Qazaqstan Respýblıkasy Prezıdentiniń Jarlyǵy №118

Eldi aýmaqtyq-keńistikte damytýdyń  2020 jylǵa deıingi boljamdy shemasyn bekitý týraly Eldiń árbir óńiriniń áleýmettik-ekonomıkalyq áleýetin damytý jáne tıimdi paıdalaný negizinde halyqtyń ál-aýqatyn arttyrýdy qamtamasyz etetin jaǵdaılar jasaý maqsatynda qaýly etemin: 1. Eldi aýmaqtyq-keńistikte damytýdyń 2020 jylǵa deıingi bol­jam­dy shemasy (budan ári – Boljamdy shema) bekitilsin. 2. Qazaqstan Respýblıkasynyń Úkimeti: 1) úsh aı merzimde Boljamdy shemany iske asyrý jónindegi is-sharalar josparyn ázirlesin jáne bekitsin; 2) osy Jarlyqtan týyndaıtyn ózge de sharalardy qabyldasyn. 3. «Qazaqstan Respýblıkasynyń 2015 jylǵa deıingi aýmaqtyq damý strategııasy týraly» Qazaqstan Respýblıkasy Prezıdentiniń 2006 jylǵy 28 tamyzdaǵy №167 Jarlyǵynyń (Qazaqstan Respýblıka­sy­nyń PÚAJ-y, 2006 j., №31, 337-qujat) kúshi joıyldy dep tanylsyn. 4. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin. 5. Osy Jarlyq qol qoıylǵan kúninen bastap qoldanysqa engiziledi. Qazaqstan Respýblıkasynyń Prezıdenti   N.NAZARBAEV. Astana, Aqorda, 2011 jylǵy 21 shilde, №118