«Mýn Chje In saılaýshylardyń 41,1 % daýsyn jınap, eldiń jańa prezıdenti bolyp saılandy, – delingen Koreıa Respýblıkasy Ulttyq saılaý komıtetiniń habarlamasynda. – Oǵan 13,4 mln adam daýys berdi. Al «Koreı bostandyǵy» konservatıvter partııasynyń ókili Hon Djýn Phe – 24,3 %, solshyldardyń «Ulttyq partııasynan» saılaýǵa túsken An Chhol Sý 21,4 % daýys jınaǵan».
Aıta keteıik, Ońtústik Koreıadaǵy prezıdent saılaýy merziminen buryn ótkizildi. Naýryzda eldiń Konstıtýsııalyq soty burynǵy prezıdent Pak Kyn Heǵa jarııalanǵan ımpıchmentti rastap, ony qyzmetinen shettetti. Nátıjesinde saılaý josparlanǵan merzimnen 7 aı buryn ótkizilip otyr.
Saılaý naýqany barysynda Mýn Chje In isti bolyp otyrǵan eks-prezıdent Pak Kyn Heniń komandasyn synaǵan bolatyn. Atap aıtqanda, ol eski úkimetti Soltústik Koreıanyń ıadrolyq baǵdarlamasyna tótep bere almady dep aıyptady. Degenmen, jańa prezıdent eki el arasynda beıbit baılanys bolǵanyn qalaıtynyn málimdedi.
