Jumysymyzdyń bastalý ýaqyty ózgere me?

Astana ákimdiginde qala tur­ǵyndary úshin jumys bastalar ýaqyttyń jańa kestesi jarııa etildi. «Jumys ýaqytynyń jyl­­­­jy­maly kestesi – kepte­lek­­­­ter­di boldyrmaýdyń utym­dy tásil­deriniń biri. Eger As­tana qalasynyń ákimdi­gi keı­bir mekemelerdiń ju­mys ýaqy­tyn 10-15 mınýt ara­ly­­ǵyn­da ózgertse, bul biz­diń kep­te­lekterde turý ýaqy­ty­myz­dy aıtarlyqtaı azaıtýǵa múm­kindik beredi. Iаǵnı, bu­dan tıim­dilik aıtarlyqtaı arta­dy», – dedi mınıstr tele­baǵdar­lamada. 

Sondaı-aq, D.Abaev qala­lyq­tardy Astana ákimdiginiń bastamasyn qoldaýǵa shaqyrdy. «Men Prezıdenttiń baspasóz hatshysy bolǵan tusta biz álemniń kóptegen elinde bol­dyq. Barlyq jerde bul tájirıbe bar: Tokıoda da, Berlınde de. Men Gollandııa jumysshylary tańǵy 6-dan kúndizgi 3-ke de­ıin jumys isteıtinin naqty bile­min. Sóıtip, olar saǵat 3-te ju­mys­tarynan bosap, kúni boı­ǵy erkindikke shyǵady», – dep qo­rytty sózin vedomstvo basshysy. 

Aldaǵy 1 maýsymnan bas­tap elordanyń kóptegen tur­ǵyn­dary úshin jumys keste­si óz­gerýi múmkin ekenin atap ót­ken jón. Bul jańalyq EKSPO-2017 qarsańynda elor­da joldaryndaǵy júktemeni azaıtý úshin de engizilgeli otyr. 

Máselen, qurylys uıym­dary jumysynyń bas­talýyn qazirgi 09.00-den 07.00-ge, qala kommýnaldyq qyzmetin óner­kásip jáne kásiporyn sek­tor­lary uıymdarymen birge 09.00-den 07.30-ǵa, Halyqqa qyzmet kórsetý ortalyqtaryn Qarjy ınstıtýttarymen birge 09.00-den 10.00-ge, saýda, oıyn-saýyq uıymdaryn 10.00-den 10.30-ǵa, sondaı-aq, ulttyq kompanııalardy 09.00-den 09.30-ǵa aýystyrý usynylyp otyr. 
Sonymen qatar, jumys keste­sin mindetti túrde ózger­týge respýblıkalyq basqarý organdary, jergilikti basqarý organdary, bilim berý meke­me­leri (kolledjder men JOO-lar) jatady. Máselen, aldyń­ǵylary jumystarynyń bastalý ýaqytyn 09.00-den 09.30-ǵa aýystyrsa, keıingileri 09.00-den 08.30-ǵa ilgeri jyljytady. 

Kelissózder qorytyndysyna túsinik berdi

D.Abaev Sırııadaǵy ahýal­dy retteý boıynsha júzege asy­rylyp kele jatqan Astana prosesi janjaldasýshy tarap­­tardy bir-birin estýge ıter­meleıdi degen úmit bildirdi. «Biz Sırııada tolyq aýqymdy soǵys júrip jatqanyn kóz aldymyzǵa elestetip kórýge tıispiz. Al Astana prosesiniń júzege asyrylýy, oǵan dala komandırleriniń qatysýy alǵa qaraı ilgerileýshiliktiń bar ekenin bildiredi. Basty­sy, olar­dyń (proseske qatysý­shy­lar – red.) bir-birin kórip, bir-birimen únqatysa bastaýy mańyzdy. Eki janjaldasýshy tarap qana bar basqa kóptegen elderge qaraǵanda, Sırııada bir-birine qarsy turýshy jaqtar kóp, sondyqtan bul prosess te ońaı sheshilmeıdi. Hımııalyq shabýyl delingennen keıin Astana prosesi jalǵasady degenge esh­kim de sengen joq. Bul jer­de Me­mleket basshysynyń bede­li­niń arqasynda da bul prosess jalǵasyp jatyr», – dedi «Otkrytyı dıalog» jobasy sheńberinde sóılegen sózinde D.Abaev. 

Vedomstvo basshysy proses­ke AQSh memlekettik hatshynyń kómekshisi deńgeıinde óz ókilin jiberip, ókiliniń mártebesin joǵarylatyp otyrǵanyn atap ótti. «Men Astana prosesiniń Iran jónindegi Almaty kelis­sózderi sekildi jáne de Mem­leket basshysynyń barlyq bitim­gershilik ıdeıalary tarıhta qa­latynyna tolyqtaı senim­dimin», – dedi óziniń sózinde mınıstr. 

«Úrker» syılyǵyna qatysýǵa shaqyrdy

D.Abaev jýrnalısterdi baspa, radıo jáne ınternet-jýrnalısteriniń alǵash ja­rııa­lanǵan «Úrker» ult­tyq syılyǵyna qatysýǵa shaqyr­dy. «Men jýrnalısterge osy syılyq asa qajet qoı dep oılaımyn. О́ıtkeni, qalam ustaǵan qaýymnyń eńbegin laıyqty baǵalaý asa mańyz­dy. Osy syılyqtyń arqasyn­da jýrnalıstıkanyń sapasy artatyn bolady. Jıýrı sheshim­derine eshqandaı qatysymyz bolmaıdy. Kim laıyqty sol jeńedi», – dedi «Habar» arna­syn­daǵy joba sheńberinde vedomstvo basshysy. 

Sondaı-aq, ol alǵashqy ulttyq televızııalyq «Tumar» syılyǵy jýrnalıster arasynda laıyqty baǵalanǵanyn atap ótti. «Onda laıyqtylar jeńgen bolatyn, «Tumar» syılyǵyn berý qalaı ótkenin kórgen soń odan qandaı da bir sabaq aldyq. Endi ol «Úrker» syılyǵynda mindetti túrde eskeriletin bolady», dedi mınıstr. 

Sóziniń sońynda D.Abaev jýr­na­lısterdi konkýrsqa qa­ty­sý­da bel­sendilik tanytýǵa shaqyr­dy. 

Senat konservatıvti kúsh bolyp tabylady

О́tken aptada Prezıdent Nursultan Nazarbaev Senat depýtattarynyń saılaýyn 2017 jyldyń 28 maýsymyna bel­gi­legen Jarlyqqa qol qoı­dy. Aqparat jáne kommý­nı­­ka­sııa­lar mınıstri D.Abaev­tyń pikirinshe, elimiz úshin Parla­menttiń joǵarǵy palatasy asa mańyzdy ról atqarady. «Senat memlekettik basqarý júıesinde asa zor turaqtandyrýshy rólge ıe. Senat – bir sáttik trend­terge ońaılyqpen berile qoı­maı­tyn konservatıvti kúsh. О́ıt­keni, Senat depýtattaryn jana­ma daýys berý ádisimen máslı­hat­tar depýtattary saılaıdy. Osynyń nátıjesinde joǵarǵy palataǵa kúshti saıası erik-jigeri bar, aıtarlyqtaı basqarý táji­rıbesine ıe adamdar saıla­nady. Son­dyqtan, Sen­at elimizdiń qazirgi damý úderisterinde úlken ról atqaryp otyr», – dedi mınıstr.