Para alsań, basyńa pále

Keshe Batys Qazaqstan ob­lystyq ekonomıkalyq qyl­mys­qa jáne sybaılas jemqor­lyqqa qarsy kúres departamentinde brıfıng ótkizilip, onda departament bastyǵy­nyń orynbasary Ánýar Hasenov 8 ta­myz kúni oblystaǵy aýdan­dar­dyń biriniń ákimi A.S. men onyń orynbasary B.Ú-ge jáne keńesshisi S.Q-ǵa qatys­ty para alý faktisi boıynsha qyl­mystyq is qozǵalǵanyn jer­gilikti jáne respýblı­ka­lyq BAQ ókilderine málim­dedi. Orynbasardyń aıtýyna qaraǵanda sol kúni prokýror­dyń sanksııasymen júrgizil­gen tintý barysynda aýdan ákimi A.S.-nyń úıinen oǵan para retinde berilgen 300 myń teńge somasyndaǵy aqsha qara­jaty tabylǵan. 11 tamyz kúni aýdan ákimi A.S. sot sank­sııa­symen qamaýǵa alynǵan. Brıfıngtiń barysynda departament bastyǵynyń oryn­basary Ánýar Hasenov oryn alǵan para alý faktisi boıyn­sha jýrnalıster qoıǵan suraq­tarǵa jaýap berýden bas tart­ty. Ol muny baspasóz ókil­derine tergeý amaldarynyń júr­gizilýine baılanysty dep túsindirdi. Temir QUSAIYN. Batys Qazaqstan oblysy.