ÚKIMET "Egemen Qazaqstannyń" aptalyq qosymshasy
______________________________________________
Búgingi tańda elimizdiń aldynda turǵan eń ózekti máselelerdiń biri – jumyssyzdyq. Elimizde jumyssyz adamdar sany 2008 jyly 559 myń bolsa, 2010 jyly bul kórsetkish 6,9-5,5 paıyzǵa kóterildi. Sońǵy málimetterge súıensek, elimizde ózin ózi jumyspen qamtyǵandar 16,5 paıyzdy qurap otyr. Jasyratyny joq, bul kórsetkishtiń kóbi tapqandary ózderinen artylmaıtyn aýyl turǵyndary men zeınetkerler. Al, elimizde ózin ózi jumyspen qamtı almaı otyrǵandardyń sany da edáýir. Halqymyzdyń áleýeti jaqsarmaı, jumyssyzdardyń sany da azaımaı elimiz alǵa qaraı qaryshtap damı almaıtyny, ekonomıkamyzdyń kóterilmeıtini belgili. Elimizde kúnnen-kúnge kóbeıip kele jatqan jumyssyzdar sanyn qalaısha azaıtýǵa bolady? Mine, osyndaı saýaldarǵa jaýap izdep, túıtkildi túıinderdi sheshetin jańa baǵdarlama ómirge kelip, óz jumysyn bastap ta ketti.
Memleket basshysy N. Nazarbaevtyń «Bolashaqtyń irgesin birge qalaımyz!» atty Qazaqstan halqyna Joldaýynda eńbek rynogynyń tıimdiligin arttyrý, tabysy az adamdardy, jumyssyzdar men óz betinshe jumyspen aınalysýshylardy jumyspen nátıjeli qamtýǵa járdemdesýdiń belsendi baǵdarlamalaryna tartý mindetterin júktegen bolatyn. Osy turǵyda, jumyspen qamtýdyń belsendi saıasatyn júrgizý Úkimet qyzmetiniń negizgi áleýmettik basymdyqtarynyń biri bolyp tabylady. Osy maqsatqa qol jetkizý úshin Elbasynyń tikeleı tapsyrmasymen mańyzdy qujatta júktelgen mindetter negizinde «Jumyspen qamtý-2020» baǵdarlamasy qabyldanǵan bolatyn. Úkimet basshysy K.Másimov: «Osy baǵdarlama arqyly halyqty laıyqty eńbek ornymen qamtamasyz etý – halyqty áleýmettik qorǵaýdyń negizi. Osy arqyly adam resýrstary áleýetin damytý jáne iske asyrýdyń mańyzdy shartyn qurý, qoǵamdyq baılyqty arttyrý men ómir súrý sapasyn jaqsartýǵa tıispiz», – dep atap kórsetken edi. Atalmysh strategııalyq baǵdarlama aldaǵy on jyldyń ishinde birneshe baǵyttar boıynsha júzege asyrylmaq.
Negizinen aǵymdaǵy jyl – úsh baǵytty, úsh kezeńdi qamtıtyn strategııalyq baǵdarlamany júzege asyrýdyń ilki jyly retinde qarastyrylyp otyr. Iаǵnı, baǵdarlamany iske asyrýdyń tetikteri atqarylyp, onyń quqyqtyq qamtamasyz etilýi qarastyrylady. Osy maqsatqa bıýdjetten 40 mlrd. teńge jumsalmaq. Al aldaǵy jyldarǵa shamamen 100 mlrd. teńge qarastyrylady. Ekinshi kezeńi 2012-2015 jyldary, al úshinshi kezeńi 2016-2020 jyldary iske asyrylady.
Baǵdarlamanyń atalmysh úsh baǵytyna toqtalsaq, birinshi baǵyt – eńbek rynogyndaǵy ózin-ózi jumyspen qamtýshylardy, jumyssyzdardy, az qamtylǵan otbasylar múshelerin oqytý, olardy jumyspen qamtysa, ekinshi baǵytta kásipkerliktiń aýyldyq jerde damýyna járdemdesý júzege asyrylady. Al, úshinshi baǵyt eńbek resýrstarynyń jınaqylyǵyn arttyrýdy kózdeıdi.
