Júz joldyq jańalyqtar

Astana. Hokkeı. Keshe hokkeıden el Táýel­sizdiginiń 20 jyl­dyǵ­yna arnalǵan Qazaqstan Respýblıkasy Prezıdenti­niń Kýbogy jolyn­daǵy halyqaralyq týrnır bastaldy. Oǵan Qurlyqtyq hokkeı lıgasynda oınaı­tyn Qazaqstan men Reseıdiń «Barys» (Astana), «Kaz­sınk-Torpedo» (О́skemen), «Amýr» (Ha­barovsk), «Iýgra» (Hanty-Mansıısk) koman­dalary qatysady. Týrnır «Nur Otan» HDP men Qazaq­stan hok­keı federasııasynyń uıym­dastyrýymen ót­kizi­lý­de. Jarys 13 ta­myz­ǵa deıin jal­ǵasa­dy. Hokkeı jan­kúıer­leri oıyndar­dyń bárin «Qazaqstan» sport saraıynan ǵana emes, «Astana» telearna­sy­nan da tikeleı efır arqyly tamashalaı alady. Keshe keshkisin «Barys» pen «Kazsınk-Torpedo» komandalary týrnırdiń alǵashqy oıy­nyn ótkizdi. Týrnır bitken soń, «Barys» klýby 17-21 tamyz kúnderi Shveısarııada ótetin «Basel Sum­mer» týrnırine qatysady. Osy synda as­tanalyqtar Shveısarııanyń «Bazel Sharks», «Bern», Germanııa­nyń «Krefeld pıngvınderi», Fınlıandııanyń «Iývıa­­skıýlıa» jáne Re­seıdiń SKA ko­man­dalarymen kúsh syna­sady. Sodan keıin «Ba­rys­tyń» 29 tamyz ben 2 qyrkúıek kúnderi Reseı­diń Ekaterınbýrg qa­la­synda ótetin «Kamennyı svetok» dástúrli týrnırine qatysýy josparlanýda. Osy týrnırden keıin jan­kúıerler taǵat­syzdana kútken Qurlyqtyq hokkeı lıgasynyń kezekti chempıonaty jalaýyn kóte­re­di. «Barys­tyń» baza­sy­nda qurylǵan taǵy bir «Sne­jnye barsy» klýby osy ma­ý­symnan bastap Jastar hokkeı lıgasyna qatysady.   Inchhon. Boks. Osy kúnderi Ońtústik Koreıa­da eresekter arasynda HHVI Azııa chem­pıonaty ótýde. Oǵan saryqurlyqtyń 22 elinen 150-ge jýyq bylǵary qolǵap sheberleri qatysýda. Qazaqstan quramasy bul synǵa ekinshi nómirli boksshylaryn jiberdi. Qazir bizdiń boksshylar arasynda Arman Rysbek (81 kg.), Ilııas Súleımenov (52 kg.), Mádı Sholaqov (56 kg.), Rústem Sybaev (69 kg.), Aıdar Ámirzaqov (60 kg.) jekpe-jekterin jeńip, kelesi aınalymǵa shyqty. Al Dáýren Eleýsinovtiń (75 kg.) joly bolmady. Ol 2009 jylǵy Azııa chempıonatynyń qola júldegeri úndi Kýldenı Sınghtan ese jiberdi. Azııa chempıonaty alǵash ret 1963 jyly Taılandtyń Bangkok qalasynda jalaýyn kóter­di. Osy synda Japonııa 3 altyn medalmen ko­man­dalyq esepte birinshi oryndy jeńip aldy. Sodan keıin Azııanyń 8 eliniń boksshy­lary kezek-kezegimen chempıon atanyp otyrdy. Dastan KENJALIN.