Qaıqydaǵy qaıǵyly oqıǵa

Elimizdiń qazaq-qyrǵyz shek­ara­synda el tynyshtyǵyn  qamt­a­masyz etip júrgen shekarashy Ar­daq Qazıev qaıǵyly qazaǵa ushy­rady. UQK Shekara qyzmetiniń «Boran» arnaýly desanttyq-sha­býyldaýshy tobynyń aǵa bar­laý­shysy serjant A.Qazıev kontra­ban­dashylardy quryqtaý ope­ra­sııa­sy aıaqtalyp, Kegendegi Qaıqy asýy arqyly Shonjy shekara ot­rıa­dyna keri oralyp kele jatqan. ... Shuǵyl alynǵan aqparat kó­zine qaraǵanda Shonjy shekara otrıadynyń «Qarqara» shekara zas­­­tavasyn kúzetetin qazaq-qyrǵyz shek­ara ýchaskesinde iri kólemdegi kontrabandanyń ótkiziletini belgili bolady. Sol kúni osy baǵytqa attanyp ketken borandyq shekara­shylardyń toby álgi aýmaqty úsh kún boıy jasyryn torıdy. Aqy­ry, sońǵy túni kórshi qyrǵyz jaq­tan aýyr júk kólikteri memlekettik shekaraǵa kelip mańdaı tireıdi. Munda Qyrǵyz eliniń azamat­taryn qazaqstandyq kontrabanda­shylar kútip turǵan edi. Tún qa­typ júrgender ózderin munda birneshe kúnnen beri shekara­shy­lar­dyń da torýyldap jatqanyn bilgen joq-tyn. Sóıtip, túngi saǵat úshter kezinde jasyryn kezdesken kontrabanda tobynyń saýdasy «sátti» aıaqtala bergen kezde jer astynan shyǵa kelgendeı paıda bola ketken shekarashylar olardy tyrp etkizbeı qolǵa túsirdi. Sonan kontrabandalyq 80 tonna dızel jaǵarmaıy tıelgen júk kólikteri Kegendegi Qaıqy asýy arqyly Shonjy shekara otrıadyna qaraı tizbektelip shyǵady. Osy jerde eshkim kútpegen jaǵdaı or­yn alady. Kolonnanyń sońynda kele jatqan júk kóliginiń tejegishi aıaq astynan isten shyǵady. Kólik júrgizgen 25 jasar qyrǵyz azamaty jalma-jan mashınany toq­tatpaq bolyp, róldi joldyń sol jaǵyna burady... Sol-aq eken, qatty ekpinmen baryp jarǵa so­ǵyl­ǵan kólik demniń arasynda otqa oranyp shyǵa keledi. Bul kezde júrgizýshiniń qasynda bol­ǵan er shekarashy Ardaq Qazıev osylaısha «tilsiz jaýdyń» qusha­ǵy­na engen temir qaýyzdyń ishinde qalyp qoıady. Máńgilikke. Jaýyngerlik tapsyrmany or­yn­daý kezinde qaza tapqan Otan­nyń adal perzenti Ardaq Oraz­bek­uly Qazaqstan Respýblı­kasy­nyń Memlekettik nagradasyna usynylatyn boldy. Tamara DÁÝLETBAEVA, podpolkovnık, áskerı jýrnalıst.