Ákim basshy, kásipker qosshy...

Sport – salamatty eldiń saltanat­ty urany. Oblysqa Qanat Bozymbaev ákim bolyp taǵaıyndalǵaly beri óńir­degi dene shynyqtyrý jáne sport sala­sy buryn­ǵydan da ósip, órkendeı tústi. Sportpen shu­ǵyldanatyndar sany da kóbeıgen. Ob­lystyq dene shynyqtyrý jáne sport bas­qarmasynyń málimeti boıynsha, búginde olardyń sany 158 myń­­ǵa jýyqtap qalǵan. Buqaralyq sport­­qa kóńil bólý kórsetkishi de jaman emes. Aýyldarda 59 sport  ala­ńy jón­delip, qalpyna keltirilipti. «Jol karta­sy» baǵdarlamasy sheńberinde 94,7 mln. teńgege 5 sport nysanyna kúrdeli jón­deý jumystary júrgizilgen. Oblys aýdandary men Taraz qala­syn­da zaman talabyna saı arnaıy tóse­nish­pen qaptalǵan jáne jan-jaǵy bıik shar­baq­pen qorshalǵan shaǵyn fýtbol alań­dary kóptep paıdalanýǵa berilýde. Buryn oblysta onyń birde-bireýi joq bolatyn. Taraz boks mektebi – el boksynyń órkendeýine eleýli úles qosyp otyrǵan eń basty óńirlerdiń biri bolǵandyqtan, oblysta jáne onyń ortalyǵynda byl­ǵary qolǵap sheberleriniń shyńdalýyna erekshe mán beriletini sózsiz. Sondyq­tan bolar, oblys ákimi birer jyldyń ishinde jıyrmaǵa jýyq boks zalynyń ashylýyna tikeleı ózi uıytqy boldy. Jambyldyq sportshylar men jan­kúıer­lerdiń bıylǵy basty qýanysh­tarynyń biri  Taraz qalasyndaǵy «Báı­terek» shaǵyn aýdanynan boı kóteretin Sport saraıy qurylysynyń bastalýy boldy desek qatelespeımiz. Búginde ondaǵy qurylys jumysyn «Qulager» kompanııasy qarqyndy júrgizip jatyr. Atalmysh sport saraıynda jalpy dene shynyqtyrý jáne atletıka daıyndyǵy, sporttyq-baldyq bı, sport oıyndary: boks, voleıbol, basketbol, mını-fýtbol, tennıs, sporttyq basseın sııaqty taǵy basqa kóptegen sport túrleri bolady. Ár sport túriniń óz jattyǵý zaly qarastyrylǵan. Qudaı qalasa, zaman talabyna saı sáýletpen salynyp jatqan sport saraıynyń qurylys ju­mysy 2013 jyly aıaqtalyp, ol óńir­degi sporttyq oqý-jattyǵý jumystarynyń sapasyn arttyryp, oblys sportshy­laryn álemdik dodalarda jańa qyry­nan tanyta bastaıdy dep kútilýde. Oblystaǵy sporttyq is-sharalarǵa demeýshi bolyp, ıgilikti isti uıymdas­tyrýdyń basy-qasynda júrgen azamattar da barshylyq. Sonyń  biri – Álim­bek Ju­mabaev. Ol 2007 jyldan beri erkin kúresten respýblıkalyq týrnır ótkizip, onyń barlyq qarjysyn ózi kóterip keledi. Kórnekti memleket jáne qoǵam qaı­ratkeri D.A.Qonaev júldesi­ne arnalǵan bul týrnır respýblıkalyq jyldyq ja­rys josparyna engizilgen. Bul jarysqa Astana, Almaty qalalary men elimizdiń barlyq oblystarynyń balǵyn balýan­dary qatysady. «Jas óspeı me, kókeıiń­di tespeı me» degen, týrnır reıtıngi men bedeli balýandar jeńisiniń arqasynda á degennen-aq óse tústi. Mysaly, 2008 jyly 1992-1994 jyly týǵan jasóspirim balýandar ara­synda ótkizilgen týrnır - halyqaralyq «Azııa balalary» oıyn­da­ry­na irikteý jarysy retinde tańdaldy. Tańdaý durys bolypty. Tórt jylda bir ret ótkiziletin halyqaralyq «Azııa bala­lary» oıyndaryna Jambyl oblysy­nan 4 oqýshy-balýan el qurama koman­da­sy sapynda qatysyp, Meıirjan Áshirov – birinshi, Túgeljan Shilenov – ekinshi já­ne Ernazar Toqsanbaev  úshin­shi oryndy oljalap oraldy. Qýanyshtysy sol, kásipker-mesenat Álimbek Ásembekulynyń bastamasy­men uıymdastyrylǵan D.A.Qonaevtyń júl­de­si­ne arnalǵan respýblıkalyq ja­rys­tyń jeńimpazdary men júlde­ger­leri ulttyq komanda sapynda turaqty beldese bastady. Olar el komandasy sapynda Azııa, álem birinshilikterine de qatysyp qaıtty. Mysaly, Muhamed­jan Seısenbaev 2008 jyly Tashkent qa­la­synda ót­ken Azııa birinshiliginiń qola júldesin qan­jyǵasyna baılasa, al 2010 jyly Taıland astanasy Bangkog qalasynda ótken Azııa chem­pıo­na­tyn­da Baqtııar Sul­tan­bekov kúmis júl­dege ıe boldy. Bıyl Indonezııanyń Djakarta qalasynda ótken Azııa birin­shiliginiń taǵy bir kúmis júldesin jas balýan Meıirjan Áshirov alyp keldi. Sondaı-aq, Býhareste ótken jastar arasyndaǵy álem birinshiligine qatysqan Nursultan Naızabekov te kúmis júldemen oraldy. Aıta bersek, oblys ákimi basshy, ká­sipkerler qosshy bolyp uıymdas­tarǵan týrnırdiń bergeninen áli bereri kóp. Munyń bári memleketimizdiń, onyń ishinde oblystyń dene shynyqtyrý men sport salasyna qosylǵan qomaqty úles bolyp tabylary sózsiz. Kósemáli SÁTTIBAIULY. Jambyl oblysy.