Qazaqstan Respýblıkasynyń Eńbek jáne halyqty áleýmettik qorǵaý mınıstrliginiń buıryǵy №237-ó

2011 jylǵy 28 maýsym,  Astana qalasy Halyqty áleýmettik qorǵaý salasyndaǵy áleýmettik qyzmetkerlerdi attestattaý qaǵıdasyn bekitý týraly Qazaqstan Respýblıkasy Eńbek Kodeksiniń 233-babyna, «Arnaýly áleýmettik qyzmetter týraly» 2008 jylǵy 29 jeltoqsandaǵy Qazaqstan Respýblıkasy Zańynyń 8-baby 2) tarmaqshasyna sáıkes buıyramyn: 1. Qosa berilip otyrǵan Halyqty áleýmettik qorǵaý salasyndaǵy áleýmettik qyzmetkerlerdi attestattaý qaǵıdasy bekitilsin. 2. Áleýmettik kómek departamenti (Manabaeva Q.A.) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtyń resmı jarııalanýyn jáne Qazaqstan Respýblıkasy Eńbek jáne halyqty áleýmettik qorǵaý mınıstrliginiń resmı ınternet-resýrsynda ornalastyrylýyn qamtamasyz etsin. 3. Myna buıryqtardyń: 1) «Halyqty áleýmettik qorǵaý salasyndaǵy áleýmettik qyzmetkerlerge qoıylatyn biliktilik talaptaryn jáne olardy attestattaý erejesin bekitý týraly» Qazaqstan Respýblıkasy Eńbek jáne halyqty áleýmettik qorǵaý mınıstriniń 2009 jylǵy 26 qańtardaǵy № 25-ó buıryǵynyń (Qazaqstan Respýblıkasynyń Ádilet mınıstrliginde 2009 jylǵy 25 aqpanda № 5565 bolyp tirkelgen, Qazaqstan Respýblıkasynyń ortalyq atqarýshy jáne ózge de ortalyq memlekettik organdarynyń aktiler jınaǵynda jarııalanǵan, 2009 jyl, № 7); 2) «Halyqty áleýmettik qorǵaý salasyndaǵy áleýmettik qyzmetkerlerge qoıylatyn biliktilik talaptaryn jáne olardy attestattaý erejesin bekitý týraly» Qazaqstan Respýblıkasy Eńbek jáne halyqty áleýmettik qorǵaý mınıstriniń 2009 jylǵy 26 qańtardaǵy № 25-ó buıryǵyna ózgerister men tolyqtyrýlar engizý týraly» Qazaqstan Respýblıkasy Eńbek jáne halyqty áleýmettik qorǵaý mınıstriniń 2010 jylǵy 26 qańtardaǵy № 21-ó buıryǵynyń (Qazaqstan Respýblıkasynyń Ádilet mınıstrliginde 2010 jylǵy 19 aqpanda № 6068 bolyp engizildi, Qazaqstan Respýblıkasynyń ortalyq atqarýshy jáne ózge de ortalyq memlekettik organdarynyń aktiler jınaǵynda jarııalanǵan, 2010 jyl, № 10) kúshi joıyldy dep tanylsyn. 4. Osy buıryqtyń oryndalýyn baqylaý Qazaqstan Respýblıkasy Eńbek jáne halyqty áleýmettik qorǵaý vıse-mınıstri S.Á. Ahmetovke júktelsin. 5. Osy buıryq alǵash resmı jarııalanǵan kúnnen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Eńbek jáne halyqty áleýmettik qorǵaý mınıstri G.ÁBDIQALYQOVA. «Kelisildi» Qazaqstan Respýblıkasynyń        Qazaqstan Respýblıkasynyń Bilim jáne ǵylym mınıstri        Densaýlyq saqtaý mınıstri __________B.JUMAǴULOV        ____________    S.QAIYRBEKOVA 2011 jylǵy 29 maýsym            2011 jylǵy 29 maýsym Qazaqstan Respýblıkasy Eńbek jáne halyqty áleýmettik qorǵaý mınıstriniń 2011 jylǵy 28 maýsymdaǵy № 237 buıryǵymen bekitilgen Halyqty áleýmettik qorǵaý salasyndaǵy áleýmettik qyzmetkerlerdi attestattaý qaǵıdasy 1. Jalpy erejeler 1. Osy Halyqty áleýmettik qorǵaý salasyndaǵy áleýmettik qyzmetkerlerdi attestattaý qaǵıdasy (budan ári – Qaǵıda) Qazaqstan Respýblıkasy Eńbek Kodek­siniń 233-babyna, «Arnaýly áleýmettik qyzmet­ter týraly» Qazaqstan Respýblıkasynyń 2008 jyl­ǵy 29 jeltoqsandaǵy Zańyna sáıkes ázirlendi jáne menshik nysanyna jáne vedomstvolyq baǵynys­tylyǵyna qaramastan halyqty áleýmettik qorǵaý salasynda arnaýly áleýmettik qyzmetterdi kórsete­tin áleýmettik qyzmetkerlerdi attestattaýdyń tárti­bin aıqyndaıdy. 