Almaty oblysy ákiminiń orynbasary Jaqsylyq Omar ujym aldynda basqarmanyń jańa basshysyn tanystyryp, birqatar mindetterdi júktedi.
«Áleýmettik salanyń qaı kezde de júgi aýyr. Sondyqtan bul basqarmanyń jańa basshysyna júkteletin mindet te jeńil bolmaıdy. Eń aldymen, azamattardyń jumyspen qamtylýyn basty nazarda ustap, jumyssyzdyq deńgeıin tómendetýge jumys isteý qajet. Ekinshiden, basqarmaǵa qarasty 12 mekemeniń qyzmeti aqsamaýy tıis. Úshinshiden, múgedek jandardy qoǵamdyq ortaǵa tartý, jumysqa ornalasýyna yqpal etý, olarǵa kedergisiz orta qalyptastyrý baǵytyndaǵy isti jetildirý kerek. Sonymen qatar, soǵys ardagerleri men tyl eńbekkerlerine qamqorlyq sharalaryn da umytpaýǵa tıispiz», - dep atap ótti J. Omar.
О́z kezeginde Z. Ilimjanova artylǵan jaýapkershilikti ujymmen birlesip abyroımen atqaratynyna sendirdi.
Zaıda Ábdimananqyzy 1967 jyly týǵan. Almaty halyq sharýashylyǵy ınstıtýtyn ekonomıst, Taldyqorǵan syrtqy zań ınstıtýtyn zańger mamandyqtary boıynsha bitirgen. Ekonomıka ǵylymdarynyń kandıdaty.
Eńbek jolyn Taldyqorǵan sý qurylysy tresiniń ınjeneri bolyp bastaǵan. Uzaq jyldar boıy Almaty oblysynyń salyq júıesi salasynda jumys istedi. Ár jyldary Taldyqorǵan qalasy boıynsha memlekettik salyq ınspeksııasynyń ınspektory, bólim basshysy, ınspeksııa basshysynyń orynbasary, Taldyqorǵan qalasy boıynsha salyq komıteti tóraǵasynyń orynbasary, Qaratal aýdandyq salyq komıtetiniń tóraıymy, Almaty oblysy boıynsha salyq komıteti tóraǵasynyń orynbasary, Tekeli qalasy boıynsha salyq basqarmasynyń basshysy, Almaty oblysy boıynsha salyq depatramenti basshysynyń orynbasary bolyp qyzmet atqarǵan.
2014 jyldyń qarasha aıynan beri - Eskeldi aýdany boıynsha memlekettik kirister basqarmasynyń basshysy.
