Mundaı kelisimge oblys ákiminiń orynbasary Erbol Sadyr men «Novopek» JShS-niń basqarýshy dırektory Aıdar Jaqypovpen bolǵan eki jaqty memorandým aıasynda qol jetkizildi.
Eńbek kúshi aıtarlyqtaı artyq ońtústikten jumys qolynyń tapshylyǵy seziletin Aqmola oblysyna turǵyndardy qonystandyrý maqsatynda jasalǵan memorandým aıasynda zaýyt basshysy Aıdar Jaqypov oblystan baratyn 300-ge jýyq azamatty jumyspen qamtyp, baspana máselesin sheshýge kómektesetinin atap ótti.
Esterińizge salsaq, ótken aptada Aqmola oblysynyń ákimi Málik Mýrzalın Ońtústik Qazaqstan oblysyna jasaǵan sapary aıasynda polıetılen qaptaryn shyǵaratyn «Novopek» zaýyty men basqa da óndiristik kásiporyndarda jumys kúshiniń tapshylyǵy baıqalatynyn atap ótken bolatyn. Osynyń negizinde Shymkent pen Kókshetaý qalasy arasyndaǵy baılanysty nyǵaıtý maqsatynda birqatar kompanııalar men ońtústiktegi memlekettik mekemeler arasynda eki jaqty kelisimder jasaldy. Máselen, «Shymkent» ÁKK UQ men «Esil» ÁKK UQ arasyndaǵy yntymaqtastyqty kúsheıtý týraly jáne «ENKI»JShS men OQO qurylys basqarmasy ózara memorandým túzdi. Kelisimder eki oblys arasyndaǵy qarjylyq damý men yntymaqtastyq baılanysty kúsheıtýge baǵyttalǵan.
«Novopek» kompanııasynyń negizi 2003 jyly qalanǵan, polımerlik qaptama naryǵynda kópjyldyq kóshbasshy. Zaýyt Avstrııa, Italııa, Túrkııa jáne Taıvan elderiniń zamanaýı qural-jabdyqtarymen jabdyqtalǵan. Aýmaǵy 45 myń sharshy metrdi quraıtyn keshen 600 adamdy jumyspen qamtýǵa múmkindigi bar. Búginde óndiris orny aıyna 8 mln dana ónim shyǵarady.
