Sırııa áskerıleri Latakııa portty qalasyn qorshaýǵa aldy. Soldattar shahardan qashýǵa árekettengen turǵyndarǵa oq jaýdyrýda. О́tken senbi kúnnen bergi qaza tapqan beıbit turǵyndar sany 30-dan asqan kórinedi.
Túrkııa syrtqy ister mınıstrligi Bashar Asadtyń úkimeti osyndaı qadamdaryn jalǵastyra beretin bolsa, qarsy shara qoldanatynyn málimdep, eskertý jasady. Onyń qandaı shara ekeni naqtylanbaıdy. AQSh-tyń Memlekettik departamenti Úndistan men Qytaıdy Sırııanyń munaıy men gazyn satyp alýdan bas tartýǵa shaqyrdy. Jalpy, Sırııadaǵy teketires ústimizdegi jyldyń naýryz aıynan beri jalǵasyp keledi.
SOT PROSESIN KО́RSETÝGE TYIYM SALDY
Kaır soty Mysyrdyń burynǵy prezıdenti Hosnı Múbáraktiń sot prosesin televızııadan translıasııalaýǵa tyıym saldy. Onyń osy jyldyń basynda oryn alǵan halyqtyń jappaı narazylyǵy saldarynan bılikten alastatylǵany belgili.
Sonymen qatar, sot Múbáraktiń isin burynǵy ishki ister mınıstri Habıb ál-Adlıdiń isimen biriktirý týraly sheshim qabyldady. Adlıdiń sherýge shyqqan mysyrlyqtardyń ólimine kináli dep tanylǵany málim. Al kelesi sot májilisi 5 qyrkúıekke belgilengen. Onda aıyp taǵýshylardyń ókilderi tyńdalatyn bolady.
IZRAIL UShAQTARY BES SOQQY JASADY
Izraıl áskerı-áýe kúshteriniń ushaqtary keshe erteńgisin Gaza sektorynyń aýmaǵyna bes márte soqqy berdi. Palestına tarabynyń derekterine qaraǵanda, sektordyń shyǵys bóligindegi Zeıtýn aýdanyna jasalǵan shabýyldan úsh adam aýyr jaraqattanǵan kórinedi.
Basqa aýdandarda da zardap shekkender bar delinip otyr. Izraıl áskerı-áýe kúshteriniń operasııalary Gaza sektorynan Izraıl aýmaǵyna zymyran jiberilgennen keıin bastalǵan. Zymyran ashyq jerge túskendikten, eshkim zardap shekpegen. Shilde aıynyń basynan beri Gaza sektorynan Izraıl jaǵyna shamamen 30 zymyran attandyrylypty. Al áýe soqqylarynan 19 palestınalyq opat bolsa kerek.
PREZIDENTTIKTEN ÚMITKERLER KО́P-AQ
Qyrǵyzstanda 15 tamyzda aldaǵy prezıdent saılaýyna qatysatyn úmitkerlerdi usyný aıaqtaldy. Ortalyq saılaý komıssııasyna tapsyrys bergen kandıdattardyń jalpy sany tipti 83 adamǵa jetken. Olardyń kópshiligi ózin ózi usynǵandar eken.
Úmitkerlerdiń arasynda saıasatkerler, kásipkerler, birneshe jýrnalıst, sondaı-aq 20-ǵa jýyq jumyssyz bar kórinedi. Tek 16 adamdy ǵana saıası partııalar usynypty. Úmitkerlerdiń barlyǵy derlik etnostyq qyrǵyzdar, dep habarlady Ortalyq saılaý komıssııasyndaǵylar. Olardyń 77-si er adam bolsa, 6-ýy áıel. Saılaý 30 qazanǵa belgilengen.
QYTAIMEN ShEKARASYN QYMTAI TÚSTI
Koreıa Halyq Demokratııalyq Respýblıkasy Qytaımen shekarasyna beınebaqylaý kameralaryn ornatyp, tikenek symdardan qosymsha qorshaý turǵyzdy. Osylaısha Soltústik Koreıa shekarany kesip ótetinderge baqylaý ornatyp, óz azamattaryna sheteldikterdiń yqpalyn shektemek.
