«Keńes halyqaralyq qatynastar salasyndaǵy otandyq sarapshylardy biriktirý jáne Prezıdent Nursultan Nazarbaevtyń mańyzdy bastamalaryn ilgeriletý, sondaı-aq jahandyq turǵydaǵy kún tártibinde turǵan eń ózekti máselelerdi talqylaý jáne usynystar ázirleý úshin quryldy», – delingen Parlament Senaty baspasóz qyzmetiniń aqparatynda.
«Álem damýyndaǵy aǵymdardy jan-jaqty ári tereń taldaý negizinde Keńes Qazaqstannyń syrtqy saıasatyndaǵy negizgi máseleler boıynsha ınnovasııalyq qadamdar ázirleıtin alań bolýy tıis», – dep atap ótti Qasym-Jomart Toqaev.
Halyqaralyq qatynastar keńesi qyzmetiniń negizgi baǵyttary bıyl belgilendi. Sheteldik áriptesterdiń qatysýymen sarapshylar forýmyn ótkizý, zertteý granttary men stıpendııalaryn taǵaıyndaý, sondaı-aq jas sarapshylarǵa arnalǵan Jazǵy mektep uıymdastyrý josparda tur. Saıasattanýshy Erlan Karın keńestiń tóraǵasy boldy. Syrtqy ister mınıstri Qaırat Ábdirahmanov, Parlament Májilisi halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev otandyq jetekshi taldaý ortalyqtarynyń basshylary keńes tóralqasynyń quramyna endi.