2. Halyqty áleýmettik qorǵaý salasyndaǵy áleý­met­tik qyzmetkerlerdi attestattaýǵa (budan ári – attestattaý) arnaýly áleýmettik qyzmet kórsetetin jáne (nemese) arnaýly áleýmettik qyzmetterge qajet­tilikti baǵalaý jáne aıqyndaý júrgizetin, bekitilgen talaptarǵa sáıkes qajetti biliktilikke ıe áleýmettik qyzmetkerler (budan ári – áleýmettik qyzmetkerler) jatady. 3. Halyqty áleýmettik qorǵaý salasyndaǵy áleý­mettik qyzmetkerlerdi attestattaýdyń negizgi maqsaty: 1) arnaýly áleýmettik qyzmet kórsetý júıesin arnaýly áleýmettik qyzmetterdi kórsetý salasyn­daǵy zamanaýı teorııalyq jáne praktıkalyq ádis­terdi ıgergen joǵary bilikti kadrlarmen qamtamasyz etý; 2) áleýmettik qyzmetker quzyrettiliginiń biliktilik talaptaryna, onyń ishinde tıisti sanatty belgileý nemese joǵarylatý úshin sáıkestik deńgeıin anyqtaý; 3) tulǵalyq jetistikterdi jobalaý úshin áleýmet­tik qyzmetker qyzmetiniń ýájdemelik aıasyn keńeıtý bolyp tabylady. 4. Osy Qaǵıdada mynadaı termınder men anyq­tamalar qoldanylady: 1) áleýmettik qyzmetkerdi attestattaý – áleýmet­tik qyzmetkerdiń biliktilik deńgeıiniń biliktilik talaptaryna sáıkestigin aıqyndaý maqsatynda júrgi­ziletin rásim; 2) biliktilik sanaty – jumysty oryndaýdyń kúr­deliligin kórsetetin qyzmetkerdiń biliktiligine qoıy­latyn talaptardyń deńgeıi. 5. Mindetti attestattaý bes jylda keminde bir ret, biraq osy laýazymǵa ornalasqan kúnnen bastap keminde bir jyl ótkennen keıin ótkiziledi, bul rette bala kútimi boıynsha demalysta júrgen áleýmettik qyzmetker jumysqa shyqqannan soń, keminde alty aıdan keıin attestattalady. 6. Menshik nysanyna jáne vedomstvolyq baǵy­nystylyǵyna qaramastan, atqaratyn laýazymy boıynsha sanatyn belgileý nemese joǵarylatý maq­satynda halyqty áleýmettik qorǵaý júıesi uıym­darynda arnaýly áleýmettik qyzmet kórsetetin áleýmettik qyzmetkerdiń ótinishi negizinde merziminen buryn attestattaýdan ótýge quqyǵy bar. Onyń qory­tyndysy boıynsha «Halyqty áleýmettik qorǵaý jáne jumyspen qamtý júıesiniń basshylarynyń, mamandarynyń jáne basqa da qyzmetshileri laýazym­darynyń úlgilik biliktilik sıpattamalaryn bekitý týraly» Qazaqstan Respýblıkasy Eńbek jáne halyq­ty áleýmettik qorǵaý mınıstriniń 2011 jylǵy 25 sáýirdegi № 137-ó buıryǵynda kórsetilgen birinshi, ekinshi nemese joǵary sanat beriledi. 7. Qazaqstan Respýblıkasynyń sheginde halyqty áleýmettik qorǵaý salasyndaǵy uıymǵa jańa jumys ornyna aýysqan kezde áleýmettik qyzmetkerdiń attestattaý komıssııasynyń sheshimimen berilgen biliktilik sanaty saqtalady. 8. Attestattaý: 1) testileýdi; 2) áńgime júrgizýdi; 3) attestattaý komıssııasynyń hattamalyq sheshi­min shyǵarýdy qamtıdy. 