Uıym Somalıdi qamqorlyǵyna aldy

Keshe Syrtqy ister mınıstrliginde atalǵan vedomstvonyń resmı ókili Asqar Abdrahmanov jýrnalıster úshin kezekti brıfıng ótkizdi. Resmı ókildiń aıtýynsha, 17 ta­myzda Ystambulda Túrkııada Is­lam yntymaqtastyǵy uıymy (IYU) Atqarýshy komıtetiniń tótenshe oty­­rysy ótedi, bul otyrys Somalıdegi gýmanıtarlyq daǵdarysqa j­á­­ne ony jedel eńserýge baǵyt­tal­­ǵan IYU qamqorlyǵyndaǵy bir­lesken is-qımyldarǵa arnalmaq eken. «IYU SIMK Tóraǵasy – QR Syrtqy ister mınıstri E.Qazy­ha­nov­tyń tóraǵalyǵymen ótetin oty­­rys jumysyna Somalı Prezıdenti Sh.Ahmed, Túrkııa Premer-mınıstri R.Erdoǵan, IYU Bas hatshysy E. Ihsanoǵlý, Uıymǵa múshe mem­le­ketterdiń mınıstrleri qat­ysady», dedi A. Abdrahmanov. Brıfıng barysynda belgili bol­­ǵany, kezdesý qorytyndylary boı­ynsha Atqarýshy komıtet oty­ry­syna­ qatysýshylar Qorytyndy kom­mıýnıke qabyldaıdy eken. Ys­­tam­bul­daǵy kezdesý múshe mem­leketter tarapynan Somalıge gý­ma­nıtarlyq jáne qarjylyq kó­mek­tiń eleýli sho­ǵyrlandy­ry­lý­y­na múm­kin­dik jasa­maq, sondaı-aq, IYU-nyń Somalıge kómektiń ar­naıy baǵdarlamasyn ar­naıy qor­lar­men qamtamasyz etý de kóz­delip otyr­ǵan kórinedi. Asqar Abdrahmanov kezdesý ba­ry­synda Ystyqkólde soqqyǵa jy­ǵylǵan qazaqstandyq týrıst Erlan Balmahaevtyń operasııa jasaý ús­tinde qaza tapqanyn jetkizdi. Onyń aıtýynsha, Qazaq­stan­nyń Qyrǵyz­standaǵy elshiligine qaıtys bolǵan azamattyń múr­de­sin Almatyǵa jetkizý úshin ar­na­ıy jabdyqtalǵan kólik jiberilgen eken. A.Abdrahmanovtyń sózi­ne qa­ra­ǵanda, qazirgi tańda qyr­ǵyz po­lı­sııa­sy qazaqstandyq týrısti ól­imshi etip sabady degen kú­­dik­pen eki aza­matqa izdeý ja­rııa­laǵan kórinedi. Bul másele boıynsha Qazaqstannyń Bishkektegi elshiligi Qyrǵyz­stan­nyń Ishki ister mınıstrligimen tu­raqty baı­la­nys­ta. Búginde olardy qu­ryqtaý jó­nin­degi sharalar atqa­rylýda eken. Bul kúngi brıfıng barysynda AQSh-ta es-tússiz jatqan A. Ah­me­tovany jasandy tynys alý appa­ratynan úzbeı Qazaqstanǵa jetkizý máselesi qarastyrylyp jat­qany jaıly da aıtyldy. Bu­ǵan deıin «Work & Travel» baǵ­dar­lamasy boıynsha AQSh-ta jumys istep júrgen pavlodarlyq Aınur Ahmetova Massachýsets shta­tyn­daǵy gospıtalderdiń birinde es-tússiz jatqany habarlanǵan bo­la­tyn. Ol túnde ózi jumys istep júr­gen qonaqúıdiń basseınine sho­­my­lyp, belgisiz jaǵdaıda sýǵa bat­qan. Qonaqúı qyzmetkerleri qyzdy sýdan shyǵaryp, polısııa men jedel járdem shaqyrǵan. Amerıkalyq polıseıler oqıǵany 4 tamyz kúni elimizdiń AQSh-taǵy Bas konsýl­dy­ǵyna habarlaǵan. «Otandasymyz Aınur Ahmetova AQSh-taǵy Massachýsets shta­tyn­da­ǵy gospıtalderdiń birinde buryn­ǵy­syn­sha es-tússiz jatyr. О́kinishke qa­raı, 9 tamyzda onyń mıy tirshiligin toqtatty degen dıagnoz qoıyl­ǵan bolatyn. Alaıda buǵan kúmán­dan­ǵan Aı­nur­dyń týysqan­da­ry AQSh-ta tu­ra­tyn tanymal dá­riger, professor Vladımır Zelmanmen ha­bar­lasqan eken. Atalǵan maman ota­n­dasymyzdyń mıy ra­syn­da da tirshilik etýge qaýqarsyz ekenin já­ne onyń qalypty ómirge oralýy­na esh múm­kindigi joq ekenin ras­tady», dedi brıfıng barysynda A. Abdrahmanov. Láıla EDILQYZY.