Katonqaraǵaıdaǵy jańa aýrýhana

Ústimizdegi jyldyń  qańta­ryn­da Katonqaraǵaı aýylynda el esinde qalarlyqtaı eleýli oqı­ǵa boldy. Burynǵy aýdan or­talyǵy sonaý 1997 jylǵy yq­sham­daý saıasatynan keıin toz-to­zy shyǵyp, talaı áleýmettik ǵı­ma­rattar ıesiz qaldy. Qurylys negizinen alǵanda aýdan ortalyǵy bolǵan Úlken Naryn aýylynda salyna bastaǵandyqtan eleýsiz qalǵan Katonqaraǵaı aýyly jú­dep-jadap, ondaǵy turǵyndar­dyń basqa eldi mekenderge kóshe bastaǵany da shyndyq. Shekaralas aýdandardy qaıtadan ashyp, olarǵa aýdan ortalyǵy márte­be­sin berý jónindegi sózder de shyn­dyqqa janaspady. Ne isteý kerek? 2007 jyldyń sáýirinde aýdanǵa jańa ákim keldi. Sol kezdegi oblys ákimi Jánibek Kári­b­janov jańa ákim Serik Zaınýldındi depýtattar aldynda t­a­nys­tyryp turyp, isker, jas jigitten úmit kútetinin, oǵan jan-jaqty qolǵabys jasaý qajettigin shegelep turyp tapsyrǵan. О́ńir bas­shysy amanshylyq bolsa, kelesi jyly burynǵy aýdan ortaly­ǵynda «100 mektep, 100 aýrýhana» baǵdarlamasy boıynsha eki mıllıard teńgege 75 tósektik,  zaman talabyna saı aýrýhana qu­ry­lysy salynatynyn aıtqan edi. Aýdan ákimi S.Zaınýldın iske qyzý kiristi. Katonqaraǵaı aýy­lyndaǵy ıesiz qalǵan ǵımarat­tar­dy aýdannyń bedeldi aza­mat­tary qaıtadan jóndep, «ekinshi tynysyn» ashty. Máselen, ob­lystyq máslıhattyń depýtaty, «Qurmet» ordendi Temirbek Isabaev burynǵy eki qabatty ǵı­ma­ratty kúrdeli jóndeýden ótkizip, onda «Baıan» shıpajaıyn ashty. О́z aýlyndaǵy bir jarym sha­qy­rym jolǵa asfalt tósedi. Aýdan ákimi Serik Zaınýldın aýdannyń ekonomıkasyn kóterip, jańa aýrýhananyń merziminde paıda­la­nýǵa berilýine kóp kúsh jum­sady. Aýrýhana qurylysy qyzý júrip jatqan kezde, issaparda bolǵanymyzda, aýyl turǵyn­da­ry­nyń senbilikke qatysyp, jańa ǵımarattyń qurylysyn tezdetýge atsalysqandaryna kýá bol­ǵanbyz. Sonymen jeti aıdan beri jańa aýrýhana jumys istep tur. Onyń saltanatty ashylýyna oblys ákimi B.Saparbaev qatys­ty. Shalǵaıda jatqan aýyl tur­ǵyndary endi oblys ortalyǵyna nemese aýdanǵa  qatynamaıtyn boldy. Sebebi belgili, jańa aýrýhanada ne kerektiń bári bar. № 2 medısınalyq birlestiktiń bas dárigeri Arqabaı Qadyr­baev­pen tildeskenimizde, ol Aqqaı­nar, Aq­sý, О́rel aýyldarynda ózde­ri­niń bólimsheleri bar ekenin tilge tıek etti. Qazirgi kúni medı­sı­na­lyq birlestikte 36 dáriger qyz­met etedi. Barlyǵynyń biliktiligi joǵary, óz mamandyǵynyń sheberleri. – Ishki aǵzalar, hırýrgııa, gınekologııa, ınfeksııa, reanımasııa, basqa da bólimder zamanaýı jabdyqtarmen, qondyr­ǵy­lar­men qamtamasyz etilgen. Shet­elder­diń, Reseıdiń dárigerlik jab­dyq­tary sapaly, syrqatpen túsken­derge der kezinde túrli tek­se­rýlerdi júrgizemiz. Qan qu­ramyn anyqtaıtyn zerthanada isker qyz­metkerler talapqa saı jumys isteıdi. Qysqasy, shal­ǵaı­daǵy jańa aýrýhana el Táýel­sizdiginiń 20 jyldyǵyna laıyq­ty tartý boldy, – deıdi bas dá­rigerdiń orynbasary Gúlmıra Qabyl­ǵa­zyqyzy. Gúlmıra Qabylǵazyqyzymen birge úsh qabatty eńseli aýrý­ha­nany aralap júrmiz. Syrqattar emdeletin bólmeler aınadaı taza, jaryq eken. Joǵary sanatty dárigerler G.Alıpınova, J.Janpeıisova, S.Bolaev, Q.Sherııazdanov jáne taǵy basqalar óz mindetterine únemi jaýapkershilikpen qaraıdy. Joǵaryda aty atal­ǵan aýyldardaǵy medısınalyq bólimderge de qajetti kómektiń barlyǵy jasalady. Katonqara­ǵaı aýdanynyń qazirgi ákimi Arman Bekbosynov jańa ujymnyń qyzmetine kóńili tolatynyn aıta kelip, aldaǵy ýaqytta turǵyn­dar­ǵa medısınalyq qyzmet kór­se­týdiń sapasy arta túsetinine senimi nyq. Iá, «100 mektep, 100 aýrýhana» baǵdarlamasy boıynsha paı­da­lanýǵa berilgen jańa aýrýhana ujymy halyqqa minsiz de sapaly qyzmet kórsetýdi basty paryz sanaıdy. Ondasyn ELÝBAI. Shyǵys Qazaqstan oblysy, Katonqaraǵaı aýdany. –––––––––––––––– Sýretterde: jańa aýrýhana; medısınalyq birlestiktiń dá­ri­gerleri.