Londonda tártipsizdikter jalǵasýda

Qalanyń soltústiginde tártip buzýshylar dúkender men ǵımarattardyń terezelerin shaǵyp, jeńil avtokólikterdi órtegen. Senbi kúngi oryn alǵan tártipsizdikter salda­ry­nan 26 polısııa qyzmetkeri jaralanyp, 50 adam tutqyn­dal­ǵan-dy. Brıkston aýdanynda júzge tarta adamnan qurylǵan top dúkenderdi tonap, órteýmen aınalysqan.

Memoblıgasııa satyp alynýda Eýropa Ortalyq banki jeksenbi kúngi jedel konsýltasııalardan keıin Italııa men Ispanııany defoltqa ushyratpaý maqsatynda olardyń memlekettik oblıgasııalaryn satyp alý sheshimine toqtaldy. Kesheden bastap EOB Italııa men Ispanııadaǵy qa­ryzdyq mindettemelerdi kúnine 2,5 mıllıard eýro kóleminde satyp alyp, osy elderdegi memlekettik oblıgasııalar ryno­gyn­daǵy jaǵdaıdy rettep, qarjylyq turaq­syz­dyqtan qutqaryp qalmaq. Sarapshylar eger muny ja­samaǵan jaǵdaıda, eýroaımaqtaǵy jaǵdaı tipti de nashar­laıdy dep otyr.

Japonııada qarsylyq sherýi ótti Japonııada qazir Nemýro qala­synda turyp jat­qan Ońtústik Ký­rıl­diń burynǵy turǵyndary sherý ótkizip, araldar­dy keri qaıtarý tý­raly talap qoı­dy. Aksııaǵa qala meri Sıýnsýke Ha­se­gava bastaǵan myń­ǵa tarta adam qatysqan. Hasegava óz sózinde reseılik basshylardyń atalǵan aral­darǵa jıi kele bastaǵanyna narazy ekendigin jetkize kelip, Japon úkimetinen terrıtorııalyq problemany erterek retteýdi talap etti. Negizinen Máskeý men Tokıo arasyndaǵy shekara daýy 2010 jyly qarashada prezıdent D.Medvedevtiń Kýrıl araldaryna barýymen shıelenisip ketken-di. Reseı Tynyq muhıt flotyn kúsheıtý úshin Fransııadan «Mıs­tral» desanttyq tikushaq tasyǵyshyn satyp alǵan bolatyn.

Altyn baǵasy artýda Gonkong bırjasynda altynnyń baǵasy ýnsııa­syna 1,7 myń dollarǵa deıin bardy. Jaǵdaıdyń bulaısha qalyptasýy álemdik qor rynogyn­daǵy turaqsyzdyqtarmen baıla­nys­ty. AQSh reıtınginiń «AAA»-dan «AA+» deńgeıine tómendep qa­lýy osy elge qarjy salǵandardy alańdatyp otyr. S&P reıtıng agenttigi AQSh memlekettik qaryz deń­geı­in kóteretin zań jobasyn qabyldap úlgergenine qaramas­tan, osy eldiń reıtıngin tómendetken bolatyn. Alaıda, AQSh qarjy mınıstri Tımotı Gaıtner qundy qaǵazdarǵa eshteńe de bolmaıdy degendi alǵa tartýda. Onyń paıy­myn­sha, el óziniń qarjylyq mindettemelerin tolyq atqara alady.

Burynǵy premer qamaýǵa alyndy Ýkraınada burynǵy premer-mınıstr Iýlııa Tımoshenkonyń ústinen sot prosesi bastalyp, ony qamaý týraly sheshim shyǵarylǵan bolatyn. Eý­ropalyq odaq, AQSh, tipti Reseı tarapynan bolǵan qarsylyqtarǵa qaramaı, keshe sot ony qamaýdan shyǵarmaıtyndyǵyn jetkizdi. Reseı men Ýkraına arasyndaǵy kógildir otyn kelisim-sharty daýy áli biter emes. Máskeý Tımoshenko kezinde jasalǵan kelisim-shart saqtalýy tıis dese, Kıev úshin gaz baǵasy tym qymbat. Qarsy jaq onda «Gazprom» men «Naftogaz» BK qurylýy kerek, sonda gaz arzandaıdy degendi alǵa tartady. Ýkraına prezıdenti buǵan jol joq degendi aıtty. Osylaısha Iý.Tımoshenko isi boıynsha sot prosesi uzaqqa baratyn syńaıly.

Korol Sırııa bıligine eskertý jasady Saýd Arabııasynyń koroli Abdalla Damaskidegi elshisin keri sha­qyr­typ al­yp, Sırııa basshylyǵy qan­tó­gisti toq­tatpasa, bul eldegi jaǵ­daı­dyń Saýd Ara­­bııasy úshin teris dep qa­byl­da­na­tyn­dy­­ǵyn málim etti. Ko­rol­diń má­lim­demesi Ál Arabııa telear­na­synan oqyldy. Sırııa basshylyǵy kesh bolmaı turǵan kezde jaqsylap oılanýy shart, áıtpese, daýyl kúshi qulatady, dep eskertken Abdalla bunyń aldyndaǵy ýáde berilgen refor­ma­lardyń is júzinde oryndalýy qajettigin alǵa tartady. Jek­senbide Sırııa bıligi áskerdiń kúshimen qarsylyq kór­setýshilerdi basý kezinde 50 adam oqqa ushsa, bunyń al­dyndaǵy aptada 150 adam óltirilgen-di.

Qysqa qaıyryp aıtqanda:

• AQSh-tyń Ogaıo shtatyndaǵy Koplı-Taýnshıp qalasynda otbasylyq daý segiz adamnyń ólimine alyp keldi. Ázirge polısııa aldymen, bir úıdegi bes adamdy, artynan, ekinshi úıdegi taǵy úsh adamdy atyp óltirýshiniń aty-jónin aıtpaı otyr. О́lgenderdiń arasynda 11 jasar bala da bar.

• Fransııanyń Týlýzasyndaǵy meshitterdiń birinde er kisi ózin ózi órtep jiberdi. Terisiniń 90 paıyzǵa deıin kúıik shalýynan ol aýrýhanada kóz jumǵan. Kýágerlerdiń aıtýynsha, álgi kisi ımamǵa daýys kóterip, artynan ózine benzın quıyp, ot qoıǵan. Jergilikti bılik onyń júıke aýrýymen aýyr­ǵandyǵyn aıtady. • Reseıdiń Amýr oblysynda An-24 ushaǵy qoný syzyǵynan shy­ǵyp ketip, apat oryn aldy. Nátıjesinde, 12 adam aýrýhanaǵa jat­­qyzylǵan. «IrAero» kompanııasyna tıesili ushaq qoný ala­ńy­nan shyǵyp ketken kezde onyń shassıi men qanaty julynyp ketip, qozǵaltqyshy aıtarlyqtaı zaqymdanǵany belgili bolyp otyr.

• AQSh-tyń Mıssýrı shtatynyń Kanzas-Sıtı qalasynda daý­yldyń saldarynan 50 myńǵa tarta turǵyn úı sha­rýa­shy­lyqtary elektr qýatynsyz qaldy. Meteorologtar daýyldyń sekýndyna 33 metr jyldamdyqpen soqqandyǵyn aıtady.

Internet materıaldary negizinde ázirlendi.