Senattyń jańa depýtattary saılandy

Keshe Ortalyq saılaý komıssııa­sy­nyń músheleri Parlament Senaty de­pýtattary saılaýynyń tolyq qory­tyn­dysyn jarııa etip, tıisti qaýly qabyldady. 19 tamyzǵa Parlament Senaty depýtat­tarynyń saılaýyn taǵaıyndaý týraly Qa­zaqstan Respýblıkasy Prezıdentiniń Jar­lyǵyna sáıkes ótkizilgen saılaý jumys­tary­nyń qorytyndysymen tanystyrǵan Ortalyq saılaý komıssııasynyń tóraǵasy Qýandyq Turǵanqulov Parlament Senaty depýtattarynyń kezekti saılaýy ótkendigin atap kórsetti. «Elimizdiń Konstıtýsııasyna jáne «Saılaý týraly» Konstıtýsııalyq za­ńy­na sáıkes, Parlamenttiń joǵarǵy pala­tasyna 16 depýtat, ıaǵnı ár oblystan, Astana jáne Almaty qalalarynan bir-bir depýtattan saılandy. Qazaqstan Respýblı­ka­synyń Úkimeti jáne jergilikti atqarýshy organdar Elbasynyń uıymdastyrýshylyq, qarjylyq, materıaldyq-tehnıkalyq qamta­ma­syz etý jónindegi tapsyrmasyn ýaqy­tyn­da oryndady. Elektoraldyq naýqan bary­synda Senat depýtattyǵyna barlyǵy 96 úmitker usynyldy. 2008 jyly usynylǵan úmitkerler sany 88 bolatyn. Nátıjesinde, 39 adam Senat depýtattyǵyna kandıdat bo­lyp tirkeldi jáne olardyń aty-jónderi men tegi jasyryn daýys berý bıýlletenderine engizildi. 2008 jyly daýys 37 kan­dı­datqa berilgen bolatyn», – degen OSK tór­aǵasy tizimge engizilgen 3 myń 283 tańdaý­shynyń 3 myń 172-si nemese olardyń jal­py sanynyń 96,6 paıyzy daýys berýge qatysqanyn málim etti. 2008 jylǵy Senat saılaýynda 213 bıýlleten jaramsyz dep tanylsa, osy joly 26 saılaý bıýlleteni jaramsyz dep tanylypty. «Oblystyq, Astana jáne Almaty qalalyq saılaý komıssııalarynyń daýys­tar­dy sanaý nátıjeleri týraly hattamalar negizinde Qazaqstan Respýblıkasy Ortalyq saılaý komıssııasy 2011 jylǵy 19 tamyzda Parlament Senatynyń de­pýtattary bolyp Astana qalasynan Vladımır Redkokashın, Almaty qalasynan Aqan Bıjanov, Aqmola oblysynan Jabal Erǵalıev, Aqtóbe obly­synan Eleýsin Saǵyndyqov, Almaty obly­sy­nan Lázzat Turlashov, Atyraý oblysynan Qaırat Ishanov, Shyǵys Qazaqstan obly­sy­nan Talǵatbek Abaıdildın, Jambyl obly­sy­nan Ertarǵyn Astaev, Batys Qazaqstan ob­lysynan Rashıd Ahmetov, Qaraǵandy ob­lysynan Serik Aqylbaı, Qostanaı oblysynan Jeńis Nurǵalıev, Qyzylorda oblysynan Murat Muhamedov, Mań­ǵystaý oblysynan Baqtybaı Shelpekov, Pavlodar oblysynan Ashat Kúzekov, Sol­tústik Qazaqstan oblysynan Samat Eskendirov, Ońtústik Qazaqstan oblysynan Qýa­nysh Aıtahanov saılanǵanyn anyq­tady», – dedi Q.Turǵanqulov. OSK Tóraǵasy keltirgen derekter boıynsha, jańa saılanǵan Senat depý­tattarynyń ortasha jasy 50-den asady. Mamandyqtary boıynsha 7-ýi ınjener, 3-i ekonomıst, 1-i zańger, 5-i ózge maman­dyq ıeleri. Q.Turǵanqulov olardyń jeteýi qazirgi depýtattar ekenin, barlyq saılanǵan depýtattar «Nur Otan» HDP músheleri ekenin atap ótti. Jańadan saılanǵan Parlament Senaty­nyń depý­tattarynyń 6-y memlekettik organ­dar­dyń qyzmetkerleri, 2-i kom­mer­sııalyq qurylymdardyń ókilderi, al 1-i ýaqyt­sha jumyssyz. Anar TО́LEÝHANQYZY.