Qazaqstan Respýblıkasy Úkimetiniń qaýlysy №611

2011 jylǵy 31 mamyr,   Astana, Úkimet úıi «Veterınarııa salasyndaǵy normatıvtik quqyqtyq kesimderdi bekitý týraly» Qazaqstan Respýblıkasy Úkimetiniń 2003 jylǵy 28 sáýirdegi № 407 qaýlysyna ózgerister men tolyqtyrýlar engizý týraly Qazaqstan Respýblıkasynyń Úkimeti qaýly etedi: 1. «Veterınarııa salasyndaǵy normatıvtik quqyq­tyq kesimderdi bekitý týraly» Qazaqstan Respýb­lıkasy Úkimetiniń 2003 jylǵy 28 sáýirdegi № 407 qaýlysyna (Qazaqstan Respýblıkasynyń PÚAJ-y, 2003 j., № 18, 185-qujat) mynadaı ózgerister men tolyqtyrýlar engizilsin: 1) kórsetilgen qaýlymen bekitilgen Janýarlarǵa jáne adamdar densaýlyǵyna erekshe qaýip tóndiretin janýarlar, janýarlardan alynatyn ónimder men shıkizattardy mindetti túrde alyp qoıý jáne joıý, ne olardy alyp qoıýsyz mindetti túrde zalalsyz­dan­dy­rý (zararsyzdandyrý) jáne qaıta óńdeý erejesinde: mynadaı mazmundaǵy 22, 23 jáne 24-tar­maqtar­men tolyqtyrylsyn: «22, Janýarlarǵa jáne adam densaýlyǵyna erekshe qaýip tóndiretin janýarlardy, janýarlardan aly­na­tyn ónimder men shıkizatty qaıta óńdeýge tapsyrý jónindegi veterınarııalyq is-sharalardy aıaqtaǵannan keıin tıisti aýmaqtyń memlekettik veterınarııalyq-sanıtarııalyq ınspektory veterınarııa salasyndaǵy ýákiletti memlekettik organ belgilegen nysan boıyn­sha olardyń tapsyrylýy týraly akt jasaıdy. 23. Janýarlarǵa jáne adam densaýlyǵyna erekshe qaýip tóndiretin janýarlardyń, janýarlardan aly­na­tyn ónimder men shıkizattyń qaıta óńdeýge tapsy­rylýy týraly aktige memlekettik veterınarııalyq-sanıtarııalyq ınspektor, janýarlardan alynatyn ónimder men shıkizatty qaıta óńdeý jónindegi uıymnyń basshysy jáne janýarlardyń, janýarlardan alynatyn ónimder men shıkizattyń ıeleri qol qoıady jáne veterınarııa salasyndaǵy ýákiletti memlekettik organ vedomstvosynyń aýdandyq (qalalyq) aýmaqtyq bólimshesiniń mórimen bekitiledi. 24. Janýarlarǵa jáne adam densaýlyǵyna erekshe qaýip tóndiretin janýarlardy, janýarlardan alyna­tyn ónimder men shıkizatty alyp qoıýsyz mindetti zalalsyzdandyrý (zararsyzdandyrý) jáne qaıta óń­deý kezinde tıisti aýmaqta janýardyń bir basynyń jáne janýarlardan alynatyn ónimder men shıkizat­tyń naryqtyq qunynyń 30%-nan aspaıtyn mólsher­degi quny jergilikti bıýdjet esebinen óteledi, al quny­nyń qalǵan bóligin janýarlardan alynatyn ónimder men shıkizatty qaıta óńdeý jónindegi uıym óteıdi.»; 2) kórsetilgen qaýlymen bekitilgen Janýarlarǵa jáne adam densaýlyǵyna erekshe qaýip tóndiretin janýarlardy, janýarlardan alynatyn ónimder men shıkizatty alyp qoıý jáne joıý nátıjesinde jeke jáne zańdy tulǵalar keltirgen zalaldardy óteý erejesi men sharttarynda: 4-tarmaq mynadaı redaksııada jazylsyn: «4. Janýarlarǵa jáne adam densaýlyǵyna erekshe qaýip tóndiretin janýarlardy, janýarlardan alyna­tyn ónimder men shıkizat alyp qoıý jáne joıý kezinde jeke jáne zańdy tulǵalar keltirgen zalaldardy óteý úshin janýarlardyń túri men jynystyq-jastyq top­taryna qaraı olardyń quny mynadaı aılyq eseptik kórsetkish (budan ári - AEK) mólsherinde belgilenedi: 1) túıeler, onyń ishinde: 6 aıǵa deıingi botalar – 24 AEK-ke deıin; 6 aıdan bir jasqa deıingi taılaq – 39,82 AEK-ke