Baǵdarlamanyń birinshi baǵytyna sáıkes, aldymen jergilikti ákimdikter deńgeıinde áleýetti qatysýshylar anyqtalatyn bolady. Sosyn olarmen áleýmettik kelisim-shart jasalady, onda azamattyń qaı baǵytty ıgerý múmkindigi, ebi saralanyp, odan soń sol adammen konsýltasııa jasalyp, oqý usynylady. Shákirtaqy men jol júrýge qajetti shyǵyndar qarastyrylady. Eń sońynda kelisim-sharttyń mindetti sharty retinde álgi azamat jumysqa ornalasady. Budan keıin, belgili bir kezeńge deıin jumys berýshimen qosymsha qarjylandyrý týraly shart jasalady.
Baǵdarlamanyń maqsaty – ózin ózi jumyspen qamtyǵandardy, jumyssyzdardy jáne áleýmettik jaǵynan az qamtylǵan halyqty tabysty ekonomıkalyq eńbekke tartý, ındýstrııalandyrý baǵdarlamasyn iske asyrý jolynda kadrlyq áleýetti arttyrý. Baǵdarlama birinshi kezekte turǵylyqty jeri boıynsha daıyndyqtan ótkizýge, eńbekpen qamtýǵa, sondaı-aq azamattyń jeke isin uıymdastyrýǵa qoldaý kórsetýge arnalǵan.
Munymen qosa, baǵdarlamanyń ekinshi baǵytynda negizgi basymdyq jeke óz isin uıymdastyrý arqyly azamattardyń ekonomıkalyq belsendiligin arttyrýǵa arnalmaq. Osy oraıda keńes berý qyzmetteri, kásipkerlik negizderine oqytý, shaǵyn nesıeler berý, ınfraqurylymdy damytý sekildi qoldaý túrleri qamtylmaq.
Aýyldaǵy kásipkerlikti qoldaýdy kózdeıtin shaǵyn nesıeler qaıtarymdy negizde 5 jylǵa deıingi merzimge beriledi jáne onyń kólemi 3 mln. teńgeden aspaıdy.
Sonymen, atalǵan jańa strategııalyq baǵdarlama elimizde jumyssyzdyqty azaıtýdyń tıimdi tetigine aınalǵaly otyr.
Esen BAEV.
Búgingi tańda elimizdiń aldynda turǵan eń ózekti máselelerdiń biri – jumyssyzdyq. Elimizde jumyssyz adamdar sany 2008 jyly 559 myń bolsa, 2010 jyly bul kórsetkish 6,9-5,5 paıyzǵa kóterildi. Sońǵy málimetterge súıensek, elimizde ózin ózi jumyspen qamtyǵandar 16,5 paıyzdy qurap otyr. Jasyratyny joq, bul kórsetkishtiń kóbi tapqandary ózderinen artylmaıtyn aýyl turǵyndary men zeınetkerler. Al, elimizde ózin ózi jumyspen qamtı almaı otyrǵandardyń sany da edáýir. Halqymyzdyń áleýeti jaqsarmaı, jumyssyzdardyń sany da azaımaı elimiz alǵa qaraı qaryshtap damı almaıtyny, ekonomıkamyzdyń kóterilmeıtini belgili. Elimizde kúnnen-kúnge kóbeıip kele jatqan jumyssyzdar sanyn qalaısha azaıtýǵa bolady? Mine, osyndaı saýaldarǵa jaýap izdep, túıtkildi túıinderdi sheshetin jańa baǵdarlama ómirge kelip, óz jumysyn bastap ta ketti.
Memleket basshysy N. Nazarbaevtyń «Bolashaqtyń irgesin birge qalaımyz!» atty Qazaqstan halqyna Joldaýynda eńbek rynogynyń tıimdiligin arttyrý, tabysy az adamdardy, jumyssyzdar men óz betinshe jumyspen aınalysýshylardy jumyspen nátıjeli qamtýǵa járdemdesýdiń belsendi baǵdarlamalaryna tartý mindetterin júktegen bolatyn. Osy turǵyda, jumyspen qamtýdyń belsendi saıasatyn júrgizý Úkimet qyzmetiniń negizgi áleýmettik basymdyqtarynyń biri bolyp tabylady. Osy maqsatqa qol jetkizý úshin Elbasynyń tikeleı tapsyrmasymen mańyzdy qujatta júktelgen mindetter negizinde «Jumyspen qamtý-2020» baǵdarlamasy qabyldanǵan bolatyn. Úkimet basshysy K.Másimov: «Osy baǵdarlama arqyly halyqty laıyqty eńbek ornymen qamtamasyz etý – halyqty áleýmettik qorǵaýdyń negizi. Osy arqyly adam resýrstary áleýetin damytý jáne iske asyrýdyń mańyzdy shartyn qurý, qoǵamdyq baılyqty arttyrý men ómir súrý sapasyn jaqsartýǵa tıispiz», – dep atap kórsetken edi. Atalmysh strategııalyq baǵdarlama aldaǵy on jyldyń ishinde birneshe baǵyttar boıynsha júzege asyrylmaq.
Negizinen aǵymdaǵy jyl – úsh baǵytty, úsh kezeńdi qamtıtyn strategııalyq baǵdarlamany júzege asyrýdyń ilki jyly retinde qarastyrylyp otyr. Iаǵnı, baǵdarlamany iske asyrýdyń tetikteri atqarylyp, onyń quqyqtyq qamtamasyz etilýi qarastyrylady. Osy maqsatqa bıýdjetten 40 mlrd. teńge jumsalmaq. Al aldaǵy jyldarǵa shamamen 100 mlrd. teńge qarastyrylady. Ekinshi kezeńi 2012-2015 jyldary, al úshinshi kezeńi 2016-2020 jyldary iske asyrylady.
Baǵdarlamanyń atalmysh úsh baǵytyna toqtalsaq, birinshi baǵyt – eńbek rynogyndaǵy ózin-ózi jumyspen qamtýshylardy, jumyssyzdardy, az qamtylǵan otbasylar múshelerin oqytý, olardy jumyspen qamtysa, ekinshi baǵytta kásipkerliktiń aýyldyq jerde damýyna járdemdesý júzege asyrylady. Al, úshinshi baǵyt eńbek resýrstarynyń jınaqylyǵyn arttyrýdy kózdeıdi.
Baǵdarlamanyń birinshi baǵytyna sáıkes, aldymen jergilikti ákimdikter deńgeıinde áleýetti qatysýshylar anyqtalatyn bolady. Sosyn olarmen áleýmettik kelisim-shart jasalady, onda azamattyń qaı baǵytty ıgerý múmkindigi, ebi saralanyp, odan soń sol adammen konsýltasııa jasalyp, oqý usynylady. Shákirtaqy men jol júrýge qajetti shyǵyndar qarastyrylady. Eń sońynda kelisim-sharttyń mindetti sharty retinde álgi azamat jumysqa ornalasady. Budan keıin, belgili bir kezeńge deıin jumys berýshimen qosymsha qarjylandyrý týraly shart jasalady.
Baǵdarlamanyń maqsaty – ózin ózi jumyspen qamtyǵandardy, jumyssyzdardy jáne áleýmettik jaǵynan az qamtylǵan halyqty tabysty ekonomıkalyq eńbekke tartý, ındýstrııalandyrý baǵdarlamasyn iske asyrý jolynda kadrlyq áleýetti arttyrý. Baǵdarlama birinshi kezekte turǵylyqty jeri boıynsha daıyndyqtan ótkizýge, eńbekpen qamtýǵa, sondaı-aq azamattyń jeke isin uıymdastyrýǵa qoldaý kórsetýge arnalǵan.
Munymen qosa, baǵdarlamanyń ekinshi baǵytynda negizgi basymdyq jeke óz isin uıymdastyrý arqyly azamattardyń ekonomıkalyq belsendiligin arttyrýǵa arnalmaq. Osy oraıda keńes berý qyzmetteri, kásipkerlik negizderine oqytý, shaǵyn nesıeler berý, ınfraqurylymdy damytý sekildi qoldaý túrleri qamtylmaq.
Aýyldaǵy kásipkerlikti qoldaýdy kózdeıtin shaǵyn nesıeler qaıtarymdy negizde 5 jylǵa deıingi merzimge beriledi jáne onyń kólemi 3 mln. teńgeden aspaıdy.
Sonymen, atalǵan jańa strategııalyq baǵdarlama elimizde jumyssyzdyqty azaıtýdyń tıimdi tetigine aınalǵaly otyr.
Esen BAEV.
