«Meniń Qazaqstanym» poıyzy alǵashqy saparyn qorytyndylady

El Táýelsizdiginiń 20 jyldy­ǵy­na oraı halyqty án-jyrmen sýsyn­da­typ, turǵyn­darmen júzdesip, olar­ǵa zań­dyq keńester berý maq­satymen Astanadan shyqqan «Me­niń Qazaq­stanym» arnaıy poıyzy Shy­ǵys Qazaqstan oblysynyń Semeı qala­sy men Pavlodar obly­synyń Aqsý qa­larynda bolyp, óz saparyn aby­roı­men aıaqtady. Bul jerlerde de olar­­­dy jergilikti qo­naqjaı jurt­shy­­lyq asqan qur­metpen qarsy aldy. Poıyz Semeı vokzalyna kelgende kımeshek kıgen ájeler qa­zaqy dástúr boıynsha shashý sha­shyp, erekshe iltıpat kórsetse, «Abaı» jýrnalynyń bas redak­tory, aqyn Muratbek Ospanov qonaqtarǵa jyr arnady. Úgit-nasıhat poıyzyndaǵy ke­ńes berer sala ókilderi bul jerde de ózderiniń jumystaryn abyroı­men atqardy desek, jańylys­pas­pyz. Qo­ǵam­dyq qabyldaý­lardaǵy turǵyn­dar ótinishteri men usy­nys­tarynyń ár­qaı­sysyna yjda­ǵat­tylyqpen qarap, olarǵa baryn­sha túsinikti tilde jaýap berýdiń ońaı sharýa emes ekendigin eskersek, olarǵa alǵystan basqa ne aı­týǵa bolady. Al, halyqtyń kóńi­lin kóterip, bir mezgil serpilýlerine negiz bolatyn óner sańlaq­tary­nyń ornyn erekshe ataǵan jón. Shejirege toly kóne shahar Semeıdegi halyq belsendiligi kimdi de bolmasyn tańdandyrmaı qoı­maı­dy. Olardyń óner salasynyń qaı túrine de asqan qurmetpen qaraı­tyny qýan­tady. Máselen, qaladaǵy «Dastan» jáne «Eńlik- Kebek» kıno­teatr­larynda kórsetil­gen Rústem Ábdira­shev­tiń «Balalyq shaǵymnyń aspany» men Danııar Salamatovtyń «Báıterek» fılmderine kelgen jurttyń zaldarǵa syımaı, birazy syrtta turǵandy­ǵyn aıtsaq ta jetkilikti. «Qazaq­fılm» AQ qyzmet­keri Músilim Kúngúrov buryn- sońdy mundaı ıin tiresken halyqty kórmegenin aıtyp tamsandy. Keshkisin «Spartak» stadıonyn­da konsertke jınalǵan qala halqy men qo­naq­­tarynyń asa kóp bolýy tańda­nar­lyq­taı edi. Bul jaıynda óner tar­­lan­darynyń da rıza ekendikterin de aıtqan abzal. «Keshegi Aıagózdiń orta­lyq alańyna jınal­ǵan halyqta esep bolmady. Bul bir jaǵynan, ónerge degen el qurmeti desek, ekinshiden, Táýel­­sizdiktiń 20 jyldyǵyna degen qýa­nysh sezimi dep uqtym. Abaı, Shá­kárim, Muhtar syndy alyptardy ómir­­ge ákelgen qasıetti Semeı jerinde qoıǵan bul konsertke el yqy­la­sy­nyń erekshe bolǵany bizdi asa qýant­ty», – deıdi Halyq ártisi, Memlekettik syılyq­tyń laýreaty Altynbek Qo­razbaev. Sondaı-aq atal­­ǵan kon­sert­­te Nur­ǵalı Núsip­janov, Maıra Muham­med­qyzy, Maq­pal Júnisova, Sem­bek Jumaǵalıev sekildi áıgili ár­tis­termen qatar, ózge de esimi elimizge belgili ánshiler men «Álqıs­sa» fol­klorlyq ansambli jáne «Gúlder» án-bı ansambli qala tur­ǵyndary men qonaqtaryn ásem ánderimen sýsyndatty. Aqsý qalasy da qonaqtardy sal­tanatty jaǵdaıda kútip aldy. Qala ákiminiń mindetin atqarýshy Baltabaı Aqjanov arnaıy kelgen poıyz delegasııasyna rızashylyǵyn bildirdi. Bıyl buıyrtsa, qazan aıynda quryl­ǵanyna 50 jyl bolatyn Aq­sý qalasynda 40 myńdaı halyq tu­ra­tyn bolsa, jalpy, aýyldyq aı­maq­­tardy qosqanda 70 myńnan asyp jyǵylady eken. Taza da ásem shahar­dyń tynys-tirshiligi erekshe. Qala­da­ǵy ortalyq kóshelerdiń biri Astana dep atalady. Bul elordamy­z­dyń 10 jyldyq me­reı­toıyna oraı berilgenin aıtady qa­lany qonaqtarǵa tanystyrýshylar. Arnaıy sala mamandary qa­tysqan qoǵamdyq qabyl­daý­lar bul qalada da jaqsy deńgeı­de ót­ti. Turǵyndar ózderin tolǵan­dyr­ǵan má­se­lelerde birshama maǵ­lu­mat­tar­dan habardar bolǵandaryn aıtyp jatsa, mamandar da jur­shy­lyqtyń belsendilikteri joǵary bol­ǵandy­ǵyn jetkizdi. Osy kúni túske deıin de, tústen keıin de keńes su­raı kel­genderdiń qarasy mol bol­ǵa­nyn aıtady olar. Osy rette «Nur Otan» HDP Orta­lyq apparatynyń ar­naıy ókili, akademık Qazbek Qaz­kenovtiń qalalyq mádenıet úıinde ótkizgen arnaıy leksııa­syn jınal­ǵan­dardyń asqan qyzyǵýshy­lyqpen yqylas qoıa tyń­daǵanyn aıtpaı ketýge bolmas. Án men ánshini saǵynǵan qala tur­ǵyndary keshe keshke «Dos­tyq» sta­dıonynda óner sańlaq­tary­nyń konsertin tamashalap, erekshe kúıge bólendi. «Meniń Qazaqstanym» arnaıy poıyzy búgin Astanaǵa keledi. Ábdirahman QYDYRBEK. Sýretti túsirgen Quralaı ShERIIаZDANOVA.