Mundaı sharalarǵa Soltústik Koreıa basshylyǵy KHDR basshysy Kım Chen Irdiń Sınyıdjý qalasyna saparynan keıin baryp otyr. О́ıtkeni, Kım Chen Irdiń aıtýynsha, shekara mańyndaǵy eldi mekender turǵyndaryna baqylaýdy kúsheıtý qajet. Sebebi, olarǵa kapıtalızmniń jaman yqpaly keńinen áser ete bastaǵan. Muny jergilikti halyqtyń qalaı bolsa solaı kıine bastaǵanynan da kórýge bolady, deıdi ol.
TÚRIK MEKTEPTERIN JABA BASTADY
Túrkimenstanda 1990-shy jyldardyń basynan ashylǵan túrkimen-túrik mektepteri jabyla bastady. Buǵan atalǵan oqý oryndaryna pantúrkilik «Nýrdjýlar» qozǵalysynyń yqpaly keri áser etip otyr degen bılik basyndaǵylardyń alańdaýshylyǵy sebep bolǵan kórinedi.
Mektepterdi jabý úderisi 1 tamyzda bastalǵan. Qazirgi kezge qaraı Ashǵabadta osyndaı bir ǵana oqý orny (Atatúrik atyndaǵy №57 mektep) qalǵan. Al oǵan oqýshylardy qabyldaý toqtatylypty. Biraq qazirgi oqýshylarǵa mektepti bitirýge múmkindik beriledi eken. Mundaı oqý oryndary ashylǵan 20 jylǵa jýyq ýaqyttan beri olardy myńdaǵan túlekter bitirip shyqqan kórinedi.
QYSQA QAIYRYP AITQANDA:
Ústimizdegi jyldyń 10 shildesinde Tatarstannyń Kýıbyshev sý qoımasynda «Býlgarııa» teplohody sýǵa batyp, kóptegen adam qurban bolǵany belgili. Qaıǵyly oqıǵaǵa oraı Rostransnadzordyń eki qyzmetkeri tutqyndalǵan. Ýkraınanyń burynǵy prezıdenti Vıktor Iýshenko burynǵy úkimet basshysy Iýlııa Tımoshenkonyń isin qaraǵan sot otyrysyna kelýden bas tartty. Ekeýi bılik qurǵan kezde áýeli aýyz jalasqanymen, keıinnen aralarynan qara mysyq júgirip ótip, arazdasqandary belgili. Qytaı armııasy eldiń ońtústik-batysyndaǵy Sychýan provınsııasynda ornalasqan monastyrdi qorshaýǵa aldy. Oǵan tıbet monahynyń ózin ózi órtep jibergeni sebep boldy. Tıbettiń táýelsizdikke umtylyp kele jatqany málim bolsa, jergilikti býddıster kósemi Dalaı-lama 1959 jyldan beri qýǵynda júr. О́zbekstanda Ferǵana qalasynyń hokımi (ákimi) Erkın Nýralıev ornynan alynyp, artynsha tutqyndaldy. Formaldi túrde ol qyzmetinen óz ótinishi boıynsha ketken. Qazir ol Tashkent qalasynda bireýlerge jer satqany, kommersııalyq negizde aǵash otaǵany úshin jaýap berýde kórinedi.Halyq bostandyǵy partııasynyń teń tóraǵasy Borıs Nemsov eki kúnde ekinshi ret Sankt-Peterbýrg polısııasynyń qamaýyna alynǵan. Ol Sankt-Peterbýrg gýbernatory Valentına Matvıenkonyń mýnısıpaldy depýtat bolýyna qarsy daýys berýge úndegeni úshin tutqyndalyp otyrǵanǵa uqsaıdy.
Internet materıaldary negizinde ázirlendi.
