О́timdi ónim – óndiris órisi

Taıaýda Qaraǵandyda «Qazaq­stan­nyń úzdik taýary» atty óńirlik baı­qaý kórmesi ótti. Oǵan 60-qa tarta kásiporyn óz ónimderin qoıdy. Oblys ákimi Serik Ahmetov kór­mege kelýshilermen kezdesýde  istiń nátıjeli bolýy kóp jaǵ­daıda isker toptar men kásip­kerlerdiń basta­mashylyǵy men belsendiligine baı­lanysty dep ata­ǵandaı ásirese, elimiz Kedendik odaqqa engen shaqta otandyq bız­nes­tiń básekelestik qa­biletti kú­sheıte alýy asa mańyzdy. Soǵan umtylýshylarǵa kómek-qol­daý ba­rynsha kórsetilýde. Indýs­trııa­lan­dyrý baǵdarlamasy aıasynda iske asyrylýdaǵy 45 joba ónim óndirýshilerge, jabdyqtaý­shy­lar­ǵa buryn sońdy bolyp kórmegen qo­laıly jaǵdaılar týǵyzyp ot­yr. Bul rette birinshi kezekte sa­pa­sy joǵa­ry zattar men mate­rı­al­darǵa jol ashyq. Sol múmkindik izdenisti te­reń­detýge mindetteıdi. Kórme-konkýrs bolǵan soń je­ńimpazdary atalmaı qalmady. Ol­ardy anyqtaý ónim sapasyna, on­yń biregeıligine jáne básekege qabi­let­tigine súıeldi. «О́ndiristik baǵytta­ǵy úzdik taýarlar» nomı­na­sııasynda synasqan 28 kásip­oryn arasynan «Arselor Mıttal Temirtaý» AQ 1 dárejeli dıplommen marapattaldy. 2015 jylǵa deıin bolat óndirýdi jylyna 6 mıllıon tonnaǵa jetkizýdi kózde­gen kompanııanyń ónimderi alysqa aıandyǵynan aınymaı keledi. Al «Turǵyndar úshin taýar» je­ńimpazy atanýǵa úmit artqan 16 ká­siporyn sapynda «Sante­hón­di­ris» ozyq tanyldy. Turmystyq sa­nı­tar­lyq-tehnıkalyq buı­ym­dar­dy shy­ǵa­ratyn bul zaýytqa kórshi memleketterden tapsyrys árdaıym kóp. Byl­tyr «Qazaq­stan­nyń úzdik taýary» kórmesinde «Shaǵyn jáne orta bıznes salasyndaǵy úzdik eks­port­taý­shy» ataǵyn jeńip alǵan kásiporyn bıyl naýryz aıynda Halyqaralyq ekologııa akademııa­sy­nyń «Taza eko­logııalyq ónim» tizimine endi. «Úzdik azyq-túlik taýarlary» no­mınasııasynda «Qaraǵandy kon­fetteri» AQ kósh basynan kó­rin­di. Tátti ónimderimen ataq-dańqy uzaq jyldardan beri tanymal fabrıka jy­lyna 30 myń tonna kondıter buı­ymdaryn shyǵarady. Edáýir bó­ligi Germanııadaǵy, Ita­lııadaǵy, An­g­lııadaǵy, Portýga­lııa­­daǵy fırma­lyq dúkenderde saty­lýy Qaraǵandy kámpıtiniń ótim­diligi qandaılyq ekenin ańǵar­ta­ry anyq. Sondaı-aq taǵam jáne hı­mııa ónerkásibi ón­im­derin qa­l­byrlaýǵa qoldanylatyn aq qa­ńyl­tyrdy jaltyratý, árleýmen shuǵyldanatyn «Ast Etalon Crown», dıametri 16-dan 800 mm-ge deıingi polıetılen qubyr­la­ryn shyǵaratyn Qazaqstan-Ger­man «Karal Plast», stadıondar men sport alańdaryna jasandy jasyl tósegish jasaıtyn «Karat» jáne margarın, maı óndi­retin «Evrazıan Fýds» kásiporyn­dary júldeli oryndardy ıelendi. – Mundaı baıqaýlardyń dás­túr­li túrde ótkizilip turýy óndi­ris sala­syna óte paıdaly. Táji­rıbe tolyq­tyrýǵa, úlgili isterdi úırenýge septik etedi. Taý-ken já­ne metallýr­gııalyq qural-jab­dyq­tardy shyǵa­ra­tyn bizdiń ká­sipornymyzdyń óz mindetine jaýapkershiligi jyldan-jyl­ǵa bıik. Sapa menedjmenti boıynsha zerthana qyzmeti ónimniń fızıka­lyq-hımııalyq qasıetin synaqtan ót­ki­zýde salalyq zerthanalar ishinde bıyl mine, úshinshi ret aldyn­ǵy or­ynnan kórindi. О́nimimiz sa­pa­sy on­yń saraptaýyna saı kelýine kúsh salynady. «Arselor Mıt­tal Temirtaý», «Qazaqmys» syndy alyp­tar­dyń senimine ıe bolýymyz iske úl­ken medet, ony beriktire bermekpiz, – deıdi Shahtınsk standartty emes jabdyq­tar jáne kishi mehanızasııa zaýy­ty­nyń dırektory Maqsat Mu­rat­bekova. Bulardyń syrtynda oblys áki­miniń arnaıy «Sapa aýma­ǵyn­daǵy jetistikteri úshin» júldesi «Trel Qaraǵandy» JShS-ine tap­sy­ryldy. О́nerkásiptik avtomatıka keńinen óris alýyna oraı ól­sheý-esepteý keshenderin jasap, shy­ǵaratyn seriktestik zattary transulttyq kompanııalar sura­nys­taryn qamtamasyz etedi. Iá, búginde óndiris órleý ús­tinde. О́timdi ónim sony tereńde­tý­de. Qazirgi Qaraǵandy aımaǵyn­da­ǵy  is-izdenister soǵan negiz qalaýda. Aıqyn NESIPBAI. Qaraǵandy.