2. Attestattaýdy ótkizý jónindegi jumysty uıymdastyrý 9. Mindetti attestattaýdan ótkizýge daıyndyqty arnaýly áleýmettik qyzmet kórsetetin mekeme (uıym) basshysynyń tapsyrmasy boıynsha onyń kadr qyzmeti uıymdastyrady jáne mynadaı sharalardy qamtıdy: 1) attestattaýdan ótkizý kestesin ázirleý; 2) attestattaý komıssııalarynyń quramyn aıqyndaý. Arnaýly áleýmettik qyzmet kórsetetin mekeme (uıym) basshysy kadr qyzmetiniń usynýy boıynsha attestattalatyn áleýmettik qyzmetkerlerdiń tizimin, attestattaýdan ótkizý kestesin jáne attestattaý komıssııasynyń quramyn bekitetin buıryq shyǵara­dy. Attestattaýǵa jatatyn áleýmettik qyzmetkerdiń tikeleı basshysy qyzmettik minezdeme resimdeıdi jáne ony kadr qyzmetine jiberedi. 10. Merziminen buryn attestattaýdan ótkizý boıynsha jumysty uıymdastyrý úshin oblystardyń jumyspen qamtýdy úılestirý jáne áleýmettik baǵ­darlamalar basqarmasy, respýblıkalyq mańyzy bar qalanyń (astananyń) jumyspen qamtý jáne áleý­mettik baǵdarlamalar basqarmasy (budan ári – oblystyń, respýblıkalyq mańyzy bar qalanyń ýáki­letti organy) turaqty jumys isteıtin attestattaý komıssııasyn qurady. 11. Attestattaý komıssııasy sany keminde bes adamnan turatyn komıssııa múshesinen jáne komıssııa hatshysynan turady. Mindetti attestattaý kezinde attestattaý komıssııasyn onyń Tóraǵasy bolyp taby­latyn arnaýly áleýmettik qyzmet kórsetetin meke­meniń (uıymnyń) basshysy nemese onyń orynba­sary, merziminen buryn attestattaý kezinde attestattaý komıs­sııasyn onyń Tóraǵasy bolyp tabylatyn oblystyń, respýblıkalyq mańyzy bar qalanyń ýákiletti organynyń birinshi basshysy nemese onyń orynbasary basqarady. Attestattaý komıssııasynyń Tóraǵasy onyń qyzmetin basqarady, onyń otyrys­tarynda tóraǵalyq etedi, onyń jumysyn jospar­laıdy, attestattaý komıssııasynyń qyzmeti men onyń qabyldaǵan sheshimderine jalpy baqylaýdy júzege asyrady. 12. Merziminen buryn attestattaý kezinde attestattaý komıssııasynyń quramyna arnaýly áleýmettik qyzmetterdi usyný máselelerine jetekshilik etetin tıisti ýákiletti organnyń qyzmetkerleri jáne jo­ǵary oqý oryndary uıymdarynyń arnaıy jáne aralas pánder boıynsha oqytýshylary (kelisim boıyn­sha) engiziledi. 13. Mindetti attestattaý kezinde attestattaý komıs­sııasynyń quramyna mekemeniń (uıymnyń) túrli bólimsheleriniń, onyń ishinde arnaýly áleý­mettik qyzmetterdi usyný máselelerine jetekshilik etetin bólimsheniń, kadr jáne zań qyzmetiniń basshylary, uıym qyzmetkerleriniń ókili engiziledi. 14. Attestattaý komıssııasynyń hatshysy attestattaý komıssııasy qyzmetine tehnıkalyq qyzmet kórsetýdi júzege asyrady jáne sheshim qabyldaýǵa qatyspaıdy. 15. Attestattaý komıssııasynyń otyrysy, eger onyń quramynyń úshten eki bóligi oǵan qatyssa zańdy bolyp esepteledi. Attestattaý komıssııasynyń sheshimi attestattaý komıssııasy músheleriniń kópshilik daýsymen ashyq daýys berý arqyly qabyldanady. Daýys teń bolǵan jaǵdaıda attestattaý komıssııasy tóraǵasynyń daýy­sy sheshýshi bolyp tabylady. 16. Attestattaý komıssııasy óz qyzmetin Qazaq­stan Respýblıkasynyń Eńbek kodeksine jáne osy Qaǵıdaǵa sáıkes júzege asyrady. 