Aspandaǵy aıshyqtar

Jeksenbi kúni elordanyń «Jolaman» aerodro­mynda Kólik jáne kommýnıkasııa mı­nıstrliginiń «Memlekettik avıasııalyq orta­lyq» RMK-nyń 5 jyldyǵyna arnalǵan merekelik avıashoý ótti. Avıatorlar merekesine tuńǵysh ǵaryshker Toqtar Áýbákirov, Azamat­tyq avıasııa komıtetiniń tóraǵasy Rádilbek Ádımolda arnaıy qatysty. Atalmysh ortalyq Qazaqstan Respýb­lıka­synyń azamattyq avıasııasy men áýe qorǵanysy kúshterine mamandardy ázirleýmen shuǵyl­da­natyn uıymdar úshin ushqyshtardy al­ǵash­qy daıyn­dyq­tan ót­­­kizýdiń baza­syn qa­lyp­­tas­tyrý maq­sa­tyn­da qurylǵan edi. 5 jyl ishinde dári­ger­lik-ush­qyshtyq sarap­ta­ma­lyq ko­mıssııanyń qory­tyn­dysy boıyn­sha den­saýlyǵy jaǵy­nan ushýǵa jaramdy dep tanylǵan 16-18 jas aralyǵyndaǵy 275 kýrsant oqyp shyq­qan. Olardyń ishin­de 55-i áýesqoı-ush­qysh bolsa, 50 kýrsant avıasııalyq tehnık-mehanık mamandyǵyna beıimdelgen. Munda bilim berý tegin bolǵandyqtan qyzyǵýshylyq tanytyp kelgen jastardyń sany da jyl saıyn ósip keledi. Kýrsanttardyń avıashoý baǵdarlamasy aıa­syn­da parashıýtshiler men planerdiń ushý óneri, qoný dáldigine jáne qoný sapasyna kýrsant-ush­qyshtar, nusqaýshy-ushqyshtar arasynda irikteý jarystary ótkizildi. Sonymen qatar, 14-18 jas­taǵy kýrsanttar arasynda ótkizilgen avıasııany damytý tarıhy boıynsha suraq-jaýap saıysy da óte qyzyqty boldy. Jeńimpazdarǵa ushaqtarda ushýǵa múmkindik berildi. Ortalyqtyń oqytýshylyq, ushqyshtyq jáne ınjenerlik-tehnıkalyq quramy negizinen ofıserlerden turady. Ofıserlerdiń nusqaýshylyq jáne oqytýshylyq jumystaryndaǵy kásibılik­teri joǵary. Ortalyq basshylarynyń pikirlerine qara­ǵanda, bul jerde oqý úrdisi eki kezeńnen turady – teorııalyq kýrs jáne ushqyshtyq pen ón­diristik praktıka. Teorııalyq jáne praktıkalyq oqý úshin ortalyqtyń qajetti óndiristik bazasy, onyń ishinde, trenajerlik daıyndyq synyby bar oqytý kýrsy, «Jolaman» avıasııalyq alańy bar. «Jolaman» ushý-qoný alańy avıasııanyń asa jeńil ushaqtarynda oqý-jattyǵý ushýlaryn oryndaýǵa arnalǵan. Avıashoý barysynda kýrsanttar ushaqtarmen as­panda túrli áýe qı­myl­daryn jasap qa­na qoı­maı, parashıýtshiler men Robinson R44 tik­ushaǵyn meń­gergen­der áýeden asa sheberlikpen sekirip jınal­ǵan qaýymdy tánti etti. Jas kýrsant­tar­dyń sheberlikterin kór­gen halqymyzdan shyqqan tuńǵysh ǵa­rysh­ker, Ke­ńes Odaǵynyń Batyry, Ha­lyq Qaharmany Toqtar Áýbákirov jastardyń óte tamasha óner kórsetkenin tilge tıek ete kele: «Men kópti kórgen adammyn. Jastardyń mundaı talanttary shynymen de adamdy jigerlendiredi. Maǵan óte unady. Men osy jigitterge rahmet aıtqym keledi. Qarap otyrsań, sondaı qıyn temirdi bizdiń kishkentaı ǵana ul-qyzdarymyz ıgerip otyr ǵoı. Talaby mol jastardy kórgende eliń úshin, Otanyń úshin kádimgideı qýanyp qalasyń. Elimizdiń erteńi osy jastar. Solardyń qanat­tary qataıyp óse berse eken deımin», dep jastarǵa óziniń aq tilegin arnady. Memlekettik avıasııalyq ortalyqtyń qyz­met­ker­leri Qazaqstannyń qyz-jigitterin ushqysh­tar oqýy­na shaqyrady. Oqý tegin, tek myqty densaýlyq qajet. Araı ÚIRENIShBEKQYZY.