Keshe...

...ınstıtýtqa rektor tanystyryldy Bilim jáne ǵylym mınıstri­niń buıryǵymen Atyraý munaı jáne gaz ınstıtýtynyń rek­to­ry qyzmetine taǵaıyndalǵan professor Dúısembek Qulja­nov áriptesterine tanysty­ryl­dy. Ol burynǵy Gýrev pedagogıka ınstıtýtynyń fızıka-matematıka fakýltetiniń túlegi, oqytýshylyq eńbek jolyn da osy oqý ornynda bastaǵan. Aty­raý munaı jáne gaz ınstı­tý­tynda taban aýdarmastan eń­bek etken ol ár jyldary kafedra meńgerýshisi, fakýltet de­ka­ny, prorektordyń orynba­sa­ry, prorektor, birinshi prorektor sııaq­ty jaýapty jumys­tar­dy aby­roımen atqardy. Eńbek ete júrip, ǵylymı izdenisin de toq­tat­qan joq. 2004 jyly ál-Fa­ra­bı atyndaǵy QazUÝ-de fı­zıka-matematıka ǵylymdary boıyn­sha doktorlyq dısserta­sııa­syn sát­ti qorǵady. 2010 jyly oǵan atalǵan joǵary oqý ornynyń pro­fessory ǵylymı ataǵy berildi. Joldasbek ShО́PEǴUL, Atyraý oblysy.   ...gúlder  festıvali ótti Osymen 8-shi ret uıymdas­ty­rylǵan bul baıqaýǵa qaraǵan­dylyq gúl ósirýshilerdiń úlken toby qatysty. Ásem ósimdiktiń san alýan túri ony qyzyq­taý­shy­lardyń nazaryna usynyl­dy. Baıqaý kóz jetkizgendeı qalada gúl baptaýdyń sheberleri az bolmaı shyqty. Olardyń arasynda Venera Bekmaǵam­betova, Svetlana Orlova sııaq­ty osynaý isti súıermen­de­riń ózindik qoltań­ba­lary kórý­shi­ler kóńilin baýra­dy. Jeńim­paz­dar marapattalyp, syılyq­tar tapsyryldy. Festıvalde jurtshylyq­tyń kózin qýandyrǵan gúl shoq­tarynyń birazy kóp balaly ana­larǵa, sol kúni otaý tikken jas jubaılarǵa, balabaq­sha­lar­ǵa tartý etildi. Aıqyn NESIPBAI, Qaraǵandy.   ...nasıhat toby jurtpen júzdesti Astanadan arnaıy kelgen aqparattyq-nasıhattyq top ókil­deri aımaq turǵyndarymen kezdesti. Kezdesýge oblys ákiminiń oryn­basary Rzaqul Nurtaev qatysty. Osyǵan deıin Din isteri jó­nindegi agenttik qurylǵany bel-gili. Onyń quramyna eki ǵy­lymı ortalyq kiredi. Sonymen qatar, oblystardaǵy din isteri jónindegi departamentter de osy agenttiktiń quzyryna berilgen. Atal­ǵan aqparattyq-nası­hattyq toptyń quramynda Din isteri jónindegi agenttiktiń sa­rap­shysy Ospan Ahmetov, din­ta­nýshy Ba­ha­dyr Abdýlla, ha­lyq­aralyq má­de­nıet jáne din ortalyǵynyń bas ǵylymı qyz­metkeri Meıram Imanbaev jáne Qazaqstan mu­syl­mandar dinı basqarma­sy­nyń ókili Samat Mu­­narbaevtar bar. Top múshe­le­ri respýb­lı­ka­da­ǵy dinı ahýal men dinı eks­tre­mızmniń aldyn alý máse­le­le­ri boıynsha habarlama jasady. Erjan BAITILES, Qyzylorda.