarýdy taratpaý baǵy­­tyn­da aýqymdy jumystar atqa­ryp keledi», dedi Memlekettik hatshy. Norvegııanyń Qazaqstandaǵy elshisi Daga Halvorsen óz kezeginde Qazaqstanǵa arnaıy saparmen kelgenine qýanyshty ekenin, bo­la­shaqta eki el arasyndaǵy áriptes­tik baılanystyń jibi úzilmeıdi degen senimin jetkizdi. «Men Qa­zaqstanǵa ózimniń dosym Tore Naerlandpen birge kelip otyrmyn. Onymen eń alǵash ret 1986 jyly, Polshada tanysqan edim. Tore Naerland óziniń bar sanaly ǵu­myryn adam quqyǵyn qorǵaý, ıadrolyq qarýdy taratpaý, álemdi ıadrolyq qarýsyzdandyrý másele­lerine arnap keledi. Onyń bul eńbegin kópshilik joǵary baǵala­ǵan. Esiminiń tek Norvegııa ǵana emes, odan tys elderge de ta­nylýy – sonyń dáleli. «Bike for Peace» qoǵamdyq uıymy qolǵa alǵan velosaıahat Qazaqstannyń 24 qalasy sheńberinde ótedi. Bul aýqymdy bastama eki eldiń dostyǵyn bekemdeýge, sondaı-aq, dúnıejúzine Qazaqstan men Nor­vegııanyń ıadrolyq qarýdy taratpaý jónindegi kózqarastarynyń ortaqtyǵyn tanytýǵa sep bolady dep oılaımyn», dedi Dag Halvorsen. Ol sondaı-aq, bul bastamaǵa qoldaý kórsetken azamattarǵa al­ǵy­syn bildire kele, velojoryqqa qatysatyndarǵa sáttilik tiledi. Al velojoryqtyń jetekshisi Tore Naerland Qazaqstannyń Memlekettik hatshysy Q.Saýdabaevpen júzdesýdiń sáti túskenine alǵy­syn jetkizdi. «Biz bul velo­týr­dyń mańyzdylyǵyn álem jurt­shy­lyǵyna tanytqymyz keledi. Qazaqstan ıadrolyq qarýdy taratpaý baǵytynda úlken bastamalar kóterip júrgen birden-bir el. Sondyqtan, sizderdiń elderińizdiń osy baǵyttaǵy jumysyn álem halqy bilýi tıis dep sanaımyn», dedi Tore Naerland. T.Naerlandtyń aıtýynsha, Nor­vegııa elinde velojoryq uıymdas­tyrý úrdisi 1979 jyldan bastaý alady eken. Al Qazaqstan sheń­berinde ótetin velosaıahat 6 tamyz kúni bastalyp, 29 tamyzda Astanada óz máresine jetpek. Láıla EDILQYZY.