deıin; eki jasqa deıingi taılaq – 68,44 AEK-ke deıin; eki jastan joǵary – 94,82 AEK-ke deıin; 2) iri qara mal, onyń ishinde: 1 jasqa deıingi buzaý – 19,93AEK-ke deıin; bir jastan eki jasqa deıingi baspaq – 30,55 AEK-ke deıin; sıyrlar – 48,32 AEK-ke deıin; buqalar – 53,42 AEK-ke deıin; 3) jylqylar, onyń ishinde: 1 jasqa deıingi qulyndar – 39,82 AEK-ke deıin; úsh jasqa deıingi qunandar – 68,44 AEK-ke deıin; úsh jastan úlken jylqylar – 94,39 AEK-ke deıin; 4) qoılar men eshkiler, onyń ishinde: 1 jasqa deıingi qozylar men laqtar – 5,24 AEK-ke deıin; bir jastan úlken toqtylar-eshkiler – 6,47 AEK-ke deıin; analyq qoı-eshkiler – 8,47 AEK-ke deıin; úlken qoshqar-tekeler – 9,81 AEK-ke deıin; 5) shoshqalar, onyń ishinde: 2 aıǵa deıingi toraılar – 4,06 AEK-ke deıin; eki aıdan tórt aıǵa deıingi toraılar – 4,91 AEK-ke deıin; tórt aıdan toǵyz aıǵa deıingi toraılar – 10,49 AEK-ke deıin; 9 aıdan úlken shoshqalar – 23,3 AEK-ke deıin; 6) qustar (taýyqtar, úırekter, qazdar, túıetaýyq­tar), onyń ishinde: 30-dan 60 kúnge deıingi balapandar – 0,12 AEK-ke deıin; 60-tan 90 kúnge deıingi shójeler – 0,20 AEK-ke deıin; taýyqtar – 0,42 AEK-ke deıin; úırekter – 1,24 AEK-ke deıin; qazdar – 1,89 AEK-ke deıin; túıetaýyqtar – 2,03 AEK-ke deıin; 7) úı qoıandary, onyń ishinde: 2 aıdan 4 aıǵa deıingi kójekter – 0,20 AEK-ke deıin; úlken úı qoıandary – 0,50 AEK-ke deıin; 8) janýarlardan alynatyn ónimder, onyń ishinde: sıyr eti – 0,4 AEK-ke deıin; qoı eti – 0,41 AEK-ke deıin; shoshqa eti – 0,4 AEK-ke deıin; jylqy eti – 0,51 AEK-ke deıin; túıe eti – 0,51 AEK-ke deıin; ishek-qarny alynǵan taýyq eti – 0,28 AEK-ke deıin; sút jáne sút ónimderi – 0,02 AEK-ke deıin; jumyrtqa jáne jumyrtqa ónimderi – 0,05 AEK-ke deıin; 9) janýarlardan alynatyn shıkizattar, onyń ishinde: teri – 0,3 AEK-ke deıin; jún – 0,09 AEK-ke deıin.»; 5-tarmaqta: «kılogramy» degen sózden keıin «(lıtri, ondy­ǵy)» degen sózdermen tolyqtyrylsyn; «50» degen sandar «80» degen sandarmen aýysty­rylsyn; 8-tarmaqtyń 1) tarmaqshasy «janýarlarǵa» degen sózdiń aldynan «qolaıly sharýashylyq sýbekti­leriniń usaq qara mal brýsellezin qospaǵan­da,» degen sózdermen tolyqtyrylsyn. 2. Osy qaýly 2011 jylǵy 1 mamyrdan bastap qol­danys­qa engiziletin 1-tarmaqtyń 2) tarmaqshasynyń ekinshi, úshinshi, tórtinshi, besinshi, altynshy, jetinshi, segizinshi, toǵyzynshy, onynshy, on birinshi, on ekinshi, on úshinshi, on tórtinshi, on besinshi, on altynshy, on jetinshi, on segizinshi, on toǵyzynshy, jıyrmasynshy, jıyrma birinshi, jıyrma ekinshi, jıyrma úshinshi, jıyrma tórtinshi, jıyrma besinshi, jıyrma altynshy, jıyrma jetinshi, jıyrma segizinshi, jıyrma toǵyzynshy, otyzynshy, otyz birinshi, otyz ekinshi, otyz úshinshi, otyz tórtinshi, otyz besinshi, otyz altynshy, otyz jetinshi, otyz segizinshi, otyz toǵyzynshy, qyrqynshy, qyryq birinshi, qyryq ekinshi, qyryq úshinshi, qyryq tórtinshi, qyryq besinshi, qyryq altynshy, qyryq jetinshi, qyryq segizinshi, qyryq toǵyzynshy, elýinshi, elý birinshi, elý ekinshi abzastaryn qospaǵanda, alǵashqy resmı jarııalanǵanynan keıin kúntizbelik on kún otken soń qoldanysqa engiziledi. Qazaqstan Respýblıkasynyń Premer-Mınıstri  K. MÁSIMOV.