Irakta lańkestik tyıylar emes

Iraktyń El-Kýt qalasynda oryn alǵan qos lańkestikten 34 adam qaza tapty. Sońǵy málimetterge qaraǵanda, taǵy 64-i jaralanǵan.  Qalanyń ortalyq alańynda jasalǵan alǵashqy jarylysty tekserý úshin jáne jaralanǵandarǵa kómektesý maqsatynda kúsh qurylym qyzmetkerleri men jedel járdem dárigerleri alańǵa jaqyndaı bergen sátte avto­kólikke ornatylǵan ekinshi jarylǵysh zat iske qosylǵan.  Sońǵy kezde bul elde lańkestik áreketterdiń artýynan amerıkalyq áskerılerdiń osynda qalý merzimin uzartý kerek degen áńgimeler jıi aıtyla bastady. MAFIIаDAN MEZI BOLǴAN MEKSIKALYQTAR Myńǵa jýyq meksıkalyq osy el astanasy Mehıkoda kóshelerdi jaıaý aralap, esirtki mafııasy tarapynan qaza tapqan týysqandarynyń sýretterin qoldaryna alyp júrdi. Aksııaǵa qatysýshylar mafııa qoly­nan qaza tapqandar sany azaımaı otyr­ǵan­dyǵyn alǵa tartady. Olardyń paıymynsha, el prezıdenti Felıp Kalderon óz ýádesiniń údesinen shyqpaýda. Buǵan deıin bılik adamdardyń basyn shabýǵa buıryq berip kelgen kartel basshysyn tutqyndaǵandyqtaryn habarlaǵan bolatyn. TIKUShAQ TEHNOLOGIIаSY URLANDY MA? Pákstan «Ál-Kaıda» jetekshisi bolǵan Osama ben Ladenniń kózin joıý kezinde apatqa ushyraǵan ame­rıkalyq tikushaqtyń synyqtaryn qytaı­lyqtarǵa kórsetti degen aqparatty pákstandyq áskerıler joqqa shyǵaryp otyr. Pákstandyq radarlarǵa kórinbeıtin tikushaq qaldyq­taryn qytaılyqtar sýretke túsirip qana qoımaı, arnaıy jabyndynyń bólshegin de alǵan kórinedi. Tikushaq qaldyqtaryn Pákstan AQSh-qa qaıtaryp bergenimen, eki el arasyndaǵy qarym-qatynas sýyp ta úlgerdi. Qazir Qytaı Pákstanǵa qarý satýshy eń iri elder qatarynda. Aradaǵy saýda-sattyq jylyna 9 mıllıard dollardy quraıdy.  PREZIDENTTIKKE KANDIDATTAR ANYQTALDY Saılaýlar men referendýmdardy ótkizý jónin­degi Qyrǵyzstan ortalyq saılaý komıssııasy prezıdenttikke kandıdattar sany 66 adamǵa jetkendigin málim etti. Olardyń árbir altynshysy partııalardan tús­ken­der, al qalǵandary ózin ózi usynýshylar kórinedi. Kandıdattardy usyný úderisteri búgin, 16 tamyzda aıaqtalyp, odan keıin tirkeý bastalady. Sarapshylar solardyń tek bireri ǵana jeńiske jetýi yqtımal dep sanasa, sonyń biri – Sosıal-demokratııalyq partııa tarapynan usynylǵan qazirgi premer-mınıstr Almazbek Atambaev. Al qabyldanǵan zań boıynsha Roza Otýnbaevanyń prezıdenttikke túsýine quqy joq. OBAMA REITINGI QULDYRAP BARADY AQSh prezıdenti B.Obamanyń reıtıngi tarıhı mınımýmǵa deıin tómen­dep ketti. Callup kompanııa­sy­nyń zert­teýleri prezıdent jumy­sy­na senimsizdik bildirgen amerıka­lyq­tar qa­tary 43 paıyzǵa jetkendigin kórsetken. Ázirge