Daladaǵy dabyldyń sheshýshi kezeńi

«Dala qyrany» halyqaralyq oqý-jattyǵýlary márege jetýge ja­qyn. Osymen toǵyzynshy ret ótkizilip otyrǵan bul jattyǵýlarǵa Qa­zaq­stan, Ulybrıtanııa, AQSh, Lıtva jáne Qyr­ǵyz Respýblıkasy qarýly kúshteriniń áskerı qyzmetshileri qatysyp jatyr. 14 tamyzdan bastap kóp ultty kúshterdiń áskerı kontıngenti shart­ty qaqtyǵys aımaǵynda bitimgershilik operasııalaryn tájirıbe túrin­de pysyqtaý ústinde. Bitimgershilik kúshteri jeksenbi kúni ertemen belgilengen aýmaqqa jetip, ózderine júktelgen tapsyrmalardy oryndaýǵa kiristi.  Olar eki kún boıy jaǵdaıdy turaqtandyryp qana qoımaı, gýmanıtarlyq ope­rasııalardy da júrgizýde. Jaýapty aýmaqtaǵy is-qımyldardy baqy­laýǵa alyp, beketterde, jyljymaly patrýlde kezekshilik júrgizip, bosqyndardyń kóshi-qonyn baqylaıdy. Áskerı qyzmetshiler jarylǵysh zattardy zalalsyzdandyryp, zańsyz qarýlanǵan bandy quramynyń kózin joıdy. Jattyǵýlardyń basty tapsyrmalarynyń biri – bólimshelerdiń shoǵyrlanýy jáne is-qımyldardyń aıqyndyǵy, sý kedergilerinen ótý, ár túrli júkterdi alyp júrý, eń bastysy, qaýipsizdikti qamtamasyz etý boıynsha operasııalar júrgizý. Osy qımyldardyń bári búgin, 16 ta­myzda qaıyra pysyqtalatyn bolady. Áskerı baqylaýshylar men shet memleketterden kelgen sarap­shy­lar qazaqstandyq jaýyngerler ózderiniń biliktikterimen jáne tárti­bi­men erekshelenetinin aıtýda. Bul jattyǵýlar beıbitshilikti qoldaý operasııalaryndaǵy «Qaz­brıg­tiń» jedel qımyl jasaýdaǵy jetistigi men qazaqstandyq bitimgerlik bólimsheniń kóp ultty quramda tapsyrmalardy oryndaý qabiletin tekserý bolyp tabylady. Oksana PARPÝRA, Qorǵanys mınıstrligi baspasóz qyzmetiniń qyzmetkeri. –––––––––––––––– Sýretti túsirgen Ermek SARBASOV.