El mereıi – ortaq mereı

Qazaq sportynyń qoldaýshylary degende oıǵa birden orala ketetin azamat – belgili kásipker, bokstan sport sheberligine úmitker, mesenat Baýyrjan Ospanov. San-salaly sporttyń bir tarmaǵy, jekpe-jek ónerine qoldaýshy bolyp júrgen osy azamattyń aıtqandaryn nazarlaryńyzǵa usynyp otyrmyz. Eń alǵash qazaq sportyna kóńil bólýdi 1997-98 jyldary aýylda bokstan, dzıýdodan, sport seksııalaryn uıymdas­tyrý­dan bastadym dep aıtsam, jańy­lys­pas edim. Oıym – qa­zaqtyń qara­do­malaq ul-qyz­dary jaman jol­ǵa túsip ketpesin, ár kúnin maǵy­naly, mándi ótkizsin degen nıet edi. Eki qolyn aldyna syıǵyza almaı júrgen aýyl jastary sportpen shuǵyldanyp, ózderin tár­bıeleýdi, qıyndyqtarmen kú­re­se bilýdi úırendi. Qazir sol aýyldan shyq­­qan jas sportshylar sapynda elimiz ulttyq quramasyna úmitker Jánibek Álim­h­anov sekildi jas órender ósip keledi. Dzıýdodan A.Shyńǵyshanova, A.Qalı­janova sekildi balýan qyzdarymyz bar. Jastar arasynda osy eki jekpe-jek túrinen de respýblıka chem­pıon­dary jeterlik. Odan beride aýyl spor­tyn damytý maqsatymen on jyl boıyna «Aýyl spartakıadasyn» ót­kizýge «Jer-Sý» kor­porasııasy muryndyq boldy. Kúni bú­ginge deıin Almaty oblysy, Alakól aýdany­na qarasty Oıjaılaý aýy­lyn­da Ulttyq at sportynyń oıyn­daryn turaqty ótkizip turamyz. Byltyr ǵana tusaýy kesilip, kópshi­lik­tiń paıdalanýyna berilgen sport kesheni búgingi zamanǵa saı barlyq sport­tyq qu­ral-jabdyqtarmen jaraq­tal­ǵan. Bizdiń korporasııa sol sport kesheninde qyzmet etetin sport maman­daryna jal­aqy tólep qana qoımaı, ǵıma­rattyń bar­lyq shyǵy­ny men túrli ja­rystarǵa qatysý má­se­le­lerin qamta­masyz etedi. Odan ózge, Al­matyda bola­shaq­ta Boks aka­demııa­sy­nyń qurylysy bas­ta­lady, soǵan da atsalysý oıymyzda bar. Elimizdiń mereıin ústem etetin Naýryz sekildi ar­naýly jalpyulttyq mere­kelerde boks pen dzıýdodan respýblı­ka­lyq jarys­tar ótkizip turýdy ádetke a­ı­naldyrdyq. Saıystyń ótýi men qonaq­tardy kútip alý, shyǵaryp salý, olardyń árqaısysyna meseli qaıtpasyn dep syılyq taǵaıyndaý – osynyń bári, qarap otyrsańyz, qyrýar sharýa eken. Tek, aıtýǵa ǵana jeńil. Aýyldan túlep ushqan jas sportshy­larymyzdyń rýhy tasysyn dep Taldy­qorǵan qalasynda Bakýdegi álem chempıo­naty qarsańynda bokstan halyqaralyq jarys ótkizdik. Oǵan Ázerbaıjan, Kýba, Qazaqstan quramasy men Almaty obly­sy­nyń qurama komandasy qatysty. Kýbalyq qonaqtardyń júrý-turý shyǵyndaryn, kelý-ketý, ishim-jemin túgeldeı bizdiń korporasııa kóterip aldy. Kezinde Marat Mázimbaevtyń barlyq shyǵynyn «Jer-Sý» korporasııasy jy­myn bildirmeı jaıǵastyryp turdy. Al ol de­geni­ńiz, az qarajat emes. Mázim­baevqa shet elden myqty tájirıbesi bar jattyqtyrý­shylar shaqyrtý kerek. Myq­ty dáriger kerek, dári-dármek, kıim-keshek, alys-jaqyn elderge jasaıtyn sport­tyq kezdesý sapar­laryn qarjylan­dyrý kerek. Tize berseńiz, kózge kórinbeı­tin shyǵyndary bar, edáýir qarjyny táýekel etýge týra keledi. Qazir shúkirshi­lik, Mázimbaevtyń promoýterlik kompa­nııa­symen birlesip kásibı bokstan halyqaralyq dárejedegi jarystar uıym­dastyryp turamyz. «Jer-Sý» sportpen tynysy keńip otyrǵan korporasııa deýge bolady. Keń­se­mizde trenajerlik zal, kúres kilemi men boks jabdyqtary saqadaı-saı. Qalaǵan ýaqyty­ńyz­da, kóńilińiz soqqan kezde kiresiz de, eti­ńiz qyzǵansha dene eńbegimen aınalysasyz. Jyl saıyn Naýryz merekesine oraı kor­porasııaishilik sport oıyndary ótki­ziledi. «Jer-Sý» korporasııasy tek jek­pe-jek ónerine ǵana emes, sporttyń basqa da túrlerine qoldaý kórsetip keledi. Máselen, 2002-2007 jyldar aralyǵynda biz shaǵyn fýtboldan halyqaralyq jarys ótkizdik. Kórshiles Qyrǵyzstan men О́zbekstannan kelgen komandalar «Jer-Sý» korporasııa­synyń syılyǵy úshin baqtaryn az synaǵan joq. Tipti, bir joly Máskeý qalasynda Naýryz mereke­siniń qurmetine qazaqstandyq fırmalar arasynda «Jer-Sý» korpora­sııa­synyń júldesi úshin este qalarlyq oıyn ótkiz­genbiz. Bokstan basqa, erejesiz jekpe-jek óneri arqyly qazaqtyń týyn kókke jelbiretip júrgen aǵaıyndy Nazarov­tar­ǵa da qoldaý kórsetip turamyz. 2009 jyly Amerıkanyń Hıýston qalasynda kásipqoı boks pen erejesiz jekpe-jekten iri jarys ótkizdik. Ol da óz aldyna bir tóbe áńgime... Jazyp alǵan Qanat ESKENDIR. Almaty.