Uly Otan soǵysynyń adam balasyna salǵan jarasy az emes. Talaı bozdaqtarymyz qan maıdannan oralmady. Oq pen ottyń ortasynda júrip, otan úshin keýdesin oqqa tosqan azamattarymyz osy Uly Jeńis kúnin asyǵa kútti.
«Mereke qutty bolsyn qaraqtarym! Iá, biz kórgen qıynshylyqty qazir ósip kele jatqan órenderimiz kórmesin! Úkimetimiz qazir bizdi qurmettep, elep eskerip barlyq jaǵdaıymyzdy jasap jatyr. El qorǵany bolar, otanyna adal, bilekti de bilimdi azamattardy tárbıeleı bereıik», - deıdi tyl ardageri Keńes Tyhemet.
«Qazaq elin merekelerińizben quttyqtaımyn! Keshegi batyr babalarymyzdyń erligi búgingi beıbit mamyrajaı tirshiligimizdiń jemisi. Soǵys ardagerlerine basymyzdy ıip, taǵzym etemiz. Qazaq kóginde beıbitshilik týy máńgi jelbireı bersin», - dedi akter, Ádil Ahmetov.
Sondaı-aq merekelik keshtiń sońynda Astana qalasy ákimi Aset Isekeshevtiń atynan yqylas gúli tartý etildi.
Aıman MUQYShEVA
