Turǵyn úı: Derek pen dáıek

Onyń ishinde halyqtyń ózi­niń qarajatyna jalpy aýmaǵy 118,9 myń sharshy metr 864 turǵyn úı salynǵan. О́tken jyldyń osy kezeńimen salys­tyrǵanda 5,6 myń sharshy metr turǵyn úı artyq paıdalanýǵa berilip otyr. Osy kezeńde turǵyn úıler­men birge 220 oqýshylyq bir mektep, aýysymyna 120 adam qabyl­daıtyn 4 ambýlatorıı­lik-emhana­lyq mekeme iske qosyldy. Qury­lys salasynda tirkelgen zańdy tulǵalar 1967-ni qurap, byltyrǵa qaraǵanda 6,2 paıyzǵa ósken. 2011 jylǵy qańtar – shilde aıla­ryn­daǵy atqarylǵan qurylys ju­mys­­tarynyń jalpy kólemi 48,5 mıllıard teńge boldy.

Satybaldy SÁÝIRBAI, Aqtóbe oblysy.  

47 000 136 baý-baqsha seriktestigi osynsha saıajaı ýchaskelerin biriktirip otyr. Oblys saıajaıshylarynyń azyq-túlik qaýipsizdik beldeýine qosyp otyrǵan úlesi zor. 2010-2011 jyldarǵa arnalǵan baý-baqsha jáne saıajaı sha­rýa­shy­lyqtaryn damytý baǵdar­lamasy aıasynda bul baǵytta atqarylǵan sharýalar qyrýar. Búginde 47 myńǵa jýyq saıa­jaı­shynyń maqsat-múdde­sin or­taq arnaǵa jumyldyryp otyr­ǵan 136 baý-baqsha seriktestikteri kartop pen kók­ónis­ten oblys tur­ǵyndarynyń úsh­ten bir qaje­tin óteıdi. Saıajaılarǵa apara­tyn 17,5 sha­qyrym jol jón­de­lip, 3,5 shaqyrym sý jelisi tar­tyldy. Áleýmettik az qamtylǵan jandarǵa 742 jol júrý bıleti tegin taratylyp, bazarlarda 378 saýda orny jeńildikpen berildi. 12 baǵytta avtobýs marshrýty ashyldy.

О́mir ESQALI, Soltústik Qazaqstan oblysy.  

37 672 Bıylǵy jańa oqý jylynda Semeı óńiri boıynsha osynsha oqýshy mektep tabaldyryǵyn attaıdy dep kútilýde.  Soǵan oraı, qazirde óńir boı­ynsha «Mektepke jol» ak­sııasy qyzý ótip jatyr. Ási­re­se, jetim balalar men áleý­mettik jaǵynan qorǵalmaǵan otbasylar qatań esepke alyn­ǵan. Aksııa aıasynda olarǵa naq­tyly kómekter kórsetilýde. Qala men qalaǵa qarasty eldi mekenderdiń bárinde belgilengen keste boıynsha ár juma kúni mektep jármeńkesi ótkizilýde.

Dáýlet SEISENULY, Semeı.