Aldaǵy ýaqytta ala shapandy aǵaıyndarmen dostyq qarym-qatynas kúsheıip, óndiris, aýyl sharýashylyǵy, saýda-sattyq salalarynda da kóptegen nátıjelerge qol jetkiziletin bolady. Osy maqsatta О́zbekstan Respýblıkasy Jızaq oblysynyń ákimi Ulyqbek Uzaqov bastaǵan top Áýlıeata óńirine keldi. Qurmetti qonaqtardy Ońtústik Qazaqstan oblysy men Jambyl oblysynyń Jýaly aýdanynyń shekteser tusynan oblys ákiminiń orynbasary Erqanat Manjýov bastaǵan jambyldyqtar kútip aldy.
Ulyqbek Iýldashuly bastaǵan arnaıy top áýeli Jýaly aýdanynyń irgesinde ornalasqan «Býrnoe Solar-1» kesheninde boldy. Indýstrııalandyrý kartasyna engen iri jobamen tanysqan soń, delegasııa músheleri Jambyl aýdanyndaǵy «Aısha bıbi» kesenesine keldi. Jızaqtyqtar ortaǵasyrlyq kóne jádigermen tanysyp, keseneniń sáýlettik erekshelikterine qyzyǵýshylyq tanytty. Sondaı-aq, Aısha bıbi men Babadja hatýn rýhtaryna taǵzym etti.
Jambyl men Jızaq dostyǵynyń negizgi maqsaty – ózara kásipkerlikti damytý. Budan keıin oblys ákimi Kárim Kókirekbaev qurmetti qonaqtardy Taraz qalasyndaǵy «Araı plaza» kesheninen kútip alyp, atalǵan nysanda eki tarap kásipkerleri kezdesý ótkizdi. Munda da eki oblysqa ortaq máseleler talqylanyp, kásipkerliktiń keń qanat jaıýyna múmkindikter qarastyryldy.
Sonymen qatar, jızaqtyq ókilder «Qazaq handyǵyna – 550 jyl», «Táýelsiz Qazaqstan» monýmentterine, «Taraz-Arena» sport keshenine, Nazarbaev zııatkerlik mektebine jáne basqa da nysandarǵa baryp, óńir áleýetimen tanysty. О́zbekstandyq azamattardyń arnaıy issapary eki kúnge jalǵasty. Ekinshi kúni Taraz qalasyndaǵy «Dostyq úıi» kesheninde Jambyl jáne Jızaq oblystary ákimderiniń qatysýymen óńiraralyq ekonomıkalyq yntymaqtastyq týraly jıyn ótti. Jıynda Kárim Kókirekbaev sóz alyp, eki oblystyń yntymaqtastyǵyn damytý jóninde óz oıyn ortaǵa saldy.
«Ejelgi Taraz jerine qosh keldińizder! Eki eldiń ejelden tarıhy – ortaq, tamyry – bir. Biz – mádenıeti men ádebıeti, óneri men salt-dástúri qatar damyǵan, yntymaǵy men birligi jarasqan halyqtarmyz. Burynnan aýyly – aralas, qoıy – qoralas jatqan, tóskeıde maly, tósekte basy qosylǵan elmiz. Elbasymyz Nursultan Ábishuly Nazarbaev memleketter arasyndaǵy yntymaqtastyqqa árdaıym erekshe kóńil bóledi. Eki el arasynda ornyqqan ózara áriptestik búginde oblystar arasynda óz jalǵasyn tabýda», dedi ákim. О́z kezeginde Ulyqbek Uzaqov ta jambyldyqtarǵa óz rızashylyǵyn bildirip, aldaǵy ýaqytta da eki oblystyń baılanysy bekı túsetinin jetkizdi.
Budan keıin Jambyl men Jızaq basshylary óńirler arasynda ekonomıkalyq baılanys boıynsha memorandýmdarǵa qol qoıdy.
Hamıt Esaman,
«Egemen Qazaqstan»
