Bir aýylda 50 jylyjaı

Azyq-túlik qaýipsizdigi men tutynýshyny arzan kókónis túr­lerimen qamtamasyz etý maq­satynda ótken jyldary aımaq­tarda jylyjaı keshenderi kóptep iske qosylǵany belgili. Solardyń qatarynda Jambyl aýdany, Qaraqystaq aýylynda jumysyn bastaǵan «Janaı» sharýa qojalyǵy bes gektar jerge 50 jylyjaı salǵan bo­la­tyn. Oǵan 150 mln. teńge ınvestısııa tartylyp, kókónis ósi­rý qarqyndy júrgizildi. 12 jylyjaıǵa qyzanaq, 13-ine qııar otyrǵyzylsa, tek qy­za­naqtyń bir túbinen búgingi kúni 3 kılo ónim jınalýda. Keshenniń óndiristik qýaty jy­lyna 450 tonna kókónis ósi­rý­ge jetedi. Qazirgi kezde ár jyly­jaı­dan kún saıyn 400 kıloǵa jý­yq ónim jınalýda. Bul aýdan­daǵy kókóniske degen suranysty 80 paıyzǵa qamtýǵa jetip otyr. Qııardyń túsimi de jaman emes. Kókóniske degen tutynýshy suranysy kún saıyn artýda. О́ıtkeni, halyq qysqa daıyndyq jasap, sapaly kókónis túrlerine kóptep tapsyrys berýde. Sondaı-aq, jınalǵan ónim Almaty men Uzynaǵash bazarlarynda saýda­la­nyp keledi. – Jumyssyz otyrǵan qyz-ke­lin­shek osynda eńbek etýde. Aýyl­dyń janynda bolǵan­dyq­tan, bizge óte tıimdi. Kórip tur­syzdar ǵoı, ekologııalyq jaǵy­nan taza ónimge degen suranys joǵary. Qııar men qyzanaqtyń gollandyq sorttaryn ósirýde­miz, – deıdi Qaraqystaq aýyly­nyń turǵyny Sara Ábishova. Jylyjaıda jańadan ósip kele jatqan kóshetterdiń jetilýine de erekshe mán beriledi. Babyn taýyp kútse, kúnine bir jylyjaıdan josparlanǵannan anaǵurlym mol ónim alýǵa bo­latynyn aıtady baptaýshylar. Kúmisjan BAIJAN. Almaty oblysy.