17. Attestattaý komıssııasy áleýmettik qyzmet­kerdi attestattaýdy onyń qatysýymen júrgizedi. Áleýmettik qyzmetker attestattaý komıssııa­synyń otyrysyna kelmegen jaǵdaıda, dáleldi sebepter boıynsha (eńbekke ýaqytsha qabiletsizdik keze­ńinde, demalysta bolǵan kezeńinde, kámeletke tolma­ǵan balalardyń syrqaty kezinde, jaqyn týystary qaıtys bolǵan kezde, issaparda júrgende) kele almaǵan jaǵdaıdy qospaǵanda, ol attestattalmaǵan bolyp esepteledi. Attestattalýshy dáleldi sebep boıynsha attestattaý komıssııasynyń otyrysyna kele almaǵan jaǵ­daıda, ony attestattaý jónindegi másele ol jumysqa shyqqan kúnnen bastap bir aıdan kem emes merzimge aýystyrylady. 18. Áleýmettik qyzmetker merziminen buryn attestattaýdan ótý úshin oblystyń, respýblıkalyq mańy­zy bar qalanyń ýákiletti organyna mynadaı qujattardy tapsyrady: erkin nysanda jazylǵan jazbasha ótinish; kadrlardy esepke alý jónindegi jeke paraq; uıymnyń kadr qyzmeti rastaǵan bilimi týraly dıplomnyń kóshirmesi; uıymnyń kadr qyzmeti rastaǵan eńbek kitapsha­synyń kóshirmesi; belgilengen nemese joǵarylatylǵan biliktilik sanaty týraly kýáliktiń kóshirmesi (bar bolǵan jaǵdaıda). 3. Testileý 19. Testileý áleýmettik qyzmetkerdiń tańdaýy boıyn­sha memlekettik jáne orys tilderinde ótkizi­ledi. Testiler áleýmettik qyzmetkerdiń negizgi qyzmet túrlerin qamtýǵa jáne: mindetti attestattaý kezinde 60 suraqtan turýǵa tıis, onyń ishinde: 1) 10 suraq – Qazaqstan Respýblıkasynyń zań­namasy boıynsha; 2) 20 suraq – áleýmettik jumys, psıhologııa, pedagogıka, dárigerge deıingi kómek kórsetý negizderi boıynsha; 3) 30 suraq – osy laýazymnyń fýnksıonaldyq mindetteri boıynsha. merziminen buryn attestattaý kezinde 80 suraqtan turýǵa tıis, onyń ishinde: 1) 20 suraq – Qazaqstan Respýblıkasynyń zań­namasy boıynsha; 2) 20 suraq – áleýmettik jumys, psıhologııa, pedagogıka, dárigerge deıingi kómek kórsetý negizderi boıynsha; 3) 40 suraq – osy laýazymnyń fýnksıonaldyq mindetteri boıynsha. Test suraqtaryn oblystyń, respýblıkalyq ma­ńyzy bar qalanyń ýákiletti organy ázirleıdi jáne bekitedi. Oblystyń, respýblıkalyq mańyzy bar qala­nyń ýákiletti organy test suraqtaryn jyl saıyn 1 aqpannan keshiktirmeı mindetti attestattaýdan jáne merziminen buryn attestattaýdan ótý úshin jeke-jeke ázirleıdi jáne bekitedi. Testiler jaýap­tarynyń bireýi durys bolatyn keminde úsh nusqany qamtýǵa tıis. Arnaýly áleýmettik qyzmet kórsetetin mekeme (uıym) tıisti jyly alǵash ret attestattaý júrgizgen jaǵdaıda testileý kúnine deıin keminde eki aı aldyn oblystyń, respýblıkalyq mańyzy bar qalanyń ýákiletti organyn bul týraly habardar etedi. Oblystyń, respýblıkalyq mańyzy bar qalanyń ýákiletti organy testileý ótkizý kúnine deıin 15 kúntizbelik kún aldyn arnaýly áleýmettik qyzmet kórsetetin mekemege (uıymǵa) testilik tapsyrma­lardy jiberedi. Testilerdi oryndaýǵa berilgen ýaqyt mindetti attestattaý kezinde 60 mınýtty, merziminen buryn attestattaý kezinde – 80 mınýtty quraıdy. 