Taılandta tuńǵysh ret áıel premerlikke saılandy

Taıland parlamenti taǵynan taıdyrylǵan premer-mınıstr Taksın Chınavattyń týǵan qaryndasy Innglký Chınavatty úkimet basshysy etip saılady. Oǵan depý­tattardyń jartysynan astamy óz daýystaryn berdi. 44 jastaǵy kásipker osy eldegi tuńǵysh áıel premer-mınıstr bolyp otyr. SC Asset Corp developerlik kom­panııa­synyń prezıdenti bolǵan I.Chınavat oppozısııalyq partııany basqaryp, saılaýda jeńip shyqty. Sóıtip Taıland parlamentinde 265 depýtattyq orynǵa ıe boldy. Al qazirgi premer-mınıstr Abhısıt Vetchavıva óz partııa­synyń jeńiliske ushyraýyna baılanysty otstavkaǵa ketetinin málimdedi. Ispanııada tynyshtyq buzyla bastady Ispanııa astanasy – Madrıdtiń or­talyq alańynda kóshege shyǵyp, qar­sylyq bildirýshiler men polısııa ara­synda oryn alǵan qaqtyǵystan jı­yrmaǵa jýyq adam jaraqat alǵan. Mundaı jaǵdaı mamyr aıynda da oryn alǵan bolatyn. Sol kezde eki myńǵa tarta adam Pýerta del Sol alańyna jınalyp, bir aı boıy palataly qalashyqta jatyp alǵan-dy. Qazir jaǵdaı qaıtadan ýshyǵyp tur. Eldegi jumyssyzdyq pen ómir súrý deńgeıiniń tómendigine narazy  topty polısııa ortalyq alańǵa jibermegen. Ishki ister mınıstrligine baǵyt alǵan olardy toqtatpaq bolǵan kezde polısııamen qaqtyǵys oryn alǵan. Hakerler shabýyldy belsendire tústi Qytaıdyń People s Daily gazeti halyqaralyq uıym­dar men úkimetter saıttaryna shabýyl jasaǵan hakerlik áreketterge Qytaıdyń esh qatysy joq dep málimdedi. Atalǵan gazet Qytaı kompartııasy OK basy­lymy bolyp tabylǵanymen, resmı tulǵalar tara­pynan eshqandaı málimdeme jasalmaı otyr. Mc Afee kompanııasy tarıhta birinshi ret osyndaı iri hakerlik shabýyl barysyn tirkeý múmkin bolǵandyǵyn habarlaǵan. Mundaı shabýyldan 72 qurylym japa shekse, solardyń qatarynda Halyqaralyq olımpıada komıteti, BUU, AQSh, Úndistan, Vetnam jáne Ońtústik Koreıa da bar. Kompanııa sarapshylary hakerlik shabýyldyń artyn­da jalǵyz tapsyrys berýshi turǵandyǵyn jarııa etkenimen, onyń kim ekenin ázirge aıtpaı otyr. Biraq kóptegen sarapshylar ony Qytaı úkimetimen baılanystyrýda. Atlant muhıty tuńǵıyǵyn zerttemek BUU-nyń Teńiz tabany jónindegi halyqaralyq organy Atlant muhı­tynyń tabanynan altyn men mys qoryn zertteý úshin Reseı tarapyna ruqsat berdi. Osylaısha Reseıdiń álem­dik muhıt as­tynan mıneraldy resýrs­tardy barlaý týraly ótinishi qanaǵat­tandyryldy. Atalǵan organ tarıhta birinshi ret eshbir eldiń ekonomıkalyq aımaǵyna jatpaıtyn muhıt tabanyn bar­laýǵa ruqsat berip otyr. Reseı tarapy zertteıtin ýchaskeniń aýmaǵy 100 sharshy shaqyrymdy quraıdy. Negizgi ken kózderi 2-4 shaqyrymdyq tereńdikte jatyr degen boljam bar. Sondaı-aq Reseıden ózge Qytaı, Tynyq muhıtyndaǵy Tongo men Naýrý araldyq memleketteri tapsyrystary qanaǵattandyrylǵan. Bir apta Sırııa taǵdyryn sheshe me? Sırııaǵa Lıvııanyń taǵdyryn qaıtalamaý múmkinshiligi berilip otyr. Máskeýdiń usynysymen BUU Qaýipsizdik Keńe­sinde osy másele qoldaý tapqanymen, Sırııadaǵy jaǵdaı boıynsha qyzý pikirler ortaǵa salynǵan. Sońǵy úsh kún ishinde jaǵdaıdyń ýshyǵyp ketkeni sonshylyqty, kóptegen beıbit qarsylyq bildirýshiler oqqa ushqan. Al Damask  eldi bastan baqaıshyǵyna deıin qarýlanyp alǵan lańkesshilerden tazartý operasııasy júrgizilip jatqandyǵymen túsindirýde. Batys elderi Damaskige qysym kórsetý kerek dese, keıbir elder buǵan qarsy. Qalaı bolǵan kúnde Sırııa máselesin talqylaý bir aptaǵa shegerildi. Marstan ózgeris baıqaldy Ǵalymdar Marsta uzyn qara daq­tardy anyqtady. Planeta betinde sozbalanyp jatqan mundaı syzyq­tar aǵyp jatqan tuzdy sý bolýy da múmkin. Amerıkalyq jáne shveısa­rııalyq ǵalymdardyń jańalyǵy or­ganızm­derdiń ómir súrýine qajetti sýdyń atalǵan qyzyl planetada bolýy múmkin degen paıymyn rastaǵandaı áser qaldyryp otyr. Juqa sozylmalar tóbeshikterden tómen syrǵyp, jazyqtarǵa jaıylyp jatyr. Onyń ústine atalǵan suıyqtyqtar jazǵy mezgilde paıda bolyp, qysqa taman qaıtadan kórinbeı ketedi eken. Qalaı bolǵanda da, ǵalymdar sonshalyqty sýyqta tushy sýdyń bolýy múmkindigine kúmánmen qaraıdy. Alaıda bıologtar laıly aǵynda tuzdy jerlerde ómir súre beretin galobakterııalardyń bolýy múmkin degen joramaldar da aıtyp júr.

Qysqa qaıyryp aıtqanda:

*Túrkimenstan prezıdentiniń saılaýy 2012 jyly 12 aqpanda ótedi dep belgilenip otyr. El parlamenti (medjlıs) osyndaı sheshim qabyldady. Túrkimen prezıdenttigine osy elde týǵan, jasy 40-tan asqan, biraq 70-ti eńsermegen, memlekettik tildi biletin, 15 jyldan beri Túrkimenstanda turatyn azamat qana óz kan­dıdatýrasyn usyna alady. *Italııa reıtıngisiniń quldyrap ketýine baılanysty osy eldiń prokýratýrasy tarapynan Moody’s ı S&P ofısterinde tin­tý júrgizildi. El bıligi Italııadaǵy qaryzdyq daǵdarys­tyń saldaryn atalǵan reıtıng agenttikteri ádeıi qoldan jasady dep kúdiktenýde. *Lıvııa basshysy Mýammar Kaddafıdiń uly Hamıs NATO tara­pynan bolǵan áýe shabýyly kezinde qaza tapty, dep málimdedi búlikshiler ókili. Sonymen birge Zlıten qalasynda taǵy 32 adam qaza tapqan.

Internet materıaldary negizinde ázirlendi.