Musylman elderi Somalıge qol sozdy

Ústimizdegi jyldyń 28 shildesinde Túrkııanyń Ystambul qalasynda IYU Bas hatshysynyń bastamasymen Somalıdegi ahýaldy qaraý maqsatynda Islam gýmanıtarlyq uıymdary men qorlary ókilderiniń kezdesýi ótken bolatyn. Kezdesýde Somalıge jáne ıslam áleminiń ózge de muqtaj elderine kómek kórsetý úshin IYU-nyń gýmanıtarlyq koalısııasyn qurý týraly sheshim qabyldanǵan edi. Koalısııanyń qurylýyna IYU-nyń qazirgi sátte Somalıge tikeleı elde gýmanıtarlyq kómek bere alatyn birden-bir uıym ekendigi sebepker boldy. «Ál Sha­bab» áskerı qurylymy ózde­ri­niń qol astyndaǵy aýmaqqa mu­sylman emes gýmanıtarlyq uı­ym­dardyń enýine jol bermeı otyr. BUU agenttigi men batys­tyq qaıyrym­dylyq qorlary mun­daı jaǵdaıda Somalıden shyq­qan bosqyndarǵa kómekti kórshi elderde, atap aıt­qanda, ýaqytsha bosqyndar lageri ornalasqan Kenııada ǵana kór­se­týmen shektelýge májbúr bolyp otyr. Musylman qorlary sarapshy­la­rynyń dalalyq mıssııalary­nyń baǵalaýynsha, qazirgi ýaqyt­ta Somalıde 3 mıllıonnan astam adamǵa ashtyq ajaly tónip tur. Kezdesýge qatysýshylar IYU-nyń taıaýdaǵy 3 aıǵa arnalǵan shu­ǵyl gýmanıtarlyq kómeginiń bıýdjetin 29 mln. dollar dep belgiledi. Qazirgi kezde Somalıge Saýd Arabııasy 60 mln. dollar, Túr­kııa 37,7 mln. dollar (kómek), Iran 25 mln. dollar, Kýveıt 10 mln. dollar jáne Sýdan 100 myń dollar kómek beretindikterin málimdedi. Ystambul kezdesýiniń qory­tyn­dy deklarasııasynda IYU-ǵa múshe memleketterge Ramazan aıy kezeńinde Somalıge jáne gýma­nı­tarlyq daǵdarysty bastan keship jatqan IYU-nyń ózge de elderine qaıyrymdylyq kómek kór­se­tý­ge bastamashy bolýǵa úndeý tastalǵan. 17 tamyz kúni Ystambul qa­la­synda IYU Atqarý komıtetiniń Somalıdegi gýmanıtarlyq daǵda­rys­qa jáne IYU qoldaýymen ony tez arada joıýǵa baǵyttalǵan birlesken is-sharalarǵa arnalǵan shu­ǵyl mınıstrlik otyrysy bolyp ótti. IYU SIMK Tóraǵasy – QR Syrtqy ister mınıstri E.Qazy­hanovtyń tóraǵalyǵymen ótken oty­rysqa Somalı Prezıdenti Sh.Ahmed, Túrkııa Premer-mınıstri R.Er­do­ǵan, IYU Bas hat­shysy E.Ih­san­oǵlý, Uıymǵa mú­she memleketter mınıstrleri qatysty. IYU Somalıge neǵurlym kókeıkesti 4 problemany – azyq-túlik qaýipsizdigin qamtamasyz etý, densaýlyq saqtaý, aýyz sý jáne ekonomıkany shuǵyl qalpy­na keltirýge baǵyttalǵan 150 mln. AQSh dollary kólemindegi arnaıy kómek baǵdarlamasyn ázirledi. Kezdesý nátıjesinde Atqarý komıtetiniń otyrysyna qatysý­shy­lar Qorytyndy kommıýnıke qabyldady. Ystambul kezdesýi Somalıge IYU-ǵa múshe memleketter tarapynan gýmanıtarlyq jáne qarjylyq kómekti aıtar­lyq­taı dárejede jumyldyrýǵa jaǵdaı jasap, Uıymnyń Arnaý­ly kómek baǵdarlamasyn resýrstarmen qamtamasyz etedi dep kútilýde. О́z kezeginde Qazaqstan óziniń IYU SIMK-ge tóraǵalyǵyn eskere otyryp jáne barlyq musylmandar úshin qasıetti Ramazan aıynda Somalı halqyna gýmanıtarlyq kómek retinde 500 myń AQSh dollaryn bólý jóninde sheshim qabyldady. «Egemen-aqparat».