2016 jyly memlekettik sektor qyzmetkerleriniń jalaqysyna bólingen qarajat 18 paıyzǵa ósip, 1,30 trıllıon teńge bolǵan. Al bıyl bıýdjetten 1,32 trıllıon teńge bólinbekshi. Onyń 1,2 trıllıon teńgesi – eńbekaqy, 112 mıllıard teńge – ótemaqylyq tólemder, 7 mıllıard teńge qosymsha aqshalaı tólemder men 242 mıllıon teńge mindettelgen zeınetaqy jarnasy.
Sarapshylardyń málimetinshe, jalpy qordaǵy qarajattyń 22 paıyzy memlekettik sektordyń úlesi. Iаǵnı, onyń shamamen 12,4 mıllıard teńgesi (0,9 paıyzy) memlekettik basqarmadaǵy qyzmetkerlerge tıesili.
Búginde elimizde 98 900 memlekettik qyzmetker bar, olardyń 53 000-y ortalyq organdarda jumys istese, 46 000-y jergilikti atqarýshy organdardaǵy memlekettik qyzmetkerler.
Alaıda memqyzmetkerlerdiń jalaqysynyń ósýi salyq jáne basqa da aýdarymdardyń 25 paıyzǵa ósýine áser etip otyr. Osylaısha, memlekettik sektor 2017 jyly qazynadaǵy qarajatty 9 paıyzǵa kóbeıtip, 110,8 mıllıard teńgege jetedi.
