«Donald Tramp 16 mamyr kúni Aq úıde Túrkııa prezıdenti Redjep Taııp Erdoǵandy qabyldaıdy. Memleketter basshylary ekijaqty baılanysty odan ári nyǵaıtý jáne terrorızmniń kez-kelgen kórinisterimen kúresý joldaryn talqylaıdy», – delingen habarlamada.
Aldaǵy kezdesýde Vashıngtonnyń Sırııadaǵy kúrd qurylymdaryn qarý-jaraqpen qamtamasyz etý týraly sheshimi talqylanady dep kútilýde. 10 mamyr kúni brıfıngte Inherent Resolve antıterrorlyq operasııalar shtabynyń resmı ókili, AQSh áskerı-áýe kúshteriniń polkovnıgi Djon Dorrıan málimdegendeı, AQSh Rakka qalasyn IShIM sodyrlarynan bosatý operasııasyna qatysyp jatqan kúrdterdiń halyqtyq ózin-ózi qorǵaý jasaqtaryna belgili mólsherde qarý-jaraq jetkizedi.
Halyqtyq ózin-ózi qorǵaý jasaqtary kúrdterdiń «Demokratııalyq odaq» partııasynyń áskerı qanaty bolyp tabylady. Ankara bul qurylymdardy Túrkııa bıligimen qarýly kúres júrgizip otyrǵan, ári bul elde lańkestik uıym sanalatyn «Kúrdistan jumysshylar partııasynyń» butaǵy dep esepteıdi. Túrkııa premer-mınıstri Bınalı Iyldyrym Amerıka ákimshiliginiń kúrd jasaqtaryna kómektesý týraly sheshimi óreskel qatelik ekenin, mundaı áreket AQSh-tyń ózine teris yqpal etý múmkindigin málimdedi.
