Bulaq kórseń, kózin ash

Bıylǵy «Coca-Cola Bylǵary dop-2011» fýtbol týrnıriniń 6-shy maýsymy Eýropanyń dástúrli «Kúz-kóktem» nusqasy boıynsha ótetin bolady. «Coca-Cola Bylǵary dop»  – 2006 jyldan beri elimizdiń balalar arasynda ótkiziletin eń iri fýtbol týrnıri. Osy ýaqyt ara­lyǵynda týrnırge qatysýshylar sany jyl saıyn kóbeıip keledi. Eger basynda jarystarǵa Qazaq­stannyń tek iri qalalarynyń oqýshylary ǵana qatyssa, endi elimizdiń túkpir-túkpirinen óti­nishter kelip túsýde. О́tken maýsymda jarysqa Ba­tys Qazaqstan, Soltústik Qa­zaq­stan, Aqtóbe, Almaty, Aqmola, Qaraǵandy, Jambyl, Qostanaı, Shyǵys Qazaqstan, Mańǵystaý, Ońtústik Qazaqstan, Pavlodar, Aty­raý, Qyzylorda oblystary jáne Astana men Almaty qala­larynyń 5 000 mektepterinen 350 000 oqýshy qatysty. О́tken jyl­darǵa qaraǵanda, týrnırdiń demeý­shisi «Koka-Kola» kompanııasy 2010 jylǵy maýsymnan bastap, barlyq jas boıynsha fınaldyq oıyndar kezinde qatysýshylardy tegin tamaqtandyryp, turatyn jermen qamtamasyz etýde. Demek, uıymdastyrýshylar balalardyń ózin erkin sezinýi úshin qolynan kelgenin jasaýda. Halyqaralyq sarapshylar birinshi jyldyń ózinde týrnırdiń joǵary deńgeıde uıymdastyry­lýyn atap ótti. «Coca-Cola Byl­ǵa­ry doptyń» fýtbol asso­sıa­sııalarynyń eýropalyq keńe­si­nen alǵan marapaty (ÝEFA pre­zı­dentiniń qoly qoıylǵan «Álemdegi balalar-jas­óspirim­der fýtbolyn damytý boıynsha eń kórnekti oqıǵa – 2006» dıp­lomy) týrnır ótkizilip kele jat­qan kezden bergi eń úlken oqıǵa bolyp sanalady. Búgingi tańda Otandyq sport­ty damytý jónindegi prezıdenttik baǵdarlama sheńberinde 50 qazaqstandyq bozbala Brazılııa­nyń ataqty OLE Brazil mektebinde jattyǵyp júr. Olardyń ishinde qazaqstandyq alańdarda ár­túr­li jyldarda ótkizilgen týrnır oıyndarynda ózderin jaqsy ja­ǵynan kórsetip, bedeldi bra­zı­lııalyq mektepte oqý quqyǵyna ıe bolǵan «Coca-Cola Bylǵary dop» qatysýshylary da bar. Týrnır «túlekteriniń» jar­qyn úlgisi retinde ulttyq qu­ramanyń oıynshysy Sergeı Hıjnıchenkony atap ótýge bola­dy. Ol 2006 jyly joǵary jas sanatynda «Coca-Cola Bylǵary dop» týrnıriniń úzdik shabyyl­shycy bolyp tanylǵan edi. Al qazir Hıjnıchenko – Qazaqstan­nyń ulttyq quramasynyń úzdik oıynshysy, qaraǵandylyq «Shah­terdyń» shabýylshysy, Premer-lıganyń eń nátıjeli shabýyl­shylarynyń biri. 2011-2012 maýsymy «Coca-Cola Bylǵary dop» damýynda jańa beles bolatyny sózsiz. Elimiz táýelsizdiginiń 20 jyldyq mereıtoıyna oraı, qazaqstandyq sporttyń halyqaralyq sahnada artyp kele jatqan dańqyn eskere otyryp, týrnırdi eýropalyq «Kúz-kóktem» standarty boıyn­sha ót­kizý týraly sheshim qa­by­l­dandy. Uıymdastyrýshylar ma­myr aıyna qaraı barlyq jastyq kategorııalar – kishi (2000-2001 jj. týǵandar), orta (1998–1999 jj. týǵandar) jáne joǵary (1996–1997 jj. týǵandar) jastyq toptardyń fı­naldyq kezdesýlerin ótkizýdi josparlap otyr. Jeńimpaz ataǵy men bedelinen basqa, joǵary jastaǵy toptaǵy chem­pıon komandaǵa 2012 jyly eń ataqty eýropalyq fýtbol alań­darynyń birine barý sııaqty qo­sym­sha syılyq usy­ny­lady. Bul 30-dan artyq elderdiń komanda­la­ry qatysatyn jáne bıyldan beri qazaqstandyq «Coca-Cola Bylǵary dop» fýtbol týrnırin quramyna bi­riktirgen halyqaralyq Copa Coca-Cola (Kopa Koka-Kola) bala­lar-jasóspirimder týrnıriniń ar­qa­synda múmkin bolyp otyr. Dastan KENJALIN.