Mıssııa delegasııasymen júzdesý

Keshe Parlament Májilisiniń Tóraǵasy Oral Muhamedja­nov TMD Parlamentaralyq Assambleıasynyń baıqaýshylar mıs­sııasy delegasııasyn qabyldady. Palata Tóraǵasy TMD Parla­mentaralyq Assambleıasy baı­qaý­shylar mıssııasynyń múshe­le­rin jyly shyraımen qarsy alyp, Qazaqstan Respýblıkasy Parlamenti Senatynyń depýtattaryn saılaý úderisine baıqaýshy retinde qatysyp otyrǵandaryna rı­za­shylyǵyn bildirdi. О́z kezeginde atalǵan mıs­sııa­nyń ókili – Reseı Federasııasy Federaldy Jınalysy Federasııa Keńesiniń TMD isteri jó­nindegi komıtetiniń múshesi Vadım Gýstov Qazaqstandaǵy saılaý naýqanynyń uıymdas­ty­ry­lýy týraly oń kózqarasyn jetkize kelip, Májilis Tóraǵasyna Par­lament Senatynyń depý­tat­ta­ryn saılaýǵa ázirlikti zerdelep, bir aı ishinde daıyndalǵan sarapshy toptyń esebin tabys etti. «Qazaqstanda saılaý júıesi jolǵa qoıylǵan», – dep atap ótti V.Gýstov. Májilis Tóraǵasy bıyl kók­temde bolǵan Qazaqstan Respýb­lı­kasy Prezıdentiniń kezekten tys saılaýyna daıyndyq barysy men ótkizilgeni jóninde TMD baı­qaýshylar mıssııasynyń shy­ǵar­ǵan qorytyndysynda ádil baǵalanǵany úshin rızashylyǵyn jetkizdi. Kezdesý barysynda parlamenttik saılaý úderisi saıası tu­raqty jaǵdaıda, Qazaqstandaǵy áleýmettik-ekonomıkalyq bir qa­lyp­ty deńgeıde ótip jatqany áń­gime boldy. Al saılaý týraly zań­nama saılaý úderisiniń ashyq túrde ótýin qamtamasyz etedi. Oral Muhamedjanov Máji­lis­tiń qyzmeti jóninde aıta kelip, álemdik qarjy daǵdary­sy­nyń yqpalyn azaıtyp, el eko­no­mıkasynyń turaqtylyǵyn saq­taý­da Parlamenttiń úlken ról at­qarǵanyn tilge tıek etti. Osy oraıda daǵdarystyń aldyn alý baǵytynda ekonomıkalyq qaty­nas­tardy, salyq salý men áleý­mettik qamtamasyz etý júıesin jaqsartýdy kózdeıtin zańdar top­tamasy der kezinde qabyl­da­n­ǵa­nyn atap ótti. Energııa kóz­de­rin únemdeýge jáne sý re­sýrs­taryn tıimdi paıdalanýǵa negiz bolatyn zańdar ómirge keldi, dedi Májilis Tóraǵasy. Búgingi tańda Májilis depýtattary Qazaq­stan­nyń 2020 jylǵa deıingi kezeńdi qamtıtyn údemeli ınnovasııalyq ındýstrııalandyrý baǵdarlama­syn zańnamalyq qamtamasyz etý máselesine basymdyq berip otyr. Kezdesýde parlamentaralyq yntymaqtastyqty damytýdyń jol­dary, TMD PAA sheńberinde negizinen saıası, ekonomıkalyq, má­denı-gýmanıtarlyq yntymaq­tas­tyqqa baǵyttalǵan ózara yq­pal­dastyqty arttyrý máseleleri sóz boldy. Sonymen qatar, taraptar Qazaqstannyń syrtqy saıa­saty, kórshi eldermen qarym-qa­tynasy týraly oılarymen bó­listi. Aıtalyq, elimizdiń stra­te­gııal­yq áriptesi – Reseı Federa­sııa­symen aradaǵy saýda-ekono­mı­kalyq, mádenı-gýmanıtarlyq baı­lanys turaqty damyp keledi. Qa­zaqstannyń syrtqy saýda aına­ly­mynyń 20 paıyzdaı úlesin Reseı qurap otyr. 2010 jyldyń qory­tyn­dysy boıynsha eki el ara­syn­daǵy saýda aınalymy 17,4 mlrd. AQSh dollaryna teń boldy (eks­port – 5,4 mlrd. AQSh dollary, ımport 12 mlrd. AQSh dollary). Bul jerde Keden odaǵy sheń­berindegi saýda aınalymy boı­yn­sha 2010 jyldyń ekinshi jar­ty jyldyǵyndaǵy málimet esepke alynǵan. Al 2011 jyldyń birinshi jarty jyldyǵynda qos memleket arasyndaǵy saýda aı­na­lymy 11,2 mlrd. AQSh dollaryn qurady, bul ótken jyldyń osy kezeńimen salystyrǵanda 44,5 paıyzǵa ósip otyr. Qazaqstan men Qyrǵyz Res­pýb­lıkasy arasyndaǵy qarym-qatynas ta oń úrdispen damýda. 2010 jyly eki el arasyndaǵy saýda aınalymy 589,9 mln. AQSh dollaryn qurady, onyń ishinde eksport 424,2 mln. dollar, ımport 165,7 mln. dollar. Ústi­miz­degi jyldyń birinshi jarty jyldyǵynda saýda aınalymy 300 mln. 821 myń AQSh dollary kóleminde boldy. Májilis Tóraǵasy meımandarǵa Reseı men Qyrǵyz Respýblıka­syn­da aldaǵy ýaqytta bolatyn prezıdenttik jáne parlamenttik saılaý­lar­dyń tabysty ótýine tilektestigin bildirdi. «Egemen-aqparat».