Men atalǵan maqalany muqııat oqyp shyqtym. Onda ultymyzdyń jahandyq yqpaldastyqta jutylyp ketpeı, ulttyq erekshelikterin saqtap qalýdyń óte mańyzdy máseleleri kóterilgen. Qarý ustap, el tynyshtyǵy kúzetinde júrgen azamat retinde aıtarym, ulttyq qundylyǵymyz, ıaǵnı onyń eń bastylary – tilimiz ben dilimiz elimizdiń qaýipsizdigin qamtamasyz etý sııaqty memleketimiz úshin eń basty másele.
Ýaqyt alǵa jyljyp jatyr. Bul – ómir zańdylyǵy. Osyndaı kezeńde basqa ózgeristermen qatar, Elbasy aıryqsha nazar salyp aıtqandaı, rýhanı jańǵyrýdyń qajet ekendigi sózsiz. Sondyqtan da ult, halyq bolǵannan keıin aldyna maqsat qoıǵany abzal. Bul týraly Prezıdenttiń ult nemese jeke adam naqty bir mejege bet túzep, soǵan maqsatty túrde umtylmasa, erteń iske aspaq túgili, eldi qurdymǵa bastaıdy dep aıtqan oılarymen ábden kelisesiń. Ultymyzdyń rýhyn boıymyzǵa ábden sińirýimiz kerektigi de árqaısymyz úshin kerek nárse. Muny elimizdiń aıbyny – Ulttyq ulanda el úshin, jer úshin dep qyzmet atqaryp júrgen ár azamatymyz júrek túpkirimen tereń túsinedi ári «Ulttyq» degen basymdy negizdemesi bar bizdiń ásker quramy Elbasynyń bul rýhanı jolyndaǵy jańǵyrý ıdeıalaryn júzege asyrýda tyńǵylyqty jumystar atqarady dep nyq senimmen aıta alamyn.
Túıindep aıtqanda, bul – bolashaq urpaq úshin jasalyp otyrǵan jarqyn is.
Qaırat AQTANOV,
general-maıor, Qazaqstan Respýblıkasy Ulttyq ulany «Ońtústik» óńirlik qolbasshylyǵynyń qolbasshysy
