Qazaqstandaǵy basqosýlar árdaıym tabysty ótedi

Memleket basshysy Nursultan Nazarbaev Ujymdyq qaý­ip­siz­dik týraly shart uıymynyń Bas hatshysy Nıkolaı Bordıýjany qabyldady. N.Bordıýja Prezıdentti aǵ­ymdaǵy jyldyń 12 tamyzynda Astanada ótetin UQShU-ǵa múshe memleketter basshylarynyń beı­­­resmı kezdesýine daıarlyq ba­rysy týraly habardar etti. Kezdesý, ádettegideı, óte syn­­darly ótti. Qazaqstan Res­pýb­lı­kasynyń Prezıdentimen kezde­sýdiń bári kreatıvti rejimde, usynystar bildirip, edáýir ma­ńyzdy máselelerdi talqylaýmen ótedi. Men úshin basty mindet Memleket basshysyna os­ynda, Astanada ótetin UQShU-ǵa múshe memleketter basshy­la­rynyń beı­resmı sammıtine da­ıarlyq barysy,  uıym aldynda turǵan problemalar, barlyq mem­leketti oılandyratyn ja­han­dyq jáne aımaqtyq qaýip-qaterler týraly baıandaý edi, dedi N.Bordıýja. Men Astanaǵa sa­parym aldynda UQShU-ǵa múshe barlyq elde boldym. Sonymen qatar men bizdiń memle­ket­te­rimizdiń qaýip­siz­digin qamtama­syz etý jónin­degi bizdiń ujym­dyq qyzmeti­mizdiń tıimdiligin arttyrý úshin neni iske asyrý qajettigi jaıly óz kózqara­sym­dy aıttym. Nur­sultan Ábishuly árdaıym uıym qyzmetine óte qyzyǵýshylyq ta­nytady. Ol osy uıymdy qurýda bastama­shylardyń biri boldy. Búgin ol bizdiń elderimizdiń damý joly­men alǵa jyljyǵan saıyn, osy uıymnyń qyzmetiniń qurylý ıdeıasy men tıimdiligin artty­rý­dyń qundylyǵy barǵan saıyn arta túsetinin atap ótti. Uı­ymnyń shyn máninde qa­jet­tiligi artyp keledi. Uıym bú­ginde bizdiń memleketterimizdiń turaq­tylyǵyn qamtamasyz etý úshin qajet. Búgingi kúnderi problemalar jetkilikti deńgeıde kez­desip otyrǵandyqtan oǵan jeke kúsh-jiger jumsaý múmkin emes. Eń bastysy, ekonomıkany damytý, áleýmettik máseleni sheshý úshin negiz qurý kerek. Bul máse­lel­er­di barlyq memlekettik qury­lymdardyń tynysh qyzmeti jaǵ­daıyndaǵy turaqtylyqtyń ar­qasynda ǵana sheshýge bolady. Astanadaǵy kezdesý beıresmı túrde ótedi, onda qandaı da bir sheshim qabyldaý kózdelmegen. Bastysy – Ujymdyq qaýipsizdik shart áreketi keńistiginde qalyp­tasqan jaǵdaıdy talqylaý, memleket bastan keship otyrǵan qaýipsizdik problemalaryn baǵa­laý, jaǵdaıdyń damýyna boljam jasaý jáne osyndaı boljam­darǵa súıene otyryp keıbir keleńsiz saldarlardyń, bizdiń memleketterimizdiń turaq­ty­ly­ǵyna yqpal etýi múmkin qandaı da bir oqıǵanyń aldyn alý úshin qajetti sharalardy ázirleý. Bú­gin­de eń basty problema – bul Aýǵanstan problemasy. Bul tek esirtkiniń zańsyz aınalymy ǵa­na emes, bul sondaı-aq sodyr­lardy daıyndaıtyn lagerler­diń bo­lýy, bul ekstremıstik toptardyń jumysynyń belsendi júrgizilýi, bul ártúrli uıym­dasqan qyl­mys­tyq toptar ju­mysynyń bel­sen­diliginiń artýy. Sonymen qatar tehnogendik já­ne tabıǵı sıpat­taǵy tótenshe jaǵdaılar prob­le­masy da bar. Saldarlardy joı­yp, adamdar­dy qutqarý úshin qa­jetti ále­ýetti der kezinde paı­dalanyp, zardap shekken memleketke kó­mek kór­setý úshin birlesken kúsh-jigerdi jumyldyrý qa­jet­­tigi týyn­daı­dy. Osynyń bári biz­diń pre­zıdentterimizdiń na­za­ryn­daǵy jáne solar tal­qy­laı­tyn máse­leler. Qazaqstan Res­pýb­lı­ka­sy­nyń Prezıdenti mem­le­ketterdiń ıntegrasııalyq baǵy­tyn usta­nady. Nursultan Nazarbaev ın­tegrasııalyq úde­risterdiń negizin quraıtyn kóp­tegen qadam­dardyń jıi basta­mashysy bolyp tabylady. My­saly, EýrAzEQ qurý Nursultan Ábishulynyń bastamasy. Ol – UQShU qurýdy usynǵan basta­mashylardyń biri. Budan eki jyl buryn Qazaq­stan­da, Býrabaıda uıymnyń Jedel áreket etetin ujymdyq kúsh­te­rin qurý týraly tarıhı sheshim qa­byl­danǵan bolatyn. Bul she­shimniń bastamashysynyń biri de Qazaq­stan Prezıdenti boldy. Bul biz úshin óte jaqsy, óıtkeni Qa­zaq­standa ótetin mundaı kezdesýler árdaıym naqty jáne qy­zyqty sheshimder qabyl­daý­men aıaqta­lady, dep atap ótti UQShU-nyń Bas hatshysy kezdesýden keıin jýrnalısterge ar­nal­ǵan brıfıng barysynda. Sýretti túsirgender S.BONDARENKO, B.OTARBAEV.