Tótenshe jaǵdaıǵa ázirlik qalaı?

El Táýelsizdiginiń 20 jyldyǵyn ótkizýge oraı keshe Tótenshe jaǵdaılar mınıstri V.Bojkonyń tóraǵa­ly­ǵy­men qalalar jáne aýdandar tótenshe jaǵdaılar basqarmalary (bólimderi) bastyqta­rymen respýblıkalyq semınar-keńes ótti. Semınarǵa mınıstrlik basshy­ly­ǵy, TJM vedomstvolary, vedom­stvo­lyq baǵynysty uıymdardyń bas­­shy­lyq quramy jáne 250-den asa res­pýblıkanyń barlyq óńir­leriniń tó­tenshe jaǵdaılar departamentteri, bas­qarma jáne bólim bastyqtary, son­daı-aq Qaýipsizdik keńesi hatshy­sy­nyń orynbasary – Qaýipsizdik Ke­ńesi hatshylyǵynyń meńgerýshisi Q. Jan­byrshın, Bas Prokýrordyń birin­shi orynbasary I.Merkel qatysty. V.Bojko semınar-keńesti asha oty­­­ryp, 2011 jyl Qazaqstan aza­mat­ta­ry úshin mańyzdy bolyp ta­byla­tyn­dyǵyn, elimizdiń táýe­l­siz­digine 20 jyl tolatynyn atap ótti. Mınıstr Elbasynyń «Bolasha­q­tyń irgesin birge qalaıyq!» Jol­daýynda aıtylǵan Qazaqstannyń táýelsizdik jyldary qol jetkizilgen jetistikterine, son­daı-aq mınıstrlik aldynda turǵan basty mindetter men iske asyrylǵan iri jobalarǵa toqtaldy. Olardyń qa­ta­rynda – Almaty taý etegindegi Medeý shatqalyndaǵy selge qarsy bó­get, Ońtústik Qazaqstan oblysyn­da Syr­darııa ózenindegi sý tas­qy­nyna qarsy Kóksaraı rettegishi ke­sheniniń qury­lysy, «Astana qa­la­syn Esil ózeni sýynyń basyp ketý qaýpinen saqtaý» kesheni, Shýche-Býrabaı kýrortty aı­ma­ǵyndaǵy za­man talaptaryna saı úsh órt de­posy, Astana qalasyndaǵy TJM sport kesheni tárizdi jobalar bar. Mınıstr óz sózinde sońǵy eki jylda respýblıka aýmaǵynda bol­ǵan tótenshe jaǵdaılarǵa taldaý jasady, tótenshe jaǵdaılar qala­lyq jáne aýdandyq bólimsheler­diń, apattyq-qutqarý kúshteri men quraldarynyń áreketterine naqty baǵa berdi. V.Bojko sóziniń sońyn­da qazirgi tańda mınıstrlik aldyn­da turǵan mindetterge de toqtalyp ótti. Negizgi maq­sat – Qazaqstan Res­pýblıkasynyń 2020 jylǵa deıingi strategııalyq damý jos­pary boıyn­sha jeke tulǵa men qoǵam­nyń qaýip­siz­digin qamtamasyz etý, tehnogendik apattar jáne dúleı zil­­zala zardaptaryn bol­dyr­maý já­ne  tómendetý boı­yn­sha jaǵdaı jasaý. Semınar-keńes barysynda Aza­mat­tyq qorǵanys, tótenshe jaǵdaı­lar­dyń aldyn alý men joıý máse­le­leri, oqý-jattyǵýlardy uıym­das­­ty­rý, órt jáne ónerkásipti ba­qy­laý, TJ tý­yn­daǵanda shekaralas jatqan kórshi eldermen áreket etý barysy talqyǵa tústi. Sondaı-aq semınar-keńes aıa­syn­da Tótenshe jaǵdaılar mınıstrligi bó­lim­shelerinde turǵan zamanaýı tehnı­kalardyń jáne órt-qol­danbaly spor­tynan Ulttyq qura­ma­nyń kórsetilimi ótti, dep habar­la­dy TJM baspasóz qyzmeti.