Shırek fınaldan asa almady

Buǵan deıin qazaqstandyq tennısshi Galına Voskoboevanyń Torontoda aıaqtalǵan Kanadanyń ashyq birinshiliginde shırek fı­nal­ǵa jetkenin habarlaǵan bola­tyn­byz. О́kinishke qaraı, jarty­laı fınalǵa joldama beretin kezdesýde ol belorýssııalyq tennısshi, álemniń tórtinshi raketkasy Vıktorııa Azarenkadan utylyp qaldy. Deı turǵanmen, G.Voskoboeva úshin osynyń ózi aıtarlyqtaı tabysty týrnır bolǵanyn aıta ketý kerek. Sóıtip, ol álemdik reıtıngtegi 146-shy orynnan 100-dikke kóterildi. Jartylaı fınaldaǵy kezdesýler tómendegishe aıaqtaldy. Jara­qa­tyna baılanysty bir jyldyq úzilisten soń kortqa shyqqan ame­rıkalyq Serena Ýılıams Vıktorııa Azarenkany eki sette ońaı jeń­­di. Avstralııalyq Samanta Sto­sýr polshalyq tennısshi Agneshka Radvanskadan basym tústi. Al fınalda S.Stosýr S.Ýılıamsqa jón­di qarsylyq kórsete almaı, eki sette (6:4, 6:2) jeńilis tapty. Sóıtip, syıaqy qory 2 mıllıon dollardan asatyn Kanadanyń ashyq chempıonatynda jeńimpaz S.Ýılıams 360 myń dollarǵa ıe boldy. Fınalǵa shyqqan S.Stosýr osynyń jartysyndaı aqshaǵa qol jetkizdi. Jartylaı fınalıster – A.Radvanska men V.Azarenkanyń tabysy 85 myń dollardan aınal­dy. Shırek fınalǵa shyqqandar­dyń da syıaqysy aıtarlyqtaı qomaqty. Máselen, G.Voskoboeva 42,5 myń dollar alyp qaıtty. «Egemen-aqparat».