Kásipkerlikke qoldaý

Bas prokýratýranyń Quqyqtyq statıstıka jáne arnaıy esepke alý jó­nin­degi komıteti kásipkerlerdi zańsyz tekserýlerden saqtandyrý maqsa­tyn­da bir­qatar is-sharalar júrgizýde. Solar­dyń biri komıtettiń «Bıznes tiregi» jo­ba­sy (www.pravstat.kz) bo­lyp tabylady. Memlekettik baqylaý jáne qadaǵa­laý organdarynda qoldanylyp júr­gen zańnamaǵa sáıkes, quqyqtyq aktilerdi mindetti túrde tekserýden ótki­zýdi júzege asyrady. «Bıznes tiregi» jobasynda tekserý óndirisi tekserýdi taǵaıyndaý jáne tirkeý, tikeleı tekserý júrgizý bolyp 2 kezeńge bólinedi. Tekserýdi taǵaıyndaý jáne tirkeý kezinde komıtet óz ókilettigi sheginde, zań buzýshylyqtar anyqtalǵan jaǵ­daı­da tekserý aktisin tirkeýden bas tartady. Qazirgi tańda tekserýdi tirkeýden bas tartýdyń 15 negizi bar. «Bıznes tireginiń» 2-shi kezeń boı­ynsha – Tikeleı tekserý júrgizý kezinde joǵaryda kórsetilgen saıttyń «Kásipkerlerge tekserý júrgizýdi tirkeý týraly aqparat» bóliminde memlekettik qyzmetkerdiń tekserýdi tirkeý aktisiniń nómirin engizý arqyly, tekserý aktisiniń komıtette tirkelgen, tirkelmegendigin, tekserý júrgizý ýa­qytyn, sonymen qatar kásipker óziniń jáne tekserýshi jaqtyń quqyqtary men mindetterimen tanysa alady. Dál osyndaı aqparatty kásipker uıaly symtetiginen «1012» nómirine habarlama jiberý arqyly tez arada ala alady. Sonymen qatar kásipkerge tekserý barysyndaǵy zań buzýshy­lyq­tar týraly aqparatty jiberý múm­kindigi de berilgen. Habarlama jiberý úshin, ózi týraly derekterdi jáne jiberilgen kemshilikter men zań buzý­shy­lyqtar týraly jazyp jiberýi qajet. Baqylaý jáne qadaǵalaý qyzmet­te­rin júzege asyrýǵa ýákiletti memlekettik organ jeke kásipkerlik sýbek­tisin tekserý júrgizýdiń merzimderi men nysanyn kórsete otyryp, tekserý bastalǵanǵa deıin keminde otyz kún buryn josparly tekserý júrgi­zýdiń bastalatyny týraly jazbasha túrde habardar etýge mindetti. Jospardan tys tekserý júrgizý kezinde memlekettik organ jeke kásipkerlik sýbektisin tekserý júrgizý nysa­na­syn kórsete otyryp, tekserý bas­tal­ǵanǵa deıin keminde bir táýlik buryn jospardan tys tekserý júrgizýdiń bas­talatyny týra­ly habarlaýǵa mindetti. Bekbol AMANGELDI, Bas prokýratýranyń Quqyqtyq  statıstıka jáne arnaıy esepke alý jónindegi komıtetiniń aımaqtyq kóliktik basqarmasy quqyqtyq statıstıka bóliminiń aǵa prokýrory.