Joldar qajetti kólemde qarjylandyrylady

Investısııalar jáne damý mı­nıstri Jeńis Qasymbek tanys­tyr­ǵan atalǵan ratıfıkasııalyq qu­jat Ortalyq Azııa óńirlik eko­no­­mı­kalyq yntymaqtastyǵy sheń­berinde «Aqtóbe – Maqat» av­to­­­mobıl jolyn rekons­trýk­sııa­laý jobasyn júzege asyrýdy kózdeıdi. 

«Kelisimge sáıkes, Azııa Damý Banki bizdiń elge uzyndyǵy 299 kılometrge jýyq eki jolaqty avtomobıl joldarynyń ýchaske­sin rekonstrýksııalaýǵa 240 300 000 dollar mólsherinde qaryz beredi. Al bul joba aıasyn­da «Reseı Federasııasy sheka­ra­sy (Orskige qaraı) – Aqtó­be – Atyraý – RF shekarasy (Ast­ra­­­ha­nǵa qaraı)» avtomobıl joly­­nyń «Aqtóbe – Maqat» ýchas­­kesi arqyly memleketara­lyq já­ne saýda qatynastary­nyń ke­ńe­ıýi men tereńdeı túsýine zor múm­kindik týady», – dedi J.Qasymbek.

Mınıstrdiń aıtýynsha, atal­ǵan ýchaskeniń iske qosylýy Kaspıı mańy elderi úshin Qytaı, Reseı naryqtary men Ońtús­tik-Shyǵys Azııa aımaqtaryna shyǵýǵa jol ashatyn kórinedi. О́ıt­keni, osy jol «Batys Eýropa – Batys Qytaı» kólik dálizine qosylatyn bolady, al «Aqtóbe – Maqat» jobasy birneshe kózden qarjylandyrylady. Aıtalyq, joldyń 299 shaqyrymy – Azııa Damý Banki esebinen, 156 shaqyrymy – Islam Damý Banki esebinen jóndeledi. Esterińizge sala keteıik, Qazaqstan men Azııa Damý Banki arasyndaǵy Qaryz týraly kelisim 2016 jyly 7 jeltoqsanda jasalǵan bolatyn. Joba boıynsha asfalt tóseý, 11 kópir salý, 149 sý ótkizgish qu­byr men 2 jol ótpesin salý jos­parlanǵan. Joba 2017-2021 jyldar aralyǵynda iske asýy tıis.

Mınıstrdiń sózine qara­ǵan­da, kelisimsharttarǵa sáıkes, Azııa Damý Banki Aqtóbe men Ma­qat eldi mekenderiniń ara­syn­daǵy uzyndyǵy 299 km-ge jýyq eki jolaqty avtomobıl jol­darynyń ýchaskesin rekonst­rýk­sııalaýǵa jumsalatyn boljamdy shyǵyndar somasy 273 mln 065 myń AQSh dollaryn quraıdy. Onyń ishinde ADB-niń qaryzy – 240 mln 300 myń AQSh dollaryn, respýblıkalyq bıýdjetten qaryzdy birlesip qarjylandyrý 32 mln 765 myń AQSh dollaryn quraıdy. Atalǵan somadaǵy ADB qaryzy Qazaqstanǵa 5,5 jyldyq jeńildikti kezeńdi qosa alǵanda, 18 jyl óteý merzimimen beriledi.

Osy kúni Jeńis Mahmutuly­nyń tanystyrýymen palata maqul­daǵan taǵy bir qujat – «Qazaq­stan Respýblıkasynyń Úki­m­eti men Reseı Federa­sııa­sy­­­nyń Úkimeti arasyndaǵy avıa­sııa­lyq izdestirý jáne qutqa­rý salasyndaǵy yntymaqtastyq týra­ly kelisimdi ratıfıkasııalaý tý­ral­y» zań jobasy boldy. Reseı­men avıasııalyq izdestirý jáne qut­­qarý salasyndaǵy ynty­maqtas­tyq týraly úkimet­aralyq kelisim­de árbir tarap óziniń izdes­tirý já­ne qutqarý aýdanynda táý­lik bo­ıy kezekshilikti júzege asyra­tyn avıasııalyq izdestirý-qut­qa­rý qyzmetterin qamtamasyz etedi dep kórsetilgen. Sondaı-aq, ár­bir tarap óziniń jaýap­ty aıma­ǵyn­da izdestirý-qut­qarý opera­sııa­­­laryn júzege asy­rý bary­syn­­­da týyndaıtyn shyǵys­tardy óz­­deri derbes kóteretindigi de naqtylanǵan.

Jalpy otyrysta «Qazaqstan Respýblıkasynyń keıbir zańna­malyq aktilerine joǵary oqý oryn­darynyń akademııalyq jáne basqarý derbestigin keńeı­tý máseleleri boıynsha ózge­ris­­ter men tolyqtyrýlar en­gizý týraly» zań jobasy jumys­qa qabyldandy. Sondaı-aq, «Qazaq­stan Respýblıkasy men Qyrǵyz Res­pýb­lıkasy arasyndaǵy Ta­rıf­tik saıasat negizderin qosa alǵanda, temir jol kóligi kórse­tetin qyzmetterge qol jetkizýdi retteý tártibin qoldaný týraly keli­simdi ratıfıkasııalaý týra­ly» kelisim men «Qazaqstan Res­pýb­lıkasynyń Úkimeti men О́zbek­stan Respýblıkasynyń Úki­meti arasyndaǵy Qazaqstan-О́zbek­stan memlekettik shekarasy ar­qy­ly ótkizý pýnktteri týra­ly kelisimge 2006 jylǵy 4 qyr­kúıektegi  Hattamaǵa ózgeris­ter men tolyqtyrýlar engizý týraly hattamany ratıfıkasııa­laý týraly» zań jobasy boıyn­sha beıindi komıtetterge kory­tyn­dy ázirleý merzimderi taǵaıyndaldy.

Nurlybek DOSYBAI,

«Egemen Qazaqstan»