Alǵashqy qorytyndylary shyǵaryldy

Keshe elimizdiń Ortalyq saılaý komıssııasynyń tór­aǵasy Qýandyq Turǵanqulov jýrnalısterge ar­nalǵan brıfıngte Parlament Senaty depýtattary saı­laýyndaǵy daýys berý úderisiniń bastapqy qory­tyndylaryn jarııalady. «Búgin Qazaqstan Prezıdentiniń Jarlyǵyna sáıkes, elimizdiń barlyq oblystarynda, sondaı-aq, Astana jáne Almaty qalalarynda Parlament Senatynyń 16 depýtatynyń saılaýy bolyp ótti. Daýys berý 39 kandıdatýra boıynsha júrgizildi. Barlyq óńirlerde saılaý ótkizilgen dep tanyldy. Barlyq jerde saılaýdyń nátıjeleri birinshi týrda aıqyndaldy», dedi Qýandyq Turǵanqulov. Ol óz sózinde oblystyq, Astana jáne Almaty qalalyq saılaý komıssııalarynyń jedel málimetteri boıynsha, tańdaýshylar tizimderine engizilgen máslıhattardyń 3283 depýtatynyń daýys berýge 96,6 paıyzy qatysqanyna toqtalyp ótti. Sondaı-aq, ol aldyn ala bekitilgen málimetterge sáıkes, daýys berýge qatysqan tańdaýshylardyń basym kópshilik daýysyn alǵan azamattardyń aty-jónin jarııa etti. Olar: Astana qalasy boıynsha Vladımır Redkokashın (91,7), Almaty qalasy boıynsha Aqan Bıjanov (88,2), Aqmola oblysy boıynsha Jabal Erǵalıev (84,6), Aqtóbe oblysy boıynsha Eleýsin Saǵyndyqov (90,8), Almaty oblysy boıynsha Lazzat Turlashov (94,3), Atyraý oblysy boıynsha Qaırat Ishanov (66,4), Shyǵys Qazaqstan oblysy boıynsha Talǵatbek Abaıdildın (89,7), Jambyl oblysy boıynsha Ertarǵyn Astaev (90,8), Batys Qazaqstan oblysy boıynsha Rashıt Ahmetov (86,9), Qaraǵandy oblysy boıynsha Serik Aqylbaı (94,6) , Qostanaı oblysy boıynsha Jeńis Nurǵalıev (92,4), Qyzylorda oblysy boıynsha Murat Muhamedov (81,3), Mańǵystaý oblysy boıynsha Baqtybaı Shelpekov (98,2), Pavlodar oblysy boıynsha Ashat Kúzekov (91,3), Soltústik Qazaqstan oblysy boıynsha Samat Eskendirov (82,5), Ońtústik Qazaqstan oblysy boıynsha Qýanysh Aıtahanov (81,9). Brıfıng barysynda OSK tóraǵasy daýys berý júıe­si­niń, sondaı-aq, barlyq saılaý rásimderiniń qalypty iskerlik jaǵdaıda, saılaý zańnamasyna sáıkes ótkizil­ge­nin jetkizdi. «Elimizdiń barlyq óńirlerinde daýys berý, daýys­tar­dy sanaý qorytyndylaryn shyǵarý barysyn baıqaýdy 52 halyqaralyq baıqaýshy, 10 sheteldik BAQ ókili, 99 kandıdattyń senim bildirilgen adamdary, elimizdiń saıası partııalary men qoǵamdyq birlestikteriniń baıqaýshylary, sondaı-aq, 210 otandyq mass-medıa ókilderi júzege asyrdy. Saılaý zańyn buzý faktilerine qatysty saılaý organdarynyń atyna ázirge kelip túsken shaǵym-ótinishter joq», dedi Qýandyq Turǵanqulov. Bir atap óterligi, daýys berý qorytyndylary týraly hattamalardy oblystyq, Astana jáne Almaty qalalyq saılaý komıssııalary Ortalyq saılaý komıssııasyna 20 tamyzdan keshiktirmeı jiberýi qajet. Saılaý zańnamasyna sáıkes, bul hattamalardyń málimetteri negizinde OSK 25 tamyzdan keshiktirmeı, saılaýdyń túpkilikti qorytyndylaryn anyqtaýdy jáne 28 tamyzdan keshiktirmeı, olar týraly habarlamany BAQ-ta jarııalaýy tıis. Láıla EDILQYZY.