Zań buzýshylyq faktileri tirkelgen joq

Keshe Ortalyq saılaý komıssııasynyń múshesi Marat Sársembaev baspasóz máslıhatynda Senat depýtattaryn saılaý úderisiniń ótýi jaıly baıandap berdi. Onyń aıtýynsha, keshe Astana ýaqy­ty boıynsha saǵat 12.30-ǵa deıingi máli­met­ter boıynsha, tańdaýshylardyń oty­ry­staryna 96,6 paıyz máslıhat depý­tattary qatysypty. О́ńirlerde tańdaý­shy­lardyń daýys berý sharasy júıeli ótken. «Oblystyq, Astana jáne Almaty qalalyq saılaý komıssııalary aldyn ala bergen málimetter boıynsha, kúndizgi ýaqytta 371 baıqaýshy tirkelip úlge­rip­ti. Olardyń ishinde Senat depýta­t­ty­ǵyna kandıdattardyń 33 senim bildirilgen adamy, shet memleketter men ha­lyq­aralyq uıymdardyń 52 baıqaý­shy­sy, saıası partııalardan 29 baıqaýshy, qoǵam­dyq uıymdardyń 32 baıqaýshysy elimiz­diń jáne sheteldik buqaralyq aqparat quraldarynyń 220 ókili boldy», dedi OSK múshesi. Onyń málimetinshe, tańdaýshylardyń otyrystary qalypty jaǵdaıda ótken. Saılaý zańnamasyn buzý faktileri tirkelmegen. Ortalyq saılaý komıs­sııa­sy­na, sondaı-aq Astana men Almaty qalalyq saılaý komıssııalaryna saılaý úderisine qatysýshylardan shaǵymdar men ótinishter túspegen. Ortalyq saılaý komıssııasynyń mú­shesi Tatıana Ohlopkova da áriptesin qýattady. Ol Parlament Senatynyń depýtattaryn saılaý kezinde saılaý zań­namasyn buzǵan eshqandaı faktilerdiń oryn almaǵanyn atap ótti. «Saılaý komıssııalaryna da, basqa da organdarǵa da saılaý úderisine qatysýshylar, azamattar, uıymdar tarapynan eshqandaı aryz-shaǵymdar kelip túspedi», dedi T.Ohlopkova. Láıla EDILQYZY.