Qazaqstan Respýblıkasy Kólik jáne kommýnıkasııa mınıstrliginiń buıryǵy №380

2011 jylǵy 21 maýsym,   Astana qalasy «Qazaqstan Respýblıkasynda temir jol jyljymaly quramyn tirkeý erejesin bekitý týraly» Qazaqstan Respýblıkasy Kólik jáne kommýnıkasııalar mınıstriniń 2002 jylǵy 11 shildedegi № 240-I buıryǵyna tolyqtyrýlar engizý týraly «Temir jol kóligi týraly» Qazaqstan Respýblıkasynyń 2001 jylǵy 8 jeltoqsandaǵy Zańynyń 9-babyna sáıkes buıyramyn: 1. «Qazaqstan Respýblıkasynda temir jol jyljymaly quramyn tirkeý erejesin bekitý týraly» Qazaqstan Respýblıkasy Kólik jáne kommýnıkasııalar mınıstriniń 2002 jylǵy 11 shildedegi № 240-I buıryǵyna (Normatıvtik quqyqtyq aktilerdi memlekettik tirkeý tiziliminde № 1948 bolyp tirkelgen, «Resmı gazet» gazetiniń 2002 jylǵy 31 tamyzdaǵy № 35 sanynda jarııalanǵan) mynadaı tolyqtyrýlar engizilsin: Kórsetilgen buıryqpen bekitilgen Qazaqstan Respýblıkasynda temir jol jyljymaly quramyn tirkeý Erejesi: mynadaı mazmundaǵy 4-1 tarmaǵymen tolyqtyrylsyn: «4-1. Memlekettik tizilimge Qazaqstan Respýblıkasy Keden odaǵynyń Biryńǵaı keden tarıfimen belgilengen stavkalardan ózgeshe kedendik baj stavkalaryn qoldanaýyna qatysy bar temir jol jyljymaly quramy týraly qosymsha málimetter engiziledi. Qosymsha málimetter kedendik bajyn tóleý týraly aqparatty qamtıdy.»; mynadaı mazmundaǵy 6-1 tarmaǵymen tolyqtyrylsyn: «6-1. Qazaqstan Respýblıkasy oǵan qatysty Keden odaǵyna múshe memleketterdiń aýmaǵynda budan ári qoldaný úshin Keden odaǵynyń Biryńǵaı kedendik tarıfterinde belgilengen stavkalardan ózgeshe kedendik baj stavkalaryn qoldanatyn temir jol jyljymaly quramyn senimgerlik basqarýǵa nemese múliktik jalǵa bergen jaǵdaıda ýákiletti organdy habarlaý, sonymen birge jalǵa berýshiniń nemese jalǵa alýshynyń Keden odaǵynyń Biryńǵaı kedendik tarıfiniń stavkalary boıynsha eseptelgen kedendik ákelý bajdarynyń somasy aıyrmasynyń mólsherinde kedendik bajdy tólegenin rastaıtyn qujattardyń kóshirmesin usyný qajet.»; mynadaı mazmundaǵy 24-1 tarmaǵymen tolyqtyrylsyn: «24-1. Qazaqstan Respýblıkasy oǵan qatysty Keden odaǵyna múshe memleketterdiń aýmaǵynda budan ári qoldaný úshin Keden odaǵynyń Biryńǵaı kedendik tarıfterinde belgilengen stavkalardan ózgeshe kedendik baj stavkalaryn qoldanatyn temir jol jyljymaly quramyn ózge Keden odaǵyna múshe memleketterdiń aýmaǵynda budan ári qoldaný úshin satylǵan jaǵdaıda satýshynyń nemese satyp alýshynyń Keden odaǵynyń Biryńǵaı kedendik tarıfiniń stavkalary boıynsha eseptelgen kedendik bajdarynyń somasy aıyrmasynyń mólsherinde kedendik bajdy tólegenin rastaıtyn qujattardyń kóshirmesin usynǵannan keıin Memlekettik tiziliminen shyǵarylýǵa jatady.». 2. Qazaqstan Respýblıkasy Kólik jáne kommýnıkasııa mınıstrliginiń Kóliktik baqylaý komıteti (Á.N.Barmenqulov) osy buıryqty Qazaqstan Respýblıkasy Ádilet mınıstrliginde memlekettik tirkeýin qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Kólik jáne kommýnıkasııa vıse-mınıstri E.S.Dúısenbaevqa júktelsin. 4. Osy buıryq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Mınıstr B.KAMALIEV. Buıryq Qazaqstan Respýblıkasynyń Ádilet mınıstrliginde 2011 jylǵy 27 maýsymda Normatıvtik quqyqtyq kesimderdi memlekettik tirkeýdiń tizilimine №7038 bolyp engizildi.