20. Testileý ótkizý kúni rásimdi ótkizýge deıin eki apta qalǵanda áleýmettik qyzmetkerge jazbasha túrde habarlanady. 21. Testileý nátıjeleri balmen baǵalanady jáne sol tapsyrǵan kúni habarlanady. Árbir test tapsyr­masynyń durys jaýaby bir balmen baǵalanady. 22. Testileý nátıjeleri Qazaqstan Respýblı­kasy­nyń zańnamasy boıynsha keminde 70 %, áleýmettik jumys, psıhologııa, pedagogıka, dárigerge deıingi kómek kórsetý negizderi boıynsha – 80 %, osy laýazym­nyń fýnksıonaldyq mindetteri boıynsha 80 % durys jaýaptar jınaǵan kezde oń bolyp sanalady. Jazbasha testileý boıynsha shekti deńgeıden kem ball jınaǵan áleýmettik qyzmetker áńgimelesýge jiberilmeıdi jáne alǵash testilengennen keıin eki aı merzimnen keshiktirmeı qaıta testileýge jatady. 23. Testileý suraqtarynyń qupııalyǵy men olar­dy testileý ótkizý ýaqytyna deıin jarııala­maýdy attestattaý komıssııasy men oblystyń, respýblıkalyq mańyzy bar qalanyń ýákiletti organynyń, arnaýly áleýmettik qyzmet kórsetetin mekemeniń (uıymnyń) birinshi basshylary qamtamasyz etedi. 4. Áńgimelesýdi ótkizý 24. Áleýmettik qyzmetkermen áńgimelesý shynaıy, sypaıy jáne janashyrlyq jaǵdaıynda ótedi. Áńgimelesý rásimi aýdıo taratýshyǵa jazyp alynady. 25. Áleýmettik qyzmetkerge qoıylatyn suraqtar kásibı jáne biliktilik daıarlyq, iskerlik qasıetter máselelerindegi onyń quzyrettiligi deńgeıin anyqtaýǵa baǵyttalǵan jáne onyń laýazymyna sáıkes bolýǵa tıis. 26. Áńgimelesý nátıjesi boıynsha attestattaý komıssııasy mynadaı hattamalyq sheshimderdiń birin qabyldaıdy: mindetti attestattaý kezinde: 1) atqaratyn qyzmetine laıyqty; 2) qaıta attestattaýǵa jatady; biliktilik sanatyn belgileý nemese joǵarylatý úshin merziminen buryn attestattaý kezinde: 1) biliktilik sanaty talaptaryna laıyqty; 2) biliktilik sanaty talaptaryna laıyqty emes. Biliktilik sanaty talaptaryna sáıkessizdigi týraly sheshim shyǵarylǵan jaǵdaıda áleýmettik qyzmetkerdiń hattamalyq sheshim shyǵarylǵan kúnnen bastap bir jyl ótkennen keıin merziminen buryn attestattaýdan ótýge quqyǵy bar. 5. Qaıtadan attestattaý 27. Qaıtadan mindetti attestattaý bastapqy attestattaý ótken kúnnen bastap úsh aıdan keıin, osy Qaǵıdada aıqyndalǵan tártippen ótkiziledi. 28. Attestattaý komıssııasy qaıtadan mindetti attestattaýdyń nátıjeleri boıynsha mynadaı sheshimderdiń birin qabyldaıdy: 1) atqaratyn qyzmetine laıyqty; 2) atqaratyn qyzmetine laıyqty emes. 29. Áleýmettik qyzmetkerlerdiń attestattaýdan (qaıta attestattaýdan) ótý qorytyndylary attestattaý komıssııasynyń tóraǵasy men onyń basqa da músheleri qol qoıatyn hattamalyq sheshimde tirkeledi. 30. Attestattaý komıssııasynyń sheshimimen kelispegen jaǵdaıda áleýmettik qyzmetkerdiń sot tártibimen oǵan shaǵymdanýyna bolady. 4. Qorytyndy rásimder 31. Mindetti attestattaý qorytyndysy boıynsha arnaýly áleýmettik qyzmetterge qajettilikti baǵalaý jáne aıqyndaý jónindegi áleýmettik qyzmetkerden basqa áleýmettik qyzmetkerge arnaýly áleýmettik qyzmet kórsetetin mekeme (uıym) hattamalyq sheshimniń kóshirmesin beredi. 32. Attestattaý komıssııasynyń hattamalyq sheshiminiń negizinde arnaýly áleýmettik qyzmetterge qajettilikti baǵalaý jáne aıqyndaý jónindegi áleý­mettik qyzmetkerge arnaýly áleýmettik qyzmet kórsetetin mekeme (uıym) hattamalyq sheshim shyǵa­rylǵan kúnnen bastap úsh jumys kúni ishinde osy Qaǵıdaǵa 1-qosymshaǵa sáıkes nysan boıynsha sertıfıkat beredi. Sertıfıkat berý sertıfıkat berý jýrna­lynda tirkeledi. 33. Kásibı daıarlyq deńgeıin rastaıtyn sertı­fıkattyń bolýy áleýmettik qyzmetterge qajettilikti baǵalaý jáne aıqyndaý jónindegi áleýmettik qyz­metkerge arnaýly áleýmettik qyzmetterge qajet­tilikti baǵalaý jáne aıqyndaý jónindegi qyzmetke ruqsat berý bolyp tabylady. 34. Merziminen buryn attestattaýdan nátıjeli ótken áleýmettik qyzmetkerge oblystyń, respýblı­kalyq mańyzy bar qalanyń ýákiletti organy hattamalyq sheshim shyǵarylǵan kúnnen bastap úsh jumys kúni ishinde osy Qaǵıdaǵa 2-qosymshaǵa sáıkes biliktilik sanatyn belgileý nemese joǵarylatý týraly kýálik beredi. Biliktilik sanatyn belgileý nemese joǵarylatý týraly kýálik kýálik berý jýrnalynda tirkeledi. 35. Sertıfıkat ony bergen kúnnen bastap Qazaqstan Respýblıkasynyń aýmaǵynda 5 jyl ishinde jaramdy. Halyqty áleýmettik qorǵaý salasyndaǵy áleýmettik qyzmetkerlerdi  attestattaý qaǵıdasyna 1-qosymsha Nysan __________________________________________ (arnaýly áleýmettik qyzmet kórsetetin mekemeniń (uıymnyń) ataýy) Sertıfıkat № _________ 20__ jylǵy «___» ____________attestattaý komıssııasynyń sheshimimen №________hattama, T.A.Á. _____________________________________ Arnaýly áleýmettik qyzmetterge qajettilikti baǵalaý jáne aıqyndaý jónindegi áleýmettik qyzmetker laýazymy boıynsha attestattaldy Attestattaý komıssııasynyń tóraǵasy:____________________ (T. A. Á., qoly) Attestattaý komıssııasynyń hatshysy: ___________________ (T. A. Á., qoly) M.O. Berilgen jeri___________Kúni «___»____ 20__ j. (qala, oblysty kórsetý kerek) Tirkeý № __________ Halyqty áleýmettik qorǵaý salasyndaǵy áleýmettik qyzmetkerlerdi attestattaý qaǵıdasyna 2-qosymsha Nysan __________________________________________ (oblystyń, respýblıkalyq mańyzy bar qalanyń ýákiletti organynyń ataýy) Biliktilik sanatyn belgileý nemese joǵarylatý týraly kýáliktiń № _________ 20__ jylǵy «___» ____________ attestattaý komıssııasynyń sheshimimen №________hattama, T.A.Á. _____________________________________ 20__ jylǵy «___» _____________ attestattaý komıssııasynyń sheshimine sáıkes ____________________________________ (laýazym ataýy) ___________________biliktilik sanaty belgilendi nemese joǵarylatyldy Attestattaý komıssııasynyń tóraǵasy: ____________________ (T. A. Á., qoly) Attestattaý komıssııasynyń hatshysy: ___________________ (T. A. Á., qoly) M.O. Berilgen jeri _____ Kúni «___»_________ 20__ j. (qala, oblysty kórsetý kerek) Tirkeý № ______ Buıryq Qazaqstan Respýblıkasynyń Ádilet mınıstrliginde 2011 jylǵy 19 shildede Normatıvtik quqyqtyq kesimderdi memlekettik tirkeýdiń tizilimine №7075 bolyp engizildi.