turǵyndardyń 54 paıyzy prezıdentke senedi. Degenmen, Obama reıtıngisi  Standard & Poor’s ta­ra­pynyń AQSh reıtıngin «AAA»-dan «AA+ke» deıin tómen­detýimen baılanysty kórinedi. Onyń ústine demokrattar men res­pýb­lıkashylar arasynda memqaryzǵa baılanysty saıası qaq­tyǵys ta oryn alyp, taraptar áreń degende kelisimge qol jetkizilgeni málim. KADDAFI QAITA QARÝLANÝǴA ShAQYRDY M.Kaddafı lıvııalyqtardy taǵy da «satqyndar men NATO-ǵa qarsy qarýlanýǵa» shaqyrdy. Lıvııanyń memlekettik telearnasy kósemniń ózin kórsetpeı, tek onyń daýysyn ǵana taratqan. Budan keıin Týnıste Kaddafı men kóterilisshiler ókilderi arasynda kelissózder júrgizilgen. Ázirge eki jaq ta bul týraly tis jarmaı otyr. Sarap­shylar strategııalyq Ez-Zavııa qalasyn kóterilis­shiler­diń basyp alýynan keıin kelissózder júrgizilýi múmkin degen-di. Kaddafı kóterilisshilermen kelissóz júrgizbeıtindigin málimdep kelse, uly Seıf ál-Islam Lıvııada sharıattyq basqarý engizemiz degen bolatyn. Qysqa qaıyryp aıtqanda: Brıtanııanyń Djersı aralyndaǵy Sent-Helıer qalasynda belgisiz bireý alty adamdy (eki erkek, eki áıel jáne eki bala) baýyzdap ketken. Polısııa 30 jastaǵy kúdiktini tutqyndaǵan. 90 myńdaı turǵyny bar aral eń qaýipsiz sanalady eken.  Ońtústik Kalıfornııadaǵy Ritz-Karlton qonaq úıinen quny 250 myń dollarlyq áıgili gollandtyq sýretshi Rembrand van Reınniń týyndysy urlanyp ketken. Qazir polısııa beınejazý quraldary­nyń jazbalaryn tekserýde kórinedi. Aýǵanstanda Parvan provınsııasy gýbernatorynyń  rezıden­sııa­synda bolǵan lańkestik shabýyldan 16 adam ólip, 29-y jaralanǵan. Rezıdensııaǵa basa-kóktep kirip kelgen jankeshtiler ózderin jaryp jibergen. Qaza tapqandardyń basym bóligi memlekettik sheneýnikter eken.  Pákstandaǵy Hýb qalasynyń aýmaǵynda avtobýstyń oıpańǵa qulap ketýi saldarynan 20 adam kóz jumyp, taǵy birazy ár túrli jaraqattar alǵan. Avtobýsta 80 adam bolǵan, jaraqat alǵan­dardyń kóbisi aýyr halde aýrýhanaǵa jetkizilipti. Sondyqtan qaza tapqandar qatary artýy múmkin delinýde.   Belorýssııa shekarashylary Eýroparlament depýtaty Marek Mıgalskıdi poıyzdan túsirip, el ishine jibermepti. Belorýssııada Mıgalskı jergilikti quqyq qorǵaýshylarmen, belsendi azamattarmen jáne Polıaktar odaǵy ókilderimen kezdespek bolsa kerek.

Investor ári eń baı adamdardyń biri Ýorren Baffet AQSh Kongresine osy eldegi eń baı degenderge salyqty kóbeıtý kerek degendi aıtady. О́ziniń tapqan tabysynyń tek 17,4 paıyzy salyqqa ketetindigin jetkizgen ol ózimen birge jumys isteıtinderdiń ortasha alǵanda 36 paıyz salyq tóleıtindigin jazady.

Internet materıaldary negizinde